1 कुरन्थीयो 1:11 - जीवन को च्यानणो (सेकावाटी नया नियम की पोथ्या)

¹¹ क्युं क, मेरा लाडला बिस्वास्यो, खलोए क कूणबा का क्युंक मिनख मनै बताया हीं क थारै मांयनै राड़ होवै ह।

1 कुरन्थीयो 1:11 Referans Kwoze

1 तिमूतियूस 6:4

जणा अंय्यां को मिनख मरोड़ म बांको रेह्‍वै, पण बो क्युंई कोनी जाणै। बिकी मत्ती मारी गई, अर बिनै बाता प जिदबो चोखो लागै ह। बिमैऊँ बळोकड़ोपूणो, दोस लगाबो, सूगली बाता अर बुराई निकळै ह।

गलातियो 5:26

आपानै नइ तो गुमान करबो चाए, अर नइ एक दुसरानै रीस दिवाणो चाए, अर नइ आपसरी म बळोकड़ोपूणो राखबो चाए।

1 कुरन्थीयो 3:3

क्युं क थे हाल ताँई इ दुनिया का मिनखा की जंय्यां हो। थे आपसरी म बळोकड़ोपूणो अर कळै राखो हो। जणा थे इ दुनिया का मिनखा की जंय्यां कोनी के? अर इ दुनिया का मिनखा की जंय्यां बरताव कोनी कर्या के?

गलातियो 5:20

मूरती पूजा, जादू-टोणो, बैर भाव, राड़-झगड़ा, बळोकड़ोपूणो, झाळ्या भरबो, फूट गेरबो, भेद-भाव करबो, होड करबो,

गलातियो 5:15

पण थे एक दुसरानै पाड़ खाबो चाओ हो, जणा थे चेता म रेह्ओ, कदै अंय्यां नइ होज्या क थे एक दुसरा को नास कर द्‍यो।

2 कुरन्थीयो 12:20

म डरूँ हूँ क, जद म थारै कनै आऊँ, जणा कदै अंय्यां नइ होवै क, जंय्यां म थानै देखबो चाऊँ हूँ, बिऊँ न्याराई दिखो। अर जंय्यांको थे मनै नइ देखबो चाओ हो, बिऊँ न्यारोई देखो। अर मनै ओ बी डर ह क, कदै थारै मांयनै आपसरी म राड़, एक दुसराऊँ बळबो, झाळ काडबो, मतलबीपुणो, बदनामी अर बेजती करबो, काना-फूसी अर हेकड़ोपूणो अर काम बिगाड़बो नइ देखूँ।

फलिपी 2:14

सक्यु बिना बड़बडाट क अर बिना जिदा-जादि क कर्या करो,

1 कुरन्थीयो 11:18

पेली बात तो म आ सुण्यो हूँ क जद थे बिस्वासी मंडळी म एक सागै भेळा होवो हो जणा थारै म गुटबाजी होवै ह। अर मनै क्युंक हद ताँई आ बात सची बी लागै ह।

1 कुरन्थीयो 1:10

जणा इब मेरा लाडला बिस्वास्यो, म आपणा परबु ईसु मसी क नाम म था सगळाऊँ अरदास करूं हूँ। जोक्यु थे बोलो बिपै सगळा एक मत होवो, जिऊँ थारै मांयनै फूट ना होवै। अर थारा बिचार अर इंछ्या एकई होवै।

1 कुरन्थीयो 1:12

थारै म आ राड़ ह क थारै मऊँ क्युंक बोलै ह, “म्हें तो पोलुस का चेला हां” क्युंक बोलै ह, “म्हें अपुलोस का” क्युंक बोलै ह, “म्हें केफा का” अर क्युंक खुदनै, “मसी का चेला” बतावीं हीं।

तितूस 3:9

बेतुक की जिरै, बडका की पिड्या की गिणती, राड़-झगड़ाऊँ अर नेम-कायदा क बारां म लड़बाऊँ बचो। क्युं क अ बाता बेतुक अर बेमतबल की ह।