Salmos 83:9 - Biblia Enxet

⁹ Etnésses sa' ma'a apteméssessamakxa axta Madián, tén han apteméssessamakxa axta Sísara, tén han apteméssessamakxa axta Jabín ma'a yegmen ényé nak Quisón,

Salmos 83:9 Referans Kwoze

Isaías 9:4

Hakte apmasséssekmek xép ma'a ektémakxa nak sẽlásenneykha naqsa apkelhamakpo nak ma'a énxet'ák, tén han ma'a kélnaqtawáseykegkoho élyaqhakkáseykencha'a nak apkelwáxok, tén han ma'a apkemha apmonye' apkelhaya nak chá'a. Máxa entáhak ma'a ektáhakxa axta apmasséssekmo m'a Madián.

Jueces 5:21

Sawhawók axta élsawa m'a yegmen ényé, cham'a nanók yegmen ényé nak ma'a Quisón. ¡Xeyep sa' elteyágkasagkok apyespa'ák ma'a ekha nak apkelmopwancha'a!

Isaías 10:26

Ellegássesagkohok sa' ma'a Wesse' ekha nak apyennaqte, ekhawo apteméssesakxa axta apmenxena m'a énxet'ák Madián, cham'a Oreb meteymog nak, exekmósek sa' nahan apmopwána yenmexek ma'a énxet'ák Asiria, ekhawo aptémakxa axta apxekmóssama apmopwána apkelenmexma m'a énxet'ák Egipto.

Jueces 4:7

Wának sa' ko'o epéwhok exegmak Sísara emyógmak ma'a alwáta' nak Quisón, apteme nak apkemha apmonye' apagkok ma'a Jabín sẽlpextétamo apagkok, yaqwayam ektámegmak xeyep yetlo yátnáxeg apkelyenyawasso apagkok, tén han sẽlpextétamo. Wának sa' eyke ko'o exchep emok ma'a.’

Génesis 19:37

Wet'ak axta étche apkenna m'a katnaha étkok nak, Moab axta han temessásak apwesey, cháxa aptáha nak apyapmeyk nanók ma'a kaxwe apkelánteyapma nak Moabitas.

Génesis 19:38

Wet'ak axta han étche apkenna m'a sexyo nak, Ben-amí axta temessásak apwesey, cháxa ektáha nak apyapmeyk nanók ma'a kaxwe apkelánteyapma nak amonitas.