Salmos 85:3 - Biblia Enxet

³ Apkelwátessamók agko' aplo, tén han apkeltaqnawéyak énxet'ák apagkok.

Salmos 85:3 Referans Kwoze

Salmos 106:23

Apxeyenmeyk axta eykhe Dios emasséssók; apnókáseykha axta eyke m'a Moisés, cham'a aptáha axta apkelyéseykha, apmasséssessegkek axta aplo m'a Dios, apmasma emasséssók.

Deuteronomio 13:17

“Nágkólmekxa aqsa kéxegke xama enxoho m'a aqsok élxénamaxche nak kólmasséssók, keñe sa' meltaqnaweygkehek chá'a kéxegke m'a Wesse' kélagkok; kélyósekak sa' chá'a elano', exámásekxak sa' nahan, ekhawo m'a apkeltennassama axta etnéssesek ma'a kélyapmeyk nanók axta kéxegke,

Jonás 3:9

lapmaxcheyk sa' kexaha eyaqmagkasek apmakókxa nak etnehek Dios, tén han kamaskok aplo, keñe sa' magmassehe'.”

Isaías 12:1

Sa' kóltéhek kólpaqmétek kéxegke xa ekhem nak: “Wesse', ekméssek xép ekpayheykekxa ewáxok, hakte etaqnagkamchek axta eykhe ko'o exchep, massék eyke m'a aplo, egkeyásékxeyk makham meyke ektáhakxa ewáxok.

Isaías 6:7

épetchessessek axta ahátog, aptáhak axta seyáneya s'e: “Elano, yepetcha'ak xép apátog se'e átex nak. Kélyenyókassek aptémakxa ekmaso, megkólyaqmagkásekxak ma'a aptémakxa mey'assáxma.”

Salmos 78:38

Apyósekak axta eyke apkelányo m'a Dios, meyaqmagkásekxeyk axta chá'a apkeltémakxa ekmaso, axta han emassésseykmok; megyohók axta chá'a katxek apwáxok aplo.

Éxodo 32:22

Aptáhak axta apchátegmowágkokxo Aarón se'e: —Moisés, náhetaqnow aqsa. Apya'ásegkók xeyep se'e énxet'ák nak, apmenyeyk elanagkok aqsok ekmaso.

Deuteronomio 32:43

“¡Énxet'ák, kélheykha nak ekyókxoho apchókxa, kalpayhekxa kélwáxok xamo' ma'a Dios énxet'ák apagkok! ¡Sa' exnésseshok mók aptekyawa apkeláneykha m'a, exnésseshok sa' mók apteméssessamakxa m'a apkelenmexma nak, yásekhekxohok sa' ma'a apchókxa nak tén han ma'a énxet'ák apagkok!”

2 Crónicas 6:39

yeyxho sa' xeyep nempeywa nélmaxnagko apagkok ma'a néten aphakxa nak, epásem sa', ná eyaqmagkásekxa aqsa apkeltémakxa melya'assáxma m'a énxet'ák apagkok, eñama apkenmexeykekxa exchep.

Isaías 40:1

Aptáhak Dios kélagkok nak kéxegke s'e: “Kóltaqmelchessásekxa apkelwáxok énxet'ák ahagkok, kóltaqmelchessásekxa';

Isaías 40:2

kólpaqhetchesha yetlo éltaqmeleykha kélwáxok ma'a énxet'ák Jerusalén, kóltennés ekmassegwokmo kaxwo' ma'a ektémakxa nak kélásenneykha naqsa ekyentaxno, kóltennés appenchesa apyaqmagkáseykekxa mók ma'a aqsok melaqhémo, tén han sekyeykhássekmoho ko'o séllegassáseykegkoho ekyókxoho m'a melya'assáxma.”

Jeremías 50:20

Ektáhak ko'o sekpeywa s'e, sektáha nak Wesse': Megkóteyaxcheyk sa' apkelsexnánémap tén han melya'assáxma énxet'ák Israel, tén han Judá xa ekhem nak, hakte mayaqmagkásekxeyk sa' ko'o apkeltémakxa axta m'a énxet'ák seyhayo nak elweynchamha makham.

Ezequiel 16:63

Kaxénwakxohok sa' xeye' awáxok mayaqmagkásekxo sa' ko'o ekyókxoho m'a aqsok élane, kamegqáwhok agko' sa' nahan, megkapaqmétek sa' xama enxoho. Ko'o sekxeyenma xa sektáha nak Wesse'.’”

Miqueas 7:19

Kapyósho makham henlanok negko'o, élteyammekxa nentémakxa ekmaso. Eyenyow mólya'assáxma m'a éttawanyexa agko' nak wátsam ekwányam.