Salmos 9:6 - Biblia Enxet

⁶ Apkeletsekkek ma'a sélenmexma, apkeletsapawók xamo' ma'a tegma apkelyawe apagkok nak; xép apmassésseykmok, massegwokmók agko' nahan apkelxénamap.

Salmos 9:6 Referans Kwoze

Miqueas 7:8

Énxet'ák sélenmexma nak, nágkalpayhekxa kélwáxok kólwetak ekmaso sekha, ekyaqnenmeyk eykhe ko'o, wampekxak sa' eyke makham néten; ekhegkek eykhe ko'o ekyáqtésakxa exma, Wesse' egegkok akke sélsássesso chá'a exma.

Éxodo 14:13

Aptáhak axta Moisés apchátegmowágkokxo énxet'ák se'e: —Nágkóle'. Kólxeg aqsa, kóllano m'a apmako nak elának sakhem Wesse' egegkok yaqwayam elwagkasek teyp, hakte megkólwetekxók sa' chá'a kéxegke egipcios s'e ektáhakxa nak kélwet'a sakhem.

Miqueas 7:10

Elwetak sa' nahan ma'a sélenmexma nak, cháxa peya sa' kalmegqaksohok apagko' xa. Hakte axta etnehek chá'a heyának se'e: “¿Háxko aphakxa Dios Wesse' apagkok?”, alanha sa' ko'o kaxwo' kólteyammaha ektémól'a yelpa' m'a ámay nak.

Jeremías 51:25

Énmexchek ko'o exche' meteymog ekwenaqte ekmassesseykmoho nak aqsok, ekmasseseykmo nak aqsok ekyókxoho keso náxop. Ko'o sekxeyenma xa, sektáha nak Wesse'. Añássesagkohok sa' ko'o exche', eyttelegwásenták sa' eñama m'a néten meteymog élwenaqte nak, egkexe ekmeyesma sa' atnéssásekxa'.

Isaías 37:26

¿Ya ey'ásegkok xép, ektáha ko'o séltémo katnehek ekyókxoho xa aqsok nak, ko'o sektáha nak Wesse'? Nanók agko' axta ko'o ekxeyenma ewáxok alának xa, élanak kaxwo'; Ékeso éñamakxa apmasséssekmo nak xép ma'a tegma apkelyennaqte nak tén han aptemessásekxo nak apxámokma m'a tegma aphopák.

Isaías 14:17

aptemessáseykekxo nak meyke xama aqsok keso nélwanmégkaxa, apmassesseykmo nak ma'a tegma apkelyawe, mekxeykekxo axta m'a énxet'ák apkelmomap axta?’

Salmos 46:9

apmasséssekmek kempakhakma, ekweykmoho m'a néxa xapop nak keso nélwanmeygkaxa; apkelekkexchek ma'a yágke, nekha'a étkók aptemessásak ma'a sawhéwa, ¡apkelwatnékxeyk ma'a yátnáxeg apkelyenyawasso apkenchesso nak kempakhakma!

Salmos 34:16

Elenmexekxak chá'a Wesse' egegkok ma'a élmasagcha'a nak apkeltémakxa, yaqwayam enxoho emasséssók chá'a apkelxénamap keso náxop.

Salmos 8:2

Sakcha'a keyetsék élmeneykmasso ekteykegkoho nak makham neme, keñamak apkeláneya exchep tegma apyennaqte, eñama m'a apkelenmexma nak, yaqwayam enxoho emasséssók ma'a apkenmexeykekxa nak chá'a exchep, tén han ma'a apkelenmexma nak.

Salmos 7:5

Ektemék sa' agko' xa, hémheykha sa' ma'a sénmexma nak; hethanyekxak sa', tén sa' héñawasha náxop, éttelegwasha sa' náxop ma'a ektémakxa nak ekha séláyo.

2 Reyes 19:25

¿Ya ey'ásegkok xép ektáha ko'o séltémo katnehek ekyókxoho xa aqsok nak, ko'o sektáha nak Wesse'? Nanók agko' axta ko'o ekxeyenma ewáxok alának xa, élanak kaxwo'; ékeso éñamakxa apmasséssekmo nak xép ma'a tegma apkelyennaqte nak tén han aptemessásekxo nak apxámokma m'a tegma aphopák.

1 Samuel 31:7

Xama axta apkelwet'a israelitas apheykha axta m'a teyp nak ekyapwátegweykenxa xapop, tén han ma'a neyp nak Jordán, ekpayho nak ekteyapmakxa ekhem, apkenyahágko m'a sẽlpextétamo, keñe han apketsapa m'a Saúl yetlo apketchek, apkelántekkek axta tegma apkelyawe apagkok apkenyahágko han ma'a. Keñe apkelwokmo m'a filisteos, apkelhakmek axta han ma'a.

1 Samuel 30:1

Ántánxo ekhem axta entáhak apwákxo David ma'a Siclag yetlo apkelxegexma'a, apwetágweykxeyk axta amalecitas apkelántaxna m'a yókxexma Négueb, apketámegko m'a Siclag, tén han apmasséssekmo aqsok apkelwatnékxo.

Éxodo 15:16

“Wesse' egegkok, ¡elyegwakkas!, ¡yána' yeygkok! ¡tásek exmakha aqsa ektémól'a kaxnagkok ma'a meteymog eñama xa apmopwána ekyennaqte nak, ekwokmoho sa' apkelyeyk'a m'a énxet'ák apagkok, cham'a énxet'ák apteme nak xeyep apagkok!

Job 18:17

Kamassegwók sa' apxénamap keso náxop, megkaxénaxchekxók sa' chá'a kaxwók apwesey.

Salmos 34:17

Yeyxhok chá'a apkelmaxneyéyak Wesse' egegkok ma'a meyke nak apkeltémakxa, elmallahanchesek chá'a ekyókxoho m'a ekmaso apheykha.

Isaías 26:14

Apkeletsekkek eyke m'a, menaqxétekhágwomek chá'a; pessesse aptamhágkokxa', melchempekxeyk chá'a néten hakte apkellegassásegkok xép, apmasséssekmek nahan, apmasséssekmók apagko' nahan apkelxénamap chá'a.