Salmos 85:9 - Biblia Enxet

⁹ Yahamok chá'a elwagkasek teyp Dios ma'a ektáha nak chá'a apcháyo; keytek sa' chá'a apcheymákpoho s'e negheykegkaxa nak.

Salmos 85:9 Referans Kwoze

Zacarías 2:5

Axta eyke aptáhak Wesse' egegkok se'e: Ko'o sa' eyke atnehek meteymog kélhaxta ekho táxa, nepyáwa m'a Jerusalén, keñe sa' ma'a nepyeseksa nak tegma apwányam axekmósek seyeymáxkoho.’”

Isaías 46:13

Eyágketchessa'ak ko'o m'a sektamheykha segwagkassamo nak teyp; yahamók agko' ko'o kawak ma'a nélwagkásamáxche teyp ahagkok nak, megkeytnók makhawo'. Awagkasek sa' ko'o teyp ma'a Sión agkések sa' Israel ma'a ektémakxa nak seyeymáxkoho.

Zacarías 2:8

Eyáphássek axta ko'o Wesse' egegkok ekha nak apyennaqte aswok se'e amya'a nak, atnehek wának énxet'ák ektáha axta apkelmenyexchesso ekyókxoho aqsok kélagkok kéxegke s'e: “Énxet apteméssesseykmoho exma ekmaso enxoho énxet'ák ahagkok, cháxa apteméssessekmoho exma ekmaso m'a aqsok sekmasmakxa ahagko' nak chá'a ko'o. Ko'o ahagko' sa' alnapaxchek xa pók aptémakxa nak chá'a énxet'ák, apkelásenneykha naqsa apagko' sa' nahan wának esawhaksohok aqsok apagkok.” Sa' etnehek exekmósek élseyéxma apagkok Wesse' egegkok ekha nak apyennaqte xa ektáha nak, keñe sa' kólya'ásegwók kéxegke aptáha seyáphasso ko'o m'a.

Ezequiel 26:20

kaweykesagkok sa' ekweykmoho m'a apheykegkaxa nak apkeletsapma, cham'a énxet'ák apheykencha'a axta nano' nentámen axta. Ayenyenták sa' éttawanyexa agko' nak ma'a kañe' xapop, cham'a apkelókxa meyke néxa nak eknaqtawasamáxche m'a aqsok, exek sa' chá'a nepyeseksa m'a apkeletsapma axta. Mexnekxók sa' chá'a énxet'ák apagkok, megkólxátekhásekxék sa' nahan chá'a kaxwók keso xapop, keso apyetnamakxa nak.

Salmos 50:23

énxet segkésso nak chá'a ekxeyenma apwáxok, cháxa seyáyo ko'o xa. ¡Awagkashok chá'a ko'o teyp ma'a aptaqmelchásamákpoho nak chá'a sétleykha!”

Isaías 4:5

Etekkesek sa' yaphope néten ekyáqtessóxma ekhem Wesse' egegkok takháxet ekyókxoho m'a egkexe Sión, tén han takhapxet ma'a énxet'ák apchaqneykekxa nak ma'a, keñe sa' axta'a élseyéxma tén han táxa eyáléwe. Keytek sa' Wesse' egegkok élseyéxma apagkok takhapxet apyókxoho énxet,

Salmos 119:155

Megkalxegkáseykha exchep epasmok ma'a élmasagcha'a nak apkeltémakxa, hakte melyetlók ma'a ektémakxa nak segánamakxa apagkok.

1 Samuel 3:9

aptáhak axta apcháneya: —Étnakxa makham; apwóneyha sa' agkok makham Wesse' egegkok, etne sa' yátegmowagkok se'e: ‘Epaqmet, weyxhok sa' ko'o, sektáha nak xép apkeláneykha.’ Keñe axta aptaqháwo makham Samuel apyetnákxo m'a apyetnamakxa.

Jeremías 23:35

Aptemék sa' agkok chá'a xama énxet elmaxneyha xama apxegexma, essenhan apnámakkok apagko' nak chá'a, sa' etnehek chá'a yának se'e: ‘¿Háxko exchek aptáhakxa apchátegmowéyak Wesse' egegkok? ¿Háxko exchek aptáhakxa apcháneya?’

Jeremías 23:37

“Jeremías, etne sa' elmaxneyha apkellegasso nak sekpeywa s'e: ¿Háxko aptáhakxa apchátegmowéyak Wesse' egegkok? ¿Háxko aptáhakxa apkeláneya?

Jeremías 29:11

Ekya'ásegkók ko'o sekmáheyókxa atnéssesek kéxegke, yaqwayam kataqmelekxak kélheykha, háwe m'a ekmaso nak kélheykha, yaqwayam sa' kayágwomhok agko' kélhaxneykha m'a egmonye' sa'. Ko'o sekxeyenma xa, sektáha nak Wesse'.

Ezequiel 3:10

Tén axta aptáha seyáneya s'e: “Etaqmelchesho apháxenmo ekyókxoho sekmako nak altennaksek, epekken sa' apwáxok.

Habacuc 2:1

Aleyxmakha sa' ko'o, ataqmelcheshok sa' séláneykha, aptémól'a énxet apkelhaxneykha etnamha m'a apkenmeykegkaxa nak chá'a, yaqwayam sa' ay'asagkoho', háxko sa' kexaha etnehek heyának Wesse' egegkok heyátegmowagkok ma'a ektémakxa nak megkaleklo ewáxok.