Salmos 85:12 - Biblia Enxet

¹² Wesse' egegkok apagko' sa' nahan hegmések aqsok éltaqmalma, keyxnések sa' aqsok negkeneykekxa m'a xapop.

Salmos 85:12 Referans Kwoze

Salmos 84:11

Hakte Dios Wesse' egegkok sẽlsássesso chá'a exma, tén han sẽlmasma; elásekhohok chá'a Wesse' egegkok ma'a apkeláneykegkoho nak chá'a aqsok ektaqmela, kataqmalmakha chá'a apwáxok epasmok, elmések chá'a aqsok éltaqmela.

Salmos 67:6

Keyxnések chá'a aqsok kélcheneykekxa m'a xapop; ¡empasmomchek ma'a Dios egagkok!

Levítico 26:4

wáphássesek sa' ko'o ekmámeye ekweyktamxa nak chá'a ekhem, keñe sa' xapop tén han ma'a yenta'a élaqnéyak nak yókxexma, keyxek sa';

Zacarías 8:12

Hakte kapekkenaxchek sa' nepyeseksa m'a meyke ektáhakxa apheykha. Keyxek sa' nahan ma'a anmen yámet kélcheneykekxa; katekkesek sa' ekyexna kélcheneykekxa m'a xapop; keñe sa' néten, kategkesek yálye. Almésagkok sa' ko'o, cháxa ekyókxoho nak yaqwayam etnehek apagkok ma'a énxet'ák apkeleymomap nak makham.

Miqueas 6:8

Énxet, apkeltennássek xép Wesse' egegkok ma'a aqsok ektaqmela nak, tén han yaqsa apkelhaxna elának xép: apkelhaxneyk elának ma'a aptémakxa ekpéwomo, tén han apmopyósa elanok pók, tén han elyahakxohok yetlo megkeymáxkoho apwáxok ma'a Dios.

Salmos 72:16

¡Apxámok sa' etnehek hótáhap apaktek negókxa, etepagkok sa' ma'a naw'ék egkexe nak! ¡Katyapok sa' chá'a aqsok aktek kélcheneykekxa, ektéma nak Líbano, apxámok sa' etnehek énxet tegma apkelyawe nak, ektémól'a pa'at ma'a yókxexma!

Isaías 32:15

Hegáhapwaták sa' eyke makham negko'o apmopwána m'a Wesse' egegkok, apmopwána nak elának aqsok, keñe sa' katnekxak namyep ma'a yókxexma ekyamáyekxa nak exma, kayeykhágwomhok agko' sa' nahan ektaqmalma m'a namyep.

Levítico 25:19

keyxnések sa' aqsok xapop, keñe sa' kéxegke tásek katnehek kélheykha m'a kañe', kóltawagkok sa' ma'a aqsok ekyexnésso nak, ekwokmoho kélyaqkanakmo.

Isaías 45:8

“Néten sa' kañék ko'o wáphaksek ma'a élmallahanchesso nak énxet'ák, ektémól'a katyamok ma'a yálye tén han ekmámeye, kamok sa' takha' m'a xapop; máxa ekyexna sa' katnehek katekkesek ma'a nélwagkásamáxche teyp keytek sa' nahan xamók ma'a ekpéwomo nak nentémakxa.”