Biblia Todo Logo
Bib sou entènèt

- Piblisite -




1 कुरन्थीयो 1:1 - जीवन को च्यानणो (सेकावाटी नया नियम की पोथ्या)

1 परमेसर की इंछ्या गेल मसी ईसु म भेजेड़ो चेलो होबा ताँई टाळ्यो गयो, म पोलुस जखो बिस्वासी भाईड़ा सोस्थिनेस की मददऊँ आ चिठी,

Gade chapit la Kopi




1 कुरन्थीयो 1:1
28 Referans Kwoze  

म ईसु मसी को दास, भेजेड़ो चेलो पोलुस, जिनै परमेसर बुलायो अर चोखो समचार परचार करबा ताँई टाळ्यो, आ चिठी रोम की बिस्वासी मंडळीनै मांडूँ हूँ। रोम म रेह्बाळा थारै सगळा प जखा परमेसर का लाडला अर पबितर होबा ताँई बुलाया गया हीं। आपणा परम-पिता परमेसर अर परबु ईसु मसी की दया अर स्यांती बणी रेह्‍वै। चोखा समचार को बादो परमेसर की खेबाळा क जरिए पेलीऊँई कर्यो गयो, जंय्यां क पबितर सास्तर म मंडर्यो ह, ओ चोखो समचार परमेसर का बेटा क बारां म ह अर ओ काया रूप म दाऊद क कूणबा म जलम्यो। अर बिनै पबितर आत्माऊँ मरेड़ा मऊँ जीवार सक्‍ति क सागै ओ साबित कर्यो गयो क ओ परमेसर को बेटो ह जखो आपणो परबु ईसु मसी ह। मसी क जरिए परमेसर म्हानै ओ सोभाग अर भेजेड़ा चेला को ओदो दिओ, जिऊँ जगत का सगळा मिनख बिस्वास करीं अर बिकी मानी जिऊँ बिका नाम की मेमा होवै। थारी बी गिणती आमई आवै ह, थानै ईसु मसी का होबा ताँई बुलायो गयो ह।


म परमेसर की इंछ्या गेल मसी ईसुऊँ भेजेड़ो चेलो पोलुस, इफिसुस म रेह्बाळा ईसु मसी प बिस्वास करबाळा परमेसर का मिनखानै नमस्कार मांडू हूँ।


आ चिठी परमेसर की इंछ्याऊँ म, मसी ईसु को भेजेड़ो चेलो पोलुस अर आपणो बिस्वासी भाई तिमूतियूस परमेसर की कुरन्थी नगरी की बिस्वासी मंडळी का मिनखानै अर अखाया का सगळा परमेसर का मिनखानै मांडां हां।


म परमेसर की इंछ्या गेल मसी ईसुऊँ भेजेड़ो चेलो पोलुस अर आपणो बिस्वासी भाईड़ो तिमूतियूस आ चिठी कलुसीया नगरी म रेह्बाळा मसी प बिस्वास करबाळा बिस्वास जोगा परमेसर का मिनखानै मांडर्या हां। था सगळा प आपणा परम-पिता परमेसर की दया अर स्यांती होती रेह।


जिकै पाछै बे अरदास घर का अधिकारी सोस्थिनेस कचेरी क सामै मार पिटाई करी पण गलिओ प आ बाता को कोई फरक कोनी पड़्यो।


इ चिठीनै पोलुस मांडी, जखो परमेसर की इंछ्याऊँ मसी ईसु को भेजेड़ो चेलो ह, जिनै परमेसर बि जीवन को हेलो पाड़बा ताँई भेज्यो ह जिकै बारां म परमेसर आपणाऊँ मसी ईसु म देबा को बादो कर्यो ह।


अर इ गुवाईनै गैर-यहूदि मिनखानै सुणाबा ताँई म एक सचा बिस्वास की सीख देबाळो अर ईसु को भेजेड़ो चेलो बणायो गयो हूँ। जिऊँ म बिस्वास का समचार अर सच को हेलो पाड़ सकूँ। म झूठो कोनी हूँ म सच बोलर्यो हूँ।


म पोलुस, आपानै बचाबाळा परमेसर अर आपणी आस की निम मसी ईसु का हुकमऊँ मसी ईसु को भेजेड़ो चेलो बण्यो।


बोई क्युंकनै तो भेजबा ताँई भेजेड़ा चेला बणार, क्युंकनै परमेसर की खेबाळा बणार, क्युंकनै चोखा समचार को हेलो पाड़बा ताँई, क्युंकनै बिस्वास्या की बिस्वासी मंडळी की रूखाळी करबाळा अर परमेसर की सीख देबाळा बणार टाळ लिआ।


इ चिठी म, म पोलुस मेरो अर मेरै सागैहाळा सगळा भायां को, गलातिया दिसावर की बिस्वासी मंडळ्यानै नमस्कार मांडूँ हूँ। म बोई पोलुस हूँ जिनै भेजेड़ो चेलो होबा ताँई मिनख कोनी बुलाया पण ईसु मसी अर परम-पिता परमेसर जखो ईसु मसीनै मरेड़ा मऊँ जिंदो कर्यो हो बे टाळ्या हीं।


जणा बो मेरूँ बोल्यो, ‘जणा जा म तनै दूर-दूर ताँई गैर-यहूदि मिनखा क कनै भेजस्युं।’”


थे मनै कोनी टाळ्या पण म थानै टाळ्यो हूँ, अर थानै बोळा सारका फळ ल्याबा को काम सूप्यो हूँ। अंय्यां का फळ फळो जखा सदाई बण्या रेह्‍वै, अर इ बजेऊँ परम-पिता बो सक्यु देसी, जोक्यु बी थे मेरा नामऊँ बिऊँ माँगस्यो।


अर भेजेड़ा चेला क मांयनै जखी बाता होवै ह, बंय्यांई म बोळी थ्यावसऊँ सेलाणी, चमत्कार, अर ताजूब का काम कर दिखायो हूँ।


पण म खुदनै बा मिनखाऊँ छोटो कोनी जाणू जखा खुदनै थारा भेजेड़ा चेला बतावीं हीं।


म सगळा भेजेड़ा चेलाऊँ छोटो हूँ म तो भेजेड़ो चेलो खुवाबा जोगोई कोनी क्युं क म परमेसर की बिस्वासी मंडळी का मिनखानै सतायो करतो हो।


परमेसर की सेवा म म्हें साती-संगी हां, अर थे परमेसर का खेत अर बिका भवन हो।


ईस्बर नगरी म उठाया जाबाऊँ पेली बो पबितर आत्मा की सक्‍तिऊँ खुदका ग्यारा भेजेड़ा चेलानै जानै बो टाळ्या बानै काँई-काँई करबो ह , बा कामा को हुकम दिओ।


जणा ईसु बाऊँ ओज्यु बोल्यो, “थानै स्यांती मिलै। जंय्यां परम-पिता मनै भेज्यो ह, ठिक बंय्यांई म थानै भेजूँ हूँ।”


अर दिन उगताई बो आपका चेलानै बुलाया अर बामैऊँ बारानै टाळर बानै भेजेड़ा चेला नाम दिओ,


जणा पाछै बा दिना म पतरस बा बिस्वासी भाई-भाणा म खड़्यो होर बोल्यो जखा गिणत-माणत का एक सो बिस हा,


म सदाई अरदास कर माँगर्यो हूँ क परमेसर की इंछ्याऊँ म थारूँ मिलबा ताँई आ सकूँ।


अर जंय्यां म्हें आस करी ही बिऊँ बेसी बे कर्या। पेली बे खुदनै परबुनै सूप दिआ बिकै पाछै परमेसर की इंछ्याऊँ खुदनै म्हानै सूप दिआ।


Swiv nou:

Piblisite


Piblisite