Salmos 86:3 - Biblia Enxet

³ Wesse', yepyósho ko'o hélano', ataxnegkeshok chá'a sekwóneykha exchep.

Salmos 86:3 Referans Kwoze

Salmos 57:1

Dios ahagkok, yepyósho ko'o hélano', yepyósho hélano', hakte ekya'aweykteyk xép séltamho hemyók. Axnaták sa' ko'o kóneg apxempenák yaqwayam hemyók, ekwokmoho ekyeyk'a m'a aqsok ekmaso.

Salmos 88:9

Máxa meyke ahaqta'ák ektemék eñama sélekxagweykha. Wesse', yókxoho ekhem ko'o exchep sekwóneykha, xép chá'a élya'ássessók néten emék.

Salmos 25:5

Hepékessesák, hélxekmós ma'a ektáha nak ekmámnaqsoho, hakte xép apteme Dios ahagkok, tén han Sewagkasso Teyp. ¡May'ásseykmok chá'a ko'o exchep yókxoho ekhem!

Salmos 56:1

Dios ahagkok, yepyósho ko'o hélano', hakte yetneyk énxet sénmexeykha nak; yókxoho ekhem sektámeykenta', tén han setwáseykegkoho.

Salmos 55:17

Apaqmeyesmakha sa', alekxagwaha sa' han axto'o, taxnám, tén han axta'a, yeyxhok sa' nahan ko'o sekpeywa m'a.

Salmos 4:1

Dios, apteme nak chá'a ko'o semasma, ¡heyátegmowák sa' ko'o sekwóneyncha'a enxoho! Xeyep axta setaqmelchessáseykekxa ewáxok, cham'a ekwa'a axta eklegeykegkoho ewáxok, ¡Yepyósho ko'o hélano', yeyxho sélmaxnagko!

Salmos 41:5

Aqsok ekmaso aqsa apkeltémok heyáhapwak ma'a sélenmexma nak, etnehek chá'a apkelpeywa s'e: “¿Yaqsa sa' kexa ekhem yetsapok, tén han kamassegwók apxénamap?”

Salmos 88:2

¡ema takha' sélmaxnagko! ¡etaqmelchesho apháxenmo sekwóneykha!

Salmos 88:10

¿Exekmóshoya chá'a exchep aqsok sempelakkasso agwetak ma'a apkeletsapma nak? ¿Egkéshoya chá'a exchep ekxeyenma apkelwáxok ma'a apkeletsapma nak?