Salmos 9:2 - Biblia Enxet

² Xép Meyke nak Ekhémo, ekmakók ko'o exchep awónchessesha yetlo ekpayheykekxa agko' ewáxok, ¡ekmakók anneykmássesek ma'a apwesey nak xép!

Salmos 9:2 Referans Kwoze

Salmos 83:18

¡Elya'asagkohok sa' xép apteme wánxa Wesse' egegkok, tén han apteme wánxa Dios Meyke Ekhémo ekyókxoho keso náxop!

Salmos 5:11

Kalpayhekxak sa' eyke apkelwáxok ma'a énxet'ák apkelchetamso nak ektémakxa exchep sentaqmelchesso; elmeneykmaksek sa' chá'a yetlo apkelsawassamo, hakte apkelmasmeyk xép. Kalpayhekxak chá'a apkelwáxok eñama exchep ma'a ektáha nak chá'a apchásekhayo,

Salmos 7:17

Alteméssesek sa' ko'o apcheymákpoho Wesse' egegkok, hakte péwók aptémakxa m'a; anneykmássesek sa' ko'o apwesey Wesse' egegkok, apwesey nak Meyke Ekhémo.

Salmos 97:9

hakte xép Wesse', meyke nak ekhémo, apteme néten ma'a ekyókxoho aqsok nak keso náxop, tén han apteme néten agko' neyseksa m'a ekyókxoho aqsok ekha nak élmowancha'a.

Salmos 28:7

Wesse' egegkok apteme ko'o sénnaqtésso; tén han semasma; axta ko'o ay'ásseykmok, epasmomchek axta. Payhekxeyk ko'o ewáxok, anneykmaksek sa', agkések sa' ekxeyenma ewáxok Wesse' egegkok.

Salmos 97:12

¡Kalpayhekxa kélwáxok eñama Wesse' egegkok, kéxegke éltaqmalma nak kéltémakxa, kólpeykesho m'a apwesey ekpagkanamaxche nak!

Salmos 92:1

Wesse' egegkok, Meyke nak Ekhémo, ¡tásók agko' nak la'a exchep agmések ekxeyenma egwáxok, tén han agmeneykmássesek negmeneykmasso!

Daniel 5:18

“Dios meyke nak ekhémo axta apmésso aptémakxa axta wesse' apwányam Nabucodonosor, apyáp axta exchep wesse', tén han apcheymákpoho, tén han ekha kéláyo.

Salmos 92:4

Oh Wesse', egkéssegkek chá'a ko'o ekmátsa ewáxok ma'a aqsok apkelane nak. ¡Peykáseykekxeyk ewáxok ma'a aqsok apkelane nak!

Salmos 43:4

Keñe sa' ammok ma'a ekwatnamáxchexa nak aqsok apagkok xép, Dios, sa' alteméssesek apcheymákpoho m'a, yetlo sekpáwasso arpa, hakte epeykessáseykekxók ahagko' ko'o exchep ewáxok Dios ahagkok.

Salmos 27:6

Keñe sa' ko'o amallánek nepyeseksa m'a sélenmexma; keñe sa' ewanchek alnáhakkasek aqsok ma'a tegma appagkanamap nak, tén han awónchesha kapayhekxak ewáxok, tén han anneykmássesek negmeneykmasso m'a Wesse' egegkok.

Salmos 26:7

tén sa' anneykmaksek alpeykesho', axének sa' ma'a ektémakxa nak chá'a apkelane aqsok éltaqmalma.

Salmos 86:12

Dios Wesse' ahagkok, alpeykeshok sa' chá'a ko'o exchep ekweykmoho kañók agko' ewáxok, alteméssesek sa' chá'a eyeymáxkoho apwesey.

Salmos 96:3

Kólxén ektémakxa apcheymákpoho tén han ektémakxa aqsok sempelakkasso agwetak apkelane nápaqta'awók ma'a apyókxoho énxet'ák, tén han ekyókxoho yókxexma,

Salmos 138:1

Wesse', agkések sa' ko'o exchep ekxeyenma ewáxok ekweykmoho kañók agko'; anneykmássesek sa' negmeneykmasso naqta'awók ma'a aqsok kéláyókxa ekha nak élmowancha'a.