Salmos 9:12 - Biblia Enxet

¹² Kaxénhok chá'a apwáxok Dios ma'a ekyentaxnamo nak apheykha, megkalwagqámhek ma'a ektémakxa nak apkellekxagweykha; ellegássesagkohok chá'a m'a apkelyennaqteyáseykha nak chá'a apyempe'ék apnaqtawáseykegkoho.

Salmos 9:12 Referans Kwoze

Éxodo 3:7

Apkelenxanakmók axta eyke aptáha apcháneya Wesse' egegkok se'e: —Naqsók agko' ko'o sekweteya ektémakxa apkellegeykegkoho énxet'ák ahagkok ma'a apheykencha'a nak Egipto. Eklegayak nahan ko'o ektémakxa apkelpaqméteykha apkelxeyenma élleklámeykegko aptamheykegkaxa m'a apkelámha apmonye'e apxegkessesso nak chá'a apkeltamheykha, ekya'ásegkók ektémakxa apkellegeykegkoho.

Salmos 34:6

Ekwóneyha axta ko'o Wesse' egegkok, ko'o sektáha nak sekmayósa, ehaxnawók axta han, emallahanchessek axta han ekyókxoho ektémakxa ekmaso sekha.

Génesis 9:5

Añássesagkohok sa' ko'óxa m'a énxet apchaqhe nak chá'a pók, tén han aqsok nawhak eyaqhe nak chá'a énxet. Wának sa' chá'a emátog ma'a énxet apchaqhe nak chá'a pók.

Isaías 26:21

Hakte etyapok sa' Wesse' egegkok ma'a aphamakxa nak chá'a yaqwayam ellegássesagkohok apkeltémakxa melya'assáxma m'a énxet'ák apheykha nak keso náxop, kamaskok sa' kakpósek kaxwók énxet apmatñà keso náxop, yáxñakxoho sa' kapekkenekxak ma'a ektémakxa nak chá'a ekyetno apyógkexma énxet ma'a kañe'.

Salmos 22:24

Hakte mewanyók chá'a énxet apkelmopyóseka nak ma'a, megkatnehek chá'a melányo m'a ektémakxa nak apkellegeykegkoho, méxánegkesek han. ¡Yeyxhok chá'a apkeltamho enxoho epasmok!

Jueces 10:16

Tén axta israelitas apkexeygko m'a aqsok kéláyókxa éleñama nak mók nekha, yaqwayam elpeykeshok makham ma'a Wesse' egegkok. Massék axta ekyenna apwáxok Wesse' egegkok apkelano ektémakxa apkellegeykegkoho chá'a m'a israelitas.

Salmos 102:17

aphaxneykxoho sa' makham apkelmaxneyéyak ma'a meyke nak ekpasmo, apma sa' makham takha' m'a aqsok apkelmaxneyeykha.

Salmos 10:17

Wesse', yeyxhok chá'a exchep apkelmaxnagko m'a énxet'ák meyke nak élmasma, elwasqakkásekxohok chá'a, elanha nahan chá'a.

Salmos 10:14

Apweteyak xép ma'a apkeltémakxa ekmaso senlókassamo nak anlano'; ¡apweteyak xép, etnéssesek sa' han ma'a ekpayhawo nak etnéssesek! Apkelyexánegweykmek xép ma'a meyke nak élmasma; xép appasmo chá'a m'a élyéheykha nak.

2 Reyes 24:4

eñama han ma'a apkelnapma axta énxet'ák meyke apkeltémakxa, apsawheyáseykekxoho axta éma apagkok ma'a Jerusalén. Axta keñamak memáheyo elásekhekxohok makham ma'a Wesse' egegkok.

Éxodo 3:9

Elano, eklegayak ko'o apkelpaqméteykha m'a israelitas. Ekwetayak nahan ko'o apnaqtawáseykegkoho ekwányam agko' ma'a egipcios.

Salmos 68:17

Xámok agko' yátnáxeg apkelyenyawasso apagkok ma'a Dios; Sinaí apkeñamak apmeyánto m'a tegma appagkanamap apagkok, yetlo m'a yátnáxeg apkelyenyawasso nak.

Salmos 74:2

Kaxénwakxoho apwáxok énxet'ák apagkok, apkelmoma axta m'a sekxók eyeynókxa axta, apkelwagkassama axta teyp yaqwayam etnehek énxet'ák apagkok; kaxénwakxoho apwáxok ma'a egkexe Sión, aphamakxa axta.

Salmos 76:3

axta apkelekkexmak kélmeykha nak chá'a kélanchesso kempakhakma m'a: cham'a kéláhakkassamaxche', sókwenaqte, yágke, tén han ma'a sawhéwa.

Salmos 132:13

¡Apkelyéseykha Wesse' egegkok ma'a egkexe Sión! ¡Apkelyéseykha yaqwayam exek chá'a m'a!

Isaías 8:18

Negko'o nenteme aqsok magkenatchesso sempelakkasso nak agwetak apagkok ma'a énxet'ák Israel, ko'o tén han ma'a étchek sélmésso axta m'a Wesse' egegkok, senteméssesso axta m'a Wesse' ekha nak apyennaqte apha nak ma'a egkexe Sión.