Salmos 9:9 - Biblia Enxet

⁹ Eltaqmelcheshok chá'a Wesse' egegkok ma'a kélnaqtawáseykegkoho nak chá'a, eltaqmelcheshok chá'a ekwa'a enxoho ekyentaxno apheykha.

Salmos 9:9 Referans Kwoze

Proverbios 18:10

Wesse' egegkok apwesey ekteme segmasma ekyennaqte, apkelmeyeykekxexa nak chá'a elyexánegwakxak ma'a énxet'ák apkelpéwomo nak.

Nahúm 1:7

Tásek apwáxok ma'a Wesse' egegkok; negyepetchegweykekxexa m'a ekwa'a enxoho ekmaso negha: eltaqmelchesek chá'a m'a apteme nak melya'ásseyam.

Salmos 32:7

Xép apteme sekyexanmomakxa, heyeksek chá'a m'a aqsok ekmaso, kalmeneykmasaxchek chá'a neyáwa sekhakxa', eñama sewagkasso teyp.

Salmos 46:1

Dios apteme negko'o segmasma, tén han segyennaqtésso, apteme han sempasmo ekwa'a enxoho ekmaso negha.

Salmos 62:8

¡Énxet'ák ahagkok, nágkólya'ássem chá'a Dios! ¡Kóltennés chá'a ekyókxoho ektáhakxa kélwáxok! ¡Dios apteme negko'o segmasma!

Salmos 37:39

Wesse' egegkok keñamak apkelwayam teyp ma'a énxet'ák éltaqmalma nak apkeltémakxa, chá'a apkelyexánegweykekxexa chá'a ekwa'a enxoho ekmaso apheykha.

Salmos 18:2

Xép apteme setaqmelchesso, sekyexánegweykekxexa', semallahanchesso, Dios ahagkok, semasma apyennaqte, seyáhakkásamáxche', sewagkasso teyp apmopwána, xép apteme sekyexanmomakxa netno' agko'.

Isaías 8:14

Sa' etnehek apho kelhanma kélagkok kéxegke m'a; sa' etnehek meteymog yaqwayam kalpelápagkasek ma'a, cham'a yaqwayam sa' kalyaqnegkesagkok ma'a ánet apchókxa ekhéyak nak ma'a kañe' Israel; etnehek sa' ektémól'a xama kelhanma, yaqwayam sa' kalmok ma'a énxet'ák apheykha nak Jerusalén.

Salmos 50:15

Hélwónmakha chá'a ko'o ekwa'a enxoho ekyentaxno kélheykha; ko'o sa' almallahanchesek, tén sa' kéxegke hélpeykeshok chá'a.”

Salmos 46:7

¡Apheyk negyeseksa negko'o Wesse' ekha nak apyennaqte! ¡Cha'a apteme sentaqmelchesso negko'o m'a Jacob Dios apagkok nak!

Salmos 20:1

Wesse' egegkok sa' xép yátegmowagkok eyesagko enxoho ektáhakxa apha; Jacob Dios apagkok sa' emyók xép.

Deuteronomio 33:27

Cha'a aptaqmelchesso exchep ma'a Dios memassegwayam nak, cha'a ekpasmo m'a apmopwána megkamassegwayam nak; emenxenchesek chá'a apmonye' exchep ma'a apkelenmexma nak keñe exchep yának chá'a emasséssók.

Isaías 32:2

Máxa sa' etnehek chá'a xama m'a negyexánegkesseykekxexal'a éxchahayam, segmasmal'a kawak ma'a éxchahayam ekyennaqte agko', máxa sa' etnahagkok ma'a ektémól'a yegmen atamnek ényél'a m'a neyseksa ekyamáyekxa nak xapop, máxa sa' etnahagkok ma'a ektémól'a meteymog ekyawe agko' pessesse agkok émha m'a meykexa nak énxet.

Salmos 108:12

Hempásem negko'o ólenmexek ma'a nélenmexma nak, hakte mékoho agko' ma'a sempasmo nak énxet.

Salmos 142:4

Énmexawók axta ko'o m'a ekpayho nak sélya'assamakxa', méko axta sey'awa yaqwayam hepasmok. ¡Méko xama enxoho semasma! ¡Méko xama enxoho ekyetnakhassamo awáxok ko'o!

Salmos 48:3

Apheyk Dios ma'a tegma apkelyawe nak Jerusalén; Apkeltennásamákpek Dios apteme negyexanmomakxa meyke ektáhakxa negha.

1 Crónicas 16:33

¡Kólwehesha kólátsaha yenta'a élyawe élámha nak naxma nápaqtók Wesse' egegkok, apxegakmo nak yaqwayam etnehek Wesse' apwányam keso náxop!

Salmos 7:9

Dios appéwomo, apkelányo nak chá'a ektémakxa élchetámeykha egwáxok, tén han ekxéneykha egwáxok kañók agko', ¡emasséssem apkeltémakxa ekmaso m'a élmasagcha'a nak apkeltémakxa, eyke ewasqakkas neyseksa apha m'a énxet meyke nak aptémakxa!

Salmos 67:5

Oh Dios, elpeykeshok sa' xép énxet'ák; ¡elpeykeshok sa' apyókxoho énxet'ák!

Salmos 96:10

Kólteme sa' kólának pók aptémakxa énxet'ák se'e: “¡Wesse' egegkok apteme Wesse' apwányam!” Apyennaqtéssamók axta appekkenma nélwanmeygkaxa, yaqwayam enxoho megkayawheykha; aphéssamók han mók apkeltaqmelchesso m'a énxet'ák.

Salmos 98:9

nápaqtók Wesse' egegkok, apxegakmo nak yaqwayam etnehek wesse' apwányam keso náxop. Elanha sa' apyókxoho énxet'ák keso nélwanmeygkaxa', yetlo ekpéwomo aptémakxa, meyke ekyeykhamaxche mók.