1 कुरन्थीयो 1:13 - जीवन को च्यानणो (सेकावाटी नया नियम की पोथ्या)

¹³ के मसी बटगो? के थारै ताँई पोलुस सुळी चढयो? के थानै पोलुस का चेला होबा ताँई बतिस्मो दिओ गयो हो? नइ अंय्यां कोनी ह।

1 कुरन्थीयो 1:13 Referans Kwoze

इफिसुस 4:5

आपणो परबु मसी एक ह, जिमै आपणो एक सो बिस्वास ह अर आपा एकई बतिस्मो लेवां हां अर अंय्यां आपा सगळा एक हां,

2 कुरन्थीयो 11:4

म्हें जि ईसु क बारां म थानै बताया हा अर जखी पबितर आत्मा थानै मिली अर जखो चोखो समचार थे मान्या बिकै अलावा ज थे कोई मिनखनै दुसरा ईसु क बारां म बोलबा द्‍यो जणा इको मतबल ओई ह क थे ओरई ईसुनै, ओरई चोखा समचारनै अर ओरई आत्मानै मानबा अर लेबा ताँई राजी हो।

भेजेड़ा चेला का काम 2:38

जणा पतरस बोल्यो, “थे थारा पापऊँ तौबा करो ईसु मसी का नाम म बतिस्मो लेल्यो जिऊँ थारा पाप धोया जासी। अर थानै पबितर आत्मा को बरदान मिलसी

1 कुरन्थीयो 10:2

बा सगळानै बादळ क तळै अर समदर क मांयनै मूसा की मानबाळा क रूप म बतिस्मो दिओ गयो हो।

भेजेड़ा चेला का काम 19:5

आ सुणर बे परबु ईसु का नामऊँ बतिस्मो लिओ।

भेजेड़ा चेला का काम 10:48

अर जणा पाछै पतरस बानै ईसु मसी क नाम म पाणीऊँ बतिस्मो लेबा ताँई हुकम दिओ। इकै पाछै बे सगळा पतरसऊँ हात जो'ड़र कह्या की बो थोड़ा घणा दिन ओर बाकै सागै रेह्‍वै।

गलातियो 1:7

पण मसी का चोखा समचारनै छोडर दुसरो समचार तो आथई कोनी, पण क्युंक मिनख थानै भंगरार्या हीं अर मसी का चोखा समचार म हेर-फेर करबो चावीं हीं।

मत्ती 28:19

इ ताँई थे जाओ अर धरती का सगळा कूणबा का मिनखानै मेरा चेला बणाओ अर परम-पिता, बेटा अर पबितर आत्मा क नाम म बतिस्मो द्‍यो।

तितूस 2:14

बो आपणा ताँई खुदकी ज्यान दे दिनी। जिऊँ बो आपानै सगळा पापऊँ बचावै अर आपानै सुद कर खुद ताँई अंय्यां का मिनख बणावै जखा भला काम करबा ताँई उतावळा रेह्‍वै।

1 कुरन्थीयो 1:15

जिऊँ कोईबी आ कोनी खे सकै क थे मेरा चेला होबा ताँई बतिस्मो दिआ गया हो।

रोमीयो 14:9

क्युं क मसी इ ताँई मर्यो अर ओज्यु जिंदो होयो जिऊँ बो मरेड़ा अर जीवता दोन्या को परबु होवै।

भेजेड़ा चेला का काम 8:16

क्युं क हाल ताँई बे परबु ईसु का नामऊँ बतिस्मोई लिआ हा, बामैऊँ कोईसानैई परमेसर को आत्मा कोनी मिल्यो हो।

मत्ती 3:6

बे आपका पापनै मानर यरदन नदि म यहून्नाऊँ पाणी को बतिस्मो लिओ।