Sofonías 2:2 - Biblia Enxet

² amonye' kélchempasso ektémól'a pa'at apák, ekmassamól'a aqsa xama ekhem agko'; amonye' eyáhapwe kéxegke m'a Wesse' egegkok aplo; amonye' eyáhapwe kéxegke m'a ekhem aplawa sa' Wesse' egegkok.

Sofonías 2:2 Referans Kwoze

Nahúm 1:6

¿Yaqsa megkatsepek ma'a aplawa enxoho? ¿Yaqsa awanchek kalenmaxaxkohok ma'a aplo nak? Máxa táxa eyáléwe katnehek kapayhekxak ma'a aplo, kamayhekxak chá'a neyseksa apmonye' m'a meteymog.

Oseas 13:3

Cháxa keñamak peya nak elxohok ma'a téyáméten ekteyapmól'a axto'o, ektémól'a m'a yálye ektéyam la'a amonye' élseye, ekmanyehe nak chá'a kamassegwók, elxohok sa' ma'a ektémól'a pa'at apák élsól'a éxchahayam, tén han ektémól'a éten ekteyapmól'a m'a néten ekpánmakxa'.

Lamentaciones 4:11

Aplómok apagko' ma'a Wesse' egegkok, axta emágweykekxak aplo; apwatnegkek axta m'a Sión keñe apmassésseykmo ekweykmoho m'a apowhók nak.

Isaías 17:13

Xama axta apkelpaqhetchesa ekyennaqte agko' ma'a Dios, makhawók axta apkelmahágkok apkelyexanma, axta aptamhágkok ma'a ektémól'a pa'at kalsók éxchahayam ma'a yókxexma, ektémól'a am'ák kalpexyawasagkok náxop kalsók ma'a éxchahayam ekyennaqte agko'.

Salmos 1:4

Megkaxnawok ma'a énxet'ák élmasagcha'a nak apkeltémakxa, hakte aphawók ma'a pa'at apák élsó nak éxchahayam.

Sofonías 3:8

Hélleyx sa' aqsa m'a ekhem, sémpákxo sa' néten yaqwayam alxénchásekxohok ko'o kéltémakxa kéxegke. Ektáhak ko'o sekpeywa s'e sektáha nak Wesse': Ekxénchek ko'o wánchásekxak pók aptémakxa énxet'ák tén han kelwesse'e yaqwayam sa' ko'o ayenyenták seklo nepyeseksa. ¡Kamasséssók sa' ekyókxoho xapop ma'a seklo ekho nak táxa eyáléwe!

Sofonías 1:18

Megkalwagkasek sa' teyp sawo ekmope élmomnáwa tén han sawo ekyátekto élmomnáwa apagkok énxet'ák ma'a ekhem, aplawa sa' Wesse' egegkok, hakte kasawhohok sa' Wesse' egegkok aplo ekyókxoho apkelókxa ektémól'a táxa kalwatnek aqsok. ¡Ekmanyehe agko' sa' kólmasséssók apyókxoho apheykha nak keso náxop!

Job 21:18

¿Agwethoya chá'a kólexpánchesek, ektémól'a pa'at apák kalsók samaxche éxchahayam agkok?

Ezequiel 12:25

hakte apaqmétek sa' ko'o, sektáha nak Wesse', ekmanyehe agko' sa' nahan katnehek ma'a aqsok sekxeyenma. Kéxegke kélagko' sa' nahan kólweta', kélteme nak énxet'ák élyennaqte kélwáxok; apaqmétek sa' ko'o, tén sa' wának katnehek ma'a aqsok sekxeyenma. Éltennássek ko'o xa, sektáha nak Wesse'.”

Jeremías 23:20

Megkamassehek sa' Wesse' egegkok aplo ekwokmoho apkelana m'a ekxeyenma nak apwáxok elána'. Kawak sa' ekhem yaqwánxa kalchetamsók kélwáxok kéxegke tén han kólya'ásegwók xa aqsok nak.

Salmos 50:22

“Kólya'asagkoho sa' se'e, kéxegke megkaxeyenma nak kélwáxok Dios, kélnápakha'a apketkók katnehek atnéssesek, méko kalwagkasek teyp:

Jeremías 4:4

Énxet'ák Judá tén han Jerusalén, kólyenyekha nekha kélyempehek, hélya'asagkoho han ko'o sekteme Wesse', kólpekken kélwáxok ma'a ekhémo mók nélpaqhetchásamáxkoho nak; katyapok katnehek seklo ektémól'a táxa eyáléwe, eyáléweykhal'a meyke ekmowána kaspanchesek, eñama kéltémakxa ekmaso.