Salmos 99:2 - Biblia Enxet

² Apwányam apagko' Wesse' egegkok ma'a Sión; apwányam apagko' Wesse' egegkok nepyeseksa m'a apyókxoho énxet'ák.

Salmos 99:2 Referans Kwoze

Salmos 97:9

hakte xép Wesse', meyke nak ekhémo, apteme néten ma'a ekyókxoho aqsok nak keso náxop, tén han apteme néten agko' neyseksa m'a ekyókxoho aqsok ekha nak élmowancha'a.

Isaías 14:32

¿Háxko sa' kóltéhek kólátegmowagkokxak ektáha nak élápháseykha m'a apchókxa nak? “Dios appekkenma m'a Sión. Sa' elyexánegwakxak chá'a énxet'ák apagkok ekyentaxnamo nak chá'a apheykha m'a”.

Isaías 12:6

Kólwehesha yetlo ekpayheykekxa kélwáxok, kélheykha nak Sión, hakte apheyk kélnepyeseksa kéxegke m'a Dios Aptaqmalma apagkok nak ma'a Israel, yetlo ekyawe apcheymákpoho.”

Salmos 113:4

Wesse' egegkok apteme néten agko' nepyeseksa m'a apyókxoho énxet'ák; ¡yetnegkek apcheymákpoho m'a teyp yaphope nak!

Salmos 66:7

Apmopwána keñamak aptéma wesse' apwányam meyke néxa; meyenyókáseykha apaqtek apkeláneykencha'a m'a apkelókxa nak, yaqwayam enxoho melenmexekxék ma'a énxet'ák apkelenmexeykekxoho nak chá'a.

Salmos 50:2

Kelyenmeyk Dios élseyéxma apagkok ma'a ekpayho nak Sión, tegma apwányam aptaqmalma meyke ekhémo.

Números 23:21

Méko ekweteya apkeltémakxa apkelmopwancha'a amya'a, tén han melya'assáxma m'a énxet'ák Israel, Jacob énxet'ák apagkok nak. Apheyk nepyeseksa ma'a Dios Wesse' apagkok, apkeltemegkek chá'a wesse' apwányam apagkok.

Salmos 47:3

Ẽlmallahanchessek nepyeseksa énxet'ák, ẽlméssek yaqwayam anlanha m'a pók aptémakxa énxet'ák.

Salmos 47:8

¡Dios apteme Wesse' apwányam nepyeseksa apyókxoho pók aptémakxa énxet'ák! ¡Apheyk Dios ma'a néten aptaháno ektaqmalma nak!