Salmos 99:3 - Biblia Enxet

³ Kólpeykeshok sa' chá'a apwesey ekyawe, tén han mageysso nak agè'; ¡Dios apteme appagkanamap!

Salmos 99:3 Referans Kwoze

Isaías 6:3

Axta aptáhak nahan chá'a apcháneya pók se'e: “Aptaqmalma, aptaqmalma, aptaqmalma Wesse' egegkok ekha nak apyennaqte; sawheykekxók apcheymákpoho ekyókxoho keso náxop.”

Deuteronomio 28:58

“Sa' agkok kóllanak ekyókxoho ektémakxa nak segánamakxa eknaqtáxésamaxche s'e weykcha'áhak nak, tén han megkólekawo enxoho s'e ektémakxa nak eyeymáxkoho apwesey mageysso nak ageyk ma'a Dios Wesse' kélagkok,

Salmos 111:9

Apkelmallahanchessegkek aqsok ekyentaxno énxet'ák apagkok, apkelánessegkek nahan ekhémo mók nélpaqhetchásamáxkoho apagkok meyke néxa. Dios apteme appagkanamap, tén han apcheymap.

Salmos 145:17

Péwók ekyókxoho aqsok apkelane nak Wesse' egegkok, kataqmalmakha chá'a apwáxok elanok ma'a aqsok apkelane nak.

Salmos 66:3

Kólteme kólának Dios se'e: “Keltásók agko' xép aqsok apkelane. Apmopwána ekyawe keñamak xép apkelpexyennama apmonye' m'a apkelenmexma nak;

Nehemías 4:14

Xama axta ko'o sekwet'a apkelaka m'a, émpákxeyk axta néten, ektáhak axta séláneya m'a apkelwesse'e nak, tén han ma'a apkelámha apmonye'e nak, tén han ma'a apyókxoho énxet'ák nak: “Nágkóle aqsa. Kaxén kélwáxok Wesse' egegkok apteme apwányam, tén han apcheymap, kólempakha kólmeyók kélókxa xamo', kélketchek apkelennay'a, tén han kelwán'ák, tén han ma'a kélnaqteyegka'a, tén han kélxanák.”

Nehemías 1:5

Axta ektemék seyánagkama s'e: “Wesse', Dios apha nak néten, apteme nak apwányam, tén han ekha kélaye, melwátésseyam nak elának ma'a ekhémo mók nélpaqhetchásamáxkoho apagkok, melyenyaweykha nak chá'a m'a ektáha nak apkelásekhayo, apkeláneykegkoho nak apkeltémókxa antéhek;

Josué 24:19

Aptáhak axta eyke apkeláneya Josué: —Megkólwanchek kéxegke kólyetlakxak ma'a Wesse' egegkok, hakte Dios appagkanamap ma'a, keñe han apkelmeyeykha, kélenmexákxeyk sa' agkok xa, kéllánegko enxoho megkólya'assáxma kéxegke, melásekhekxók sa'.

Deuteronomio 7:21

Nágkólyegwe aqsa apmonye'e xa énxet'ák nak, hakte apheyk kélnepyeseksa kéxegke m'a Dios Wesse' kélagkok, apteme nak Dios apyennaqte tén han mageysso agè'.

Salmos 76:1

Kélya'ásegkok Dios ma'a Judá; kéláyo han apwesey m'a Israel.

1 Samuel 2:2

¡Wesse' ahagkok, méko ekhawo exchep ma'a aptémakxa nak appagkanamap! ¡Dios egagkok, méko exchep ekhawo ektémakxa nak segmasma! ¡Méko ekhawo exchep!

Jeremías 20:11

Wesse', sekxegexma eyke ko'o exchep, máxa m'a kempakhakma yáp apyennaqte meykel'a ekhémo; elpelapmok sa' ma'a énxet'ák sénmexeykha nak chá'a ko'o, mehexók sa', megkatyepek sa' apmakókxa etnahagkok, elmegqágwakxak sa', megkatnégwomek sa' néxa apkelxénamap ekmaso apkeltémakxa.

Salmos 76:12

Hakte emasséssamhok chá'a kelwesse'e apkeláneykha nak chá'a apkelókxa', elyegwakkashok han ma'a kelwesse'e apkelwányam nak keso náxop.

Nehemías 9:32

“Dios egagkok, Dios meyke ekhémo, tén han apyennaqte, tén han ekha kélaye, tén han meyaqmagkasseyam nak ekhémo mók nélpaqhetchásamáxkoho apagkok, tén han ekyawe segásekhayo, kaxén apwáxok ekyókxoho aqsok ekmaso ektémakxa axta m'a kelwesse'e apkelwányam egagkok, tén han apkelámha apmonye'e egagkok, tén han ma'a apkelmaxnéssesso Dios énxet'ák apagkok, tén han ma'a apkellegasso nak appeywa, tén han ma'a ẽlyapmeyk nano' axta, tén han ma'a apyókxoho énxet'ák egagkok, eyeynmo m'a apheykegkaxa axta apkelwesse'e apkelwányam axta Asiria, ekwokmoho s'e kaxwo' nak.

Nehemías 9:5

tén axta aptáha apkeláneya m'a levitas, cham'a Josué, Cadmiel, Binuy, Hasabnías, Serebías, Hodías, Sebaías, tén han Petahías: “Kólchempekxa néten, kólpeykesho Dios Wesse' kélagkok, yókxoho ekhem, megkatnégwayam néxa. ¡Kóltemésses apcheymákpoho, yetlo ektaqmalma kélxeyenma apwesey eyeymáxkoho meyke ekhémo!”

Salmos 100:4

Kólántaxnegwata átog apagkok yetlo kélmeneykmasso kélpeykessamo, kólántaxnegwata apwáxok tegma appagkanamap apagkok, yetlo kélmésso ekxeyenma kélwáxok. ¡Kólmés ekpayheykekxa kélwáxok, kólxénmakha ektaqmalma m'a apwesey!

Salmos 103:1

Alpeykeshok sa' chá'a ko'o Wesse' egegkok ekweykmoho kañók agko' ewáxok; alpeykeshok sa' chá'a ekyókxoho sekyennaqte m'a apwesey ekpagkanamaxche'.