Salmos 92:12 - Biblia Enxet

¹² Máxa áxa élyapwe sa' etnahagkok ma'a meyke nak apkeltémakxa, máxa yámet cedro sa' etnehek yektog élámha nak Líbano,

Salmos 92:12 Referans Kwoze

Salmos 1:3

Cháxa énxet nak, aphawók ma'a yámet kélcheneykekxal'a neyáwa wátsam, ekyexnamól'a kammok ekhem agkok ekyexnamakxa, cham'a megkalyamayél'a chá'a áwa'. ¡Tásek chá'a katnehek ekteyapma m'a ekyókxoho aqsok apkelanakxa enxoho!

Jeremías 17:8

Máxa sa' etnehek ma'a yámet kélcheneykekxal'a neyáwa wátsam, élweykmohol'a kepmenák ma'a ényahamakxa nak yegmen, megkayél'a kawak ma'a ekmexanma exma, hakte megkamassegwomek chá'a ekxámokma m'a áwa', wokmek agkok han ekhem ekteme meyke yegmen, megkatneykha chá'a awáxok, megkamassegwomek han chá'a ekyexna.

Salmos 104:16

Kaxek chá'a yegmen élámhakxa m'a yenta'a élyawe, cham'a yámet cedros élámha nak Líbano, apkeneykekxa nak Wesse' egegkok,

Salmos 52:8

Ekhawók eyke ko'o olivo yámet éltaqmalma nak áwa' m'a Dios tegma appagkanamap apagkok; ¡may'ássemek sa' chá'a m'a ektémakxa nak segásekhayo!

Números 24:6

Máxa m'a áxa éléweykekxal'a, ektémól'a kélcheneykekxexa pánaqte exnók neyáwa wátsam, máxa m'a ektémól'a kentem apkeneykekxal'a Wesse' egegkok, ¡ektémól'a yámet cedro élámha nak neyáwa yegmen!

Amós 2:9

Ekmassesseykmek axta eyke ko'o kélmonye'e kéxegke m'a amorreos; ekmassesseykmek axta apyókxoho, aphawók axta eykhe apkelwenaqte yámet cedros ma'a, aphawók axta eykhe apkelyennaqte m'a yámet robles.

Isaías 65:22

Megkatnehek sa' ma'a ektémól'a xama énxet elának tegma keñe pók énxet exek ma'a, megkatnehek sa' nahan ma'a ektémól'a xama énxet eknekxak aqsok keñe pók énxet etwok. Ahóxek sa' katnehek apheykha m'a énxet'ák ahagkok, ektémól'a m'a xama yámet; etawagkok sa' eñama apkeltamheykha m'a ektáha nak ko'o sélyéseykha.

Salmos 72:7

¡Kayákxak sa' meyke ektáhakxa negha, tén han ektaqmalma nentémakxa neyseksa apteme wesse' apwányam, ekwokmoho apmassa m'a pelten!

Isaías 55:13

Yámet pinos sa' katyapok keñe sa' megkatyepek ma'a yámet ekha nak am'ák, yámet élmope exnók arrayán sa' katyapok keñe sa' yátape' metyepe'; sa' katnéssesek eyeymáxkoho apwesey Wesse' egegkok xa; katnehek sa' xama aqsok magkenatchesso meyke néxa, megkólmowána kólmasséssók.”

1 Reyes 6:29

apkeleykmassáseykha axta han chá'a apho énxet ekha apxempenák ma'a ekyókxoho apwáxok nak tegma appagkanamap, ekweykekxoho m'a yókxexma, tén han áxa kéleykmássesso, tén han pánaqte exnók.

Salmos 92:7

Apxámákxeyk agkok ma'a élmasagcha'a nak apkeltémakxa ektémól'a pa'at, tén han ma'a apkeláneykegkoho nak chá'a aqsok ekmaso, kélmassésseyam meyke néxa aqsa chá'a etnahagkok ma'a.

1 Reyes 4:33

Apxeyenmeyk axta ektémakxa m'a yenta'a keñe han ma'a aqsok kélcheneykekxa', eyeynmo m'a cedro yámet élaqnéyak nak Líbano, ekweykekxoho m'a pa'at élánteyapwayam nak nápakhaw'ék tegma; apxeyenmeyk axta han ma'a ektémakxa nak aqsok nawha'ák, náta, tén han ma'a aqsok élpexyaweykegkoho nak náxop kalxog, tén han ma'a kelasma.

Salmos 148:9

¡Egkexe netna'awo, tén han ma'a náxap'awo nak! ¡Ekyókxoho yámet cedros, tén han ma'a yenta'a ekha nak ekyexna!

Ester 9:5

Sókwenaqte axta nahan apkelmáha judíos apkelnapa apyókxoho m'a apkelenmexma nak; apsawhawók axta m'a apyókxoho nak, apteméssessek axta chá'a m'a apmakókxa enxoho chá'a etnéssesek.

Salmos 37:34

Nágkólya'ássem kéxegke Wesse' egegkok, kólyahakxoho nahan, hakte sa' etnéssesek ekha kéláyo kéxegke m'a, tén han egkések yaqwayam kóltéhek kélagkok apchókxa. ¡Kéxegke kélagko' sa' han kólwetagkohok kólmasséssók ma'a élmasagcha'a nak apkeltémakxa!

Miqueas 7:10

Elwetak sa' nahan ma'a sélenmexma nak, cháxa peya sa' kalmegqaksohok apagko' xa. Hakte axta etnehek chá'a heyának se'e: “¿Háxko aphakxa Dios Wesse' apagkok?”, alanha sa' ko'o kaxwo' kólteyammaha ektémól'a yelpa' m'a ámay nak.