1 कुरन्थीयो 1:12 - जीवन को च्यानणो (सेकावाटी नया नियम की पोथ्या)

¹² थारै म आ राड़ ह क थारै मऊँ क्युंक बोलै ह, “म्हें तो पोलुस का चेला हां” क्युंक बोलै ह, “म्हें अपुलोस का” क्युंक बोलै ह, “म्हें केफा का” अर क्युंक खुदनै, “मसी का चेला” बतावीं हीं।

1 कुरन्थीयो 1:12 Referans Kwoze

यहून्ना 1:42

जणा बो बिनै ईसु कनै ल्यायो। ईसु बिनै देखर बोल्या, “तू यहून्ना को बेटो समोन ह, तू केफा खुवासी।” केफा जिनै पतरस बी बोलै ह जिको मतबल ढाड होवै ह।

गलातियो 3:17

मेरै खेबा को मतबल ओ ह, क जखो करार परमेसर पेल्याऊँ कर दिओ बिनै च्यार सो तीस बरस क पाछै आबाळो सास्तर कोनी बदल सकै। अर नइ बिका वादानै नकार्यो जा सकै।

गलातियो 2:9

अर जद याकूब, केफा अर यहून्ना जखा बिस्वासी मंडळी का खम्बा समज्या जाता हा, बे आ जाणग्या की ओ चोखो समचार परबु की दयाऊँ मिल्यो ह। जणा बे बरनाबास अर मेरै सागै संगती को हात मिला लिआ। अर बे राजी होगा की म्हें गैर-यहूदि मिनखानै चोखो समचार सुणाता रेह्‍वां अर बे खुद यहूदि मिनखानै सुणाता रेह्‍वै।

2 कुरन्थीयो 9:6

पण थे याद राखो जखो थोड़ो बोवै ह बो थोड़ो अर जखो बोळो बोवै ह बो बोळो काटसी।

1 कुरन्थीयो 16:12

इब म थानै अपुलोस क बारां म बताऊँ हूँ जंय्यां क थे मेरूँ बिकै बारां म बुज्या हो। म बिनै सूल समजायो हो क बो दुसरा बिस्वासी भाईड़ा क सागै थारै कनै पाछो चल्यो जावै। पण बो हाल जाबा ताँई राजी कोनी पण आगै कोई मोका प थारै कनै आज्यासी।

1 कुरन्थीयो 15:50

मेरा लाडला बिस्वास्यो, म थानै बताऊँ हूँ क आपणी आ काया जखी मास अर लोयऊँ बणेड़ी ह परमेसर का राज म कोनी जा सकै। अर ना नसबर काया अमर होसी।

1 कुरन्थीयो 15:5

इकै पाछै बो केफा क सामै परगट होयो जणा पाछै बो सगळा बारा भेजेड़ा चेला क सामै।

1 कुरन्थीयो 9:5

अर ज म्हें ब्याईड़ा होवां जणा के म्हानै ओ हक कोनी? जंय्यां दुसरा भेजेड़ा चेला, अर परबु का सगा भायानै अर पतरसनै ह। की बे आपकी बिस्वासी लूगायानै जानै बे ब्या राखी ह बानै जठै बे जावीं हीं बठै लेज्यावीं हीं।

1 कुरन्थीयो 7:29

ओ मेरा लाडला बिस्वास्यो, म तो आई खेऊँ हूँ, क टेम बोळो कम ह। इ ताँई इबऊँ जिकै लूगाई ह बो अंय्यां रेह्‍वै जंय्यां बिकै लूगाई आथई कोनी।

1 कुरन्थीयो 4:6

मेरा लाडला बिस्वास्यो, थारै ताँई म अ बाता जखी म थानै सीखायो हूँ बानै अपुलोस अर खुद प लागू करी ह, जिऊँ थे म्हारूँ खेबत का मतबलनै सीख सको अर आ खेबत आ ह, “जोक्यु पबितर सास्तर म मंडेड़ो ह थे बिनै नइ उंडाळ ज्याओ।” अर थानै दुसरा को विरोध करबा ताँई एक की भीड़ लेर गुमानऊँ नइ फुलबो चाए।

भेजेड़ा चेला का काम 18:24

अपुलोस नाम को एक यहूदि जिकी जन्मभौम सिकन्दरिआ ही बो बोलबा म बोळो माहिर हो अर सास्तर को चोखो ज्ञ्याता हो बो बा दिना इफिसुस आयो।

मत्ती 23:8

“थे जखा मेरा चेला हो खुदनै गरूजी मना खुवायो क्युं क थारो गरूजी एक ह अर बो म हूँ। थे सगळा भाई-भाण हो।

भेजेड़ा चेला का काम 19:1

अपुलोस जद कुरन्थी म हो जणा पोलुस एसिया का मांयला परदेसा को दोरो कर इफिसुस पुग्यो। जठै बिनै क्युंक चेला मिल्या

1 कुरन्थीयो 1:11

क्युं क, मेरा लाडला बिस्वास्यो, खलोए क कूणबा का क्युंक मिनख मनै बताया हीं क थारै मांयनै राड़ होवै ह।

2 कुरन्थीयो 10:7

थे तो बा चिजानैई देखो हो जखी आँख्या क सामै ह। अर ज कोई खेवै क मनै बिस्वास ह क म मसी को हूँ। जणा बिनै आ बी मान लेणो चाए क जंय्यां बो मसी को ह जणा म्हें बी मसी का हां।