Salmos 92:9 - Biblia Enxet

⁹ Wesse', naqsók eyke negya'ásegkoho negko'o peya kólmasséssók ma'a apkelenmexma nak; tén han kélmáheyo kólexpánchesek apyókxoho m'a apkeláneykegkoho nak chá'a aqsok ekmaso.

Salmos 92:9 Referans Kwoze

Salmos 37:20

Máxa pa'at apák sa' etnahagkok elmétek ma'a élmasagcha'a nak apkeltémakxa; máxa éten sa' etnehek elmassegwók ma'a apkelenmexma nak Wesse' egegkok.

Salmos 89:10

apteyáyekmek xép ma'a yegmen askok ekyawe nak, máxa ápak apteméssessók apchaqhama; apkexpánchessegkek apkelenmexma yetlo apmopwána.

Ezequiel 5:12

Eletsapok sa' chá'a xama énxet'ák agkok aptáhakxa nak chá'a apqántánxo, eñama negmasse tén han meyk élnapma, keñe sa' ma'a nápakha nak elnápok ma'a apkelenmexma apheykha nak nepyáwa', keñe sa' ma'a apkeleymomap nak waxpánchesek ekyókxoho keso náxop. Axog sa' eyke ko'o neptámen yetlo sekmeykha sókwenaqte.

Isaías 17:13

Xama axta apkelpaqhetchesa ekyennaqte agko' ma'a Dios, makhawók axta apkelmahágkok apkelyexanma, axta aptamhágkok ma'a ektémól'a pa'at kalsók éxchahayam ma'a yókxexma, ektémól'a am'ák kalpexyawasagkok náxop kalsók ma'a éxchahayam ekyennaqte agko'.

Salmos 73:27

Eletsapok sa' chá'a m'a apyamasma nak chá'a exchep; emasséssók sa' ma'a apyenseyam nak chá'a apkelyetleykha.

Salmos 68:30

epaqhetches sa' Egipto, cham'a aqsok nawhak ekleykha nak neyseksa ekho', cham'a weyke kelennay'a ekxámokma éllo nak, tén han weyke étkók élmámenyého nak ma'a aqsok ekxámokma, eknaqtawáseykegkoho nak chá'a énxet'ák; ¡yexpánches sa' ma'a énxet'ák ekmátsa nak chá'a elanagkok kempakhakma!

Salmos 59:11

Nágkalapyósho elano', yaqwayam sa' kalxénwakxohok chá'a apkelwáxok ma'a énxet'ák ahagkok nak; yexpánches yetlo apmopwána, etnessásekxa kóneg agko'. ¡Wesse' egegkok apteme sentaqmelchesso!

Salmos 1:4

Megkaxnawok ma'a énxet'ák élmasagcha'a nak apkeltémakxa, hakte aphawók ma'a pa'at apák élsó nak éxchahayam.

Jueces 5:31

“¡Wesse', sa' kóltéhek kólmasséssók apyókxoho apkelenmexma xa, elyenmok sa' ma'a apchásekhayo nak chá'a, ektémól'a ekhem kalsaksek exma kaltátchesek!” Keñe axta ektéma meyke ektáhakxa apheykha énxet'ák natámen xa, ekweykmoho cuarenta apyeyam.

Deuteronomio 28:64

Yexpánchesha sa' Wesse' egegkok elya'aksek ma'a ekyókxoho apkelókxa apheykegkaxa nak chá'a pók aptémakxa énxet'ák, eyeynamo m'a xama nekha nak xapop ekweykekxoho m'a mók nekha xapop nak, sa' kólpeykeshok chá'a mók aqsok kéláyókxa nak chá'a m'a, cham'a aqsok kéláyókxa élánamáxche nak chá'a m'a yántéseksek tén han ma'a meteymog, megkólweteya nak kéxegke tén han melweteya axta m'a kélyapmeyk nanók axta.

Números 10:35

Xama axta emáwhok chá'a elxegekxak ma'a apkelseykha axta chá'a yántéseksek. Axta etnehek chá'a Moisés se'e: “¡Wesse' egegkok, exatakha'! ¡Yexpánches sa' ma'a apkelenmexma! ¡Yenyahagkok sa' apwet'a enxoho m'a aptaqnagko nak chá'a exchep!”

Levítico 26:33

Waxpánchesek sa' ko'o kéxegke alya'aksek nepyeseksa m'a pók aptémakxa énxet'ák nak, sókwenaqte sa' amenxenchesek; yókxexma meykexa énxet sa' katnekxak ma'a kélókxa nak, keñe sa' ma'a tegma apkelyawe kélagkok nak, etnekxak segyegwakkassamo agweta'.

Salmos 97:9

hakte xép Wesse', meyke nak ekhémo, apteme néten ma'a ekyókxoho aqsok nak keso náxop, tén han apteme néten agko' neyseksa m'a ekyókxoho aqsok ekha nak élmowancha'a.

Salmos 102:13

Yempekxa néten, kayósho elanok Sión, hakte wokmek kaxwók ekhem yaqwayam yásekhekxoho'!

Salmos 102:25

Appekkenmeyk axta xapop ma'a sekxók eyeynókxa axta; xép apagko' axta apkelane m'a néten.