Salmos 83:4 - Biblia Enxet

⁴ Xénchek apkelwáxok elxegmak hegmasséssók negko'o, yaqwayam enxoho kamassegwók nélwetamaxche', yaqwayam enxoho megkaxénwók chá'a kélwáxok apwesey m'a Israel.

Salmos 83:4 Referans Kwoze

Jeremías 11:19

Axta katnaháha ko'o ewáxok, máxa axta ektáhak ma'a nepkések kélyentameykekxal'a aptekyómakxa, meyke sekya'áseyak yaqwánxa hetnéssesek. Axta aptáhak chá'a apkelpaqmeta s'e: “Agyaqtennek kaxwók yámet yetlo ekyexna, ampátekkesek sa' se'e apheykegkaxa nak énxet'ák apkelyenna nak makham, yaqwayam sa' méko kaxwók kaxénwakxohok awáxok.”

Jeremías 48:2

Massegwokmek apcheymákpoho m'a Moab. Tegma apwányam Hesbón payhok apkeláneykxexa aptamhágkaxa apkelenmexma, apkelxéna emasséssók Moab. Madmén, kólmasséssók sa' xép xa, megkamassegwomek sa' chá'a apwete kempakhakma.

Salmos 74:8

Xénchek apkelwáxok hegmasséssók negyókxoho; ¡apkelwatneyk ma'a ekyókxoho negaqneykekxexa nak chá'a ólpeykesho'!

Daniel 7:25

Kanmexmakha sa' appeywa m'a Dios meyke nak ekhémo enaqtawássesagkohok sa' ma'a énxet'ák apagkok; emáwhok sa' eyaqmagkasek mók ma'a Dios segánamakxa apagkok, tén han ma'a kélessawássessamókxa nak chá'a ekhem apagkok, elmok sa' ma'a Dios énxet'ák apagkok ekweykmoho apqántánxo apyeyam nepxet pók.

Éxodo 1:10

Kéméxcheyk agya'asagkohok nenteméssesakxa antawássesha apxámeyák, hakte lapmaxcheyk kexa katnehek katyapok kempakhakma, epasmekxak ma'a sẽlenmexma nak yaqwayam hẽlnapakpok, tén elxog elántépok se'e negókxa nak.”

Jeremías 31:36

“Massegwokmek sa' agkok xama ekhem xa segánamakxa sekpekkenma nak ko'o, kamaskok sa' etnahagkok énxet'ák ahagkok Israel xa ekhem nak. Ko'o sekxeyenma xa, sektáha nak Wesse'.

Proverbios 1:12

Apkelyennákxoho sa' ólnápok ma'a énxet'ák meyke nak apkeltémakxa, ektémól'a nétsapma kalmenaqsapok énxet'ák kélxátawayam nak kañe' takhaxpop.

Josué 9:2

Hawók axta mók apkelpaqmeyesma m'a apyókxoho apkelwesse'e nak, apkelpasmékpók axta apmako elnapakpok ma'a Josué, tén han ma'a énxet'ák nak Israel.

Nehemías 4:2

aptáha appaqmeta nápaqta'awók apkelxegexma'a, tén han sẽlpextétamo nak Samaria: “¿Yaqsa apmako elanagkok makham xa judíos meyk át'ák nak? ¡Apkeneykek kexa kólhok makham elwatnek aqsok apnaqtósso apkelnapma! ¡Apkeneykek kexa yepwának epenchesagkok apkeltamheykha xama ekhem! ¡Apkeneykek kexa elwetekxak makham axnagcha'ák meteymog ektaháneykekxo nak mók nekha'a étkók kélwatno axta nano'!”

Ezequiel 38:10

“Ektáhak ko'o sekpeywa s'e, sektáha nak Wesse': Cháxa ekhem nak, kaxének sa' apwáxok elának aqsok ekmaso.