Biblia Todo Logo
Bib sou entènèt

- Piblisite -




Sofonías 3:17 - Biblia Enxet

17 Apheyk kélnepyeseksa kéxegke m'a Dios Wesse' kélagkok; ¡apmeyhek nahan ma'a, elwagkasek sa' teyp! Kapayhekxak sa' apwáxok elanok kéxegke m'a Wesse' egegkok. Egkeyásekxak sa' axnagkok kélyennaqte eñama apkelásekhayo; enneykmaksek sa' eñama kélpeykessáseykekxa apwáxok

Gade chapit la Kopi




Sofonías 3:17
30 Referans Kwoze  

Hakte leklamók apwáxok Wesse' egegkok ma'a énxet'ák apagkok; egkések chá'a apkelmallane m'a énxet'ák meleymákpoho, máxa kélnáxegkáseykha chá'a etnéssesek.


eyke kalkohok chá'a apwáxok ma'a ektáha nak chá'a apcháyo, melya'ásseyam nak chá'a ektémakxa segásekhayo.


Kapayhekxak sa' chá'a ko'o ewáxok ektaqmela enxoho chá'a sekteméssesakxa, axnésha sa' ko'o s'e apchókxa nak ekweykmoho kañók agko' ewáxok, tén han meyke ekyexamaxkoho ewáxok.”


Dios apteme chá'a sewagkasso teyp; may'ásseykmok nahan, magwayék nahan. Wesse' egegkok apteme sekyexanmo tén han segkésso sekyennaqte, cha'a apteme sewagkasso teyp ma'a.”


Keñe sa' Wesse' kélagkok etaqmelchessesek chá'a ekyókxoho m'a aqsok kéllanakxa enxoho chá'a, exámássesek sa' ma'a kélketchek, tén han ma'a weyke kélnaqtósso tén han ma'a aqsok kélcheneykekxa nak kélnakxo; naqso', kapayhekxak sa' makham apwáxok Dios Wesse' kélagkok ma'a ektaqmela sa' makham apteméssesakxa, ektéma axta ekpayheykekxo apwáxok apteméssessamakxa m'a kélyapmeyk nanók axta kéxegke,


Apkelwátessekmek Wesse' egegkok yaqwánxa axta etnéssesek kéxegke, apkelántekkessek nahan ma'a kélenmexma nak. Apheyk kélnepyeseksa kéxegke m'a Wesse', Wesse' apwányam nak ma'a Israel: megkólakyek sa' kaxwók xama enxoho m'a aqsok ekmaso.


Ko'o sa' nahan kapayhekxak ewáxok alanok ma'a Jerusalén, atsek sa' ewáxok alanok ma'a énxet'ák ahagkok. Kamaskok sa' kañexchek kéllekxagweykha m'a kañe' nak tén han ekpayheykha kélátog eñama ekyentaxno apkelwáxok énxet.


Taqmeláha sa' agkok apwáxok senlano m'a Wesse' egegkok, hempasmok sa' ólántexek ma'a xapop nak, hegmések sa' nahan. Apchókxa ényahamakxa weyke nagkeygmenek ma'a, tén han yányawhéna' apyegmenek, ektémól'a kanyehek ma'a yegmen.


Kólwehesha yetlo ekpayheykekxa kélwáxok, kélheykha nak Sión, hakte apheyk kélnepyeseksa kéxegke m'a Dios Aptaqmalma apagkok nak ma'a Israel, yetlo ekyawe apcheymákpoho.”


Aphegkek eyke Wesse' egegkok ma'a tegma apwányam nak; apkeláneyak chá'a aqsok ektaqmela m'a, melaneyk chá'a m'a aqsok ekmaso nak. Yókxoho axto'ók chá'a yának kalanaxchek ma'a aqsok ekpéwomo, meyke kélyeykhasso. Keñe m'a ekmaso nak aptémakxa mey'ásegweykmok ektémakxa m'a negmegqakto.


Hakte apteyekmek xama sakcha'a negyeseksa, Dios segmésso xama apketche, cham'a peya sa' exkak apmopwána yaqwayam etnehek aptaqmelchesso apchókxa. Sa' nahan kólteméssesek apwesey s'e: Eyaqheykha kélwáxok aqsok apkelane, Dios apyennaqte, Egyáp Memassegwayam, Wesse' meyke ektáhakxa negha.


¿Yetnéya aqsok megkamopwána elának ma'a Wesse' egegkok? Pók apyeyam sa' makham atnehek meyk'a, kótak sa' étche apkenna Sara ekwokmo enxoho xa.


Aptáhak seyáneya Wesse' egegkok se'e: “Tásek ko'o sélyeheykha m'a sekhamakxa nak, máxa m'a ektémól'a ekhem éltátchesso ekmexamakxal'a exma, máxa m'a yálye ektéyeykmohol'a ekmexanmakxal'a exma eknakxamáxchexa m'a aqsok ekyexna kélcheneykekxa.


Apxekmowáseykpók axta Wesse' egegkok Abram, ektéma axta noventa y nueve apyeyam apagkok. Aptáhak axta apcháneya s'e: —Ko'o sekteme Dios ekha sekyennaqte, etne ekpéwomo aptémakxa nahaqtók ko'o.


Apwet'ak axta Dios éltaqmela ekyókxoho aqsok apkelane. Cháxa ekwokmo axta ekpenchásamáxche seis ekhem xa.


—¿Yaqsa xa ekxegakmo nak eñama Bosrá, apyawakxa nak tegma agkok ma'a Edom, apkelyexwase nak apkelnaqta, apxegakmo nak apkeltaqmalma apagko' apkelnaqta, apyennaqtésakmo apagko' nak apyempehek apxegakmo? Ko'o xa, sekxeyenmo nak chá'a negmallanma, émeyhek han ko'o yaqwayam alwagkasek teyp.


apkeltémo axta keytlawha apmopwána eyeymáxkoho m'a Moisés, apmeykáséykekxo axta neyseksa wátsam ekwányam apmonye'e m'a énxet'ák apagkok yaqwayam enxoho kólya'asagkohok chá'a ekyókxoho yókxexma, meyke néxa,


Appenchessek axta apkelane aqsok Dios ekwokmo siete ekhem, apkellókassek axta apyampé.


Aptáhak Wesse' egegkok se'e: “Amasséssesek sa' ko'o m'a ektémakxa nak sénmexeykha; alásekhekxohok sa' aqsa makham, megkapayhawok eykhe alásekhekxoho', hakte massék kaxwók séltaqnaweygko.


Xapop, kapayhekxa agko' awáxok, nágké', hakte Wesse' egegkok peyk elának ekyawe agko' aqsok.


“Apxégánegkessek agkok wesse' apagkok xama kélásenneykha naqsa, keñe apkelmaxnegwa'a enxoho kéxegke yaqwayam kóltaqmelchesek. Nágkólmeyásekxa aqsa m'a ektáha nak nanók wesse' apagkok.


Apxatakha'ak axta eyke Wesse' egegkok, máxa axta aptáhak ma'a xama énxet apteyenmal'a exatakha', aptémól'a kempakhakma yáp exátekhágwók natámen éllágwayam eyaqhe vino,


Swiv nou:

Piblisite


Piblisite