1 कुरन्थीयो 1:18 - जीवन को च्यानणो (सेकावाटी नया नियम की पोथ्या)

¹⁸ मसी क सुळी भोगबा को समचार नास होबाळा मिनखा ताँई बकवास ह। पण आपणा ताँई जखा बचाया जार्या हां परमेसर की सक्‍ति ह।

1 कुरन्थीयो 1:18 Referans Kwoze

1 कुरन्थीयो 2:14

जिकै कनै आत्मा कोनी बिनै बे चिजा कोनी मिलै जखी परमेसर की पबितर आत्माऊँ आवै ह। बि ताँई बे बकवास बाता ह क्युं क बाको मोल आत्मिक रूपऊँ परख्यो जावै ह।

रोमीयो 1:16

म मसी का चोखा समचारऊँ कोनी सरमाऊँ क्युं क जखो बी बिस्वास करै बिकै छुटकारा ताँई ओ समचार पेली यहूदि मिनखा ताँई अर पाछै यूनानी मिनखा ताँई बी परमेसर की सक्‍ति ह।

2 थिसलूनिकी 2:10

बो इ सक्‍तिनै बा मिनखानै भंगराबा ताँई काम म लेसी जखा नास होबाळा हीं। क्युं क बे छुटकारा करबाळा सचा चोखा समचारनै कोनी मानसी अर खुदनै परमेसरनै कोनी सूपसी जिऊँ क परमेसर बानै बाका पाप की सजाऊँ बचावै।

2 कुरन्थीयो 4:3

अर चोखो समचार जिनै म्हें सुणावां हां ज बिपै परदो पड़्यो ह जणा बो बा मिनखा ताँई ह जखा नास होर्या हीं।

1 कुरन्थीयो 1:21

इ दुनिया का मिनख बुदीऊँ परमेसरनै कोनी जाण्या। क्युं क आ परमेसर सोच समजर ध्यार राखी ही। इ ताँई परमेसरनै ओ चोखो लाग्यो क इ परचार क जरिए जखो आपा करां हां जिनै इ दुनिया का मिनख बकवास जाणी हीं बिस्वास करबाळानै बचावै।

1 कुरन्थीयो 3:19

क्युं क परमेसर की नजर्या म इ दुनिया को ज्ञान बावळोपुणोई ह। अर पबितर सास्तर म मंडेड़ो ह क, “परमेसर ज्ञान्यानै बाकीई चतराई म फसावै ह।”

1 थिसलूनिकी 1:5

क्युं क ओ चोखो समचार थारै कनै बोली रूप मई कोनी पुग्यो पण सक्‍ति, पबितर आत्मा अर इकै सच की पुक्‍ताई क सागै पुग्यो ह। जंय्यां थे जाणोई हो क, म्हें थारा भला ताँई थारै मांयनै कंय्यां जिया।

1 कुरन्थीयो 2:2

क्युं क जद थारै सागै हो जणा म ध्यारली ही क म ईसु मसी अर सुळी प बिकाळी मोत क सिवाय क्युंई कोनी जाणू।

भेजेड़ा चेला का काम 13:41

‘हसी करबाळो! अचरज कर मरज्यावो! क्युं क म आ दिना म अंय्यां को काम करबाळो हूँ, जिकै बारां म ज थानै कोई बतातो जणा बी थे बिपै जमाई बिस्वास कोनी करता।’”

इबरानीआ 4:12

क्युं क परमेसर को बचन जिंदो अर काम करबाळो ह। बो दोधारी तलवारऊँ बी बेत्ती पेनो ह। परमेसर को बचन आत्मा, पिराण, जोड़ अर गुली म जार बानै न्यारो-न्यारो कर सकै ह। अर ओ हिया का बिचारानै अर मनस्यानै बिचासै ह।

2 कुरन्थीयो 10:4

क्युं क सेतान का नइ दिखबाळा गडानै ढाबा ताँई म्हारै कनै इ दुनिया का राछ कोनी पण बे राछ हीं जामै परमेसर की सक्‍ति ह।

1 कुरन्थीयो 15:2

ज मेरै जरिए सुणाईड़ा समचार प थे मजबूतीऊँ चालो जणा परमेसर थानै बचासी। ज थे अंय्यां कोनी करस्यो जणा मसी म थारो बिस्वास करबो बेकार ह।

भेजेड़ा चेला का काम 17:32

मरेड़ा मऊँ ओज्यु जीबा की बात सुणर क्युंक मिनख बिपै हसबा लागगा। अर क्युंक बिऊँ बोल्या की, “इ बारां म म्हें ओज्यु कदै सुणस्यां।”

भेजेड़ा चेला का काम 17:18

बठै बो क्युंक एपिकूरी अर स्तोइकी ज्ञानी मिनखा क सागै बी चरचा करी। क्युंक मिनख कह्या, “ओ गेलो म्हारूँ काँई खेबो चावै ह?” अर क्युंक खेता हा, “लागै ह क ओ कोई पराया देवता की बात करै ह।” क्युं क बो ईसु अर बिकै मर्या पाछै ओज्यु जीबा का चोखा समचार को परचार करतो हो।

भेजेड़ा चेला का काम 2:47

अर परमेसर को गुणगान गाता। बे सगळा इ दान दयाऊँ राजी हा। अर जखो बी परमेसर क जरिए छुटकारो पातो, परमेसर बिनै रोजकी बाकी टोळी म जोड़ देतो।

1 कुरन्थीयो 4:10

हां, सई ह भाईड़ो म्हें मसी ताँई बेबुदी का हां, पण थे मसी म बोळा ज्ञानी हो! म्हें तो माड़ा हां पण थे तो तगड़ा हो। म्हें तो बेजत हां पण थे तो मान्या-थान्या हो।

इबरानीआ 12:2

आओ ल्यो आपा आपणी आँख्या ईसु प लगावां। जखो बिस्वास को मालिक अर बिनै निधान करबाळो ह। बो आगला सुक क बारां म सोचतो होयो बेजती होबा की चिंत्या कर्या बिना सुळी प दुख भोग्यो अर परमेसर क सिंघासन क दायणै जार बिराजगो।