Salmos 82:1 - Biblia Enxet

¹ Apkempákxeyk néten Dios nepyeseksa apkeláneykha, ekha nak apkelmopwancha'a, cham'a apchaqneykekxexa nak chá'a, apxénchek axta chá'a yaqwánxa kólteméssesek naqta'awók ma'a aqsok kéláyókxa':

Salmos 82:1 Referans Kwoze

Isaías 3:13

Apkelánekxeyk aptáhakxa Wesse' egegkok yaqwayam elyekpelkoho', appenchessek aptáhakxa yaqwayam elyekpelchásseshok ma'a énxet'ák apagkok.

Eclesiastés 5:8

Nágkatlakkas aqsa apwet'a enxoho énxet'ák meyke aqsok apagkok kélnaqtawásegkoho xama apchókxa, tén han megkóltaqmelchessásekxo enxoho chá'a apheykha, essenhan megkóllánésa enxoho chá'a m'a ekpayhawo nak kólteméssesek, hakte énxet ekha nak kéláyo, elanha chá'a m'a aptáha nak kéláyo apagko', keñe apteme nak néten agko' kéláyókxa, elanha chá'a xa apqánet nak.

Salmos 58:11

Keñe sa' etnehek elpaqmétek se'e: “¡Háwe eyaqhémo antéhek nempéwomo! ¡Apyetneyk xama Dios apteme nak apkelyekpelchémo apyókxoho énxet'ák keso nélwanmeygkaxa'!”

Salmos 138:1

Wesse', agkések sa' ko'o exchep ekxeyenma ewáxok ekweykmoho kañók agko'; anneykmássesek sa' negmeneykmasso naqta'awók ma'a aqsok kéláyókxa ekha nak élmowancha'a.

Éxodo 22:28

“Nágyenmexmakha chá'a Dios, ná eltamho nahan chá'a katnégwomhok exma ekmaso m'a apkeláneseykha nak chá'a apchókxa.

Éxodo 21:6

eyentemekxak sa' aphakxa Dios ma'a ektáha nak wesse' apagkok, épetchessekxak sa' átog essenhan nekhaw'ék nak, eyagqaxqatchesek apeykok hópenyámet ekmahamta naw'a, tén sa' etnehek apchásenneykha meyke néxa.

Éxodo 18:21

Elyésha sa' xép nepyeseksa énxet'ák ma'a énxet apmopwána nak aptamheykha, ekha nak apcháyo m'a Dios, tén han meyke nak apteme apmopwána amya'a, énxet megkóllekweykmoho nak chá'a exkágwók ma'a selyaqye ekmaso nak ektegyamaxche, tén sa' nahan egkések chá'a xama aptaqmelchesso apnámakkok ma'a mil énxet, tén sa' nahan pók apkeltaqmelchesso m'a cien, tén sa' nahan pók apkeltaqmelchesso m'a cincuenta, tén sa' nahan pók apkeltaqmelchesso m'a diez énxet.

Salmos 50:1

Appaqmetchek Wesse' egegkok, cham'a Dios apteme nak néten ekyókxoho m'a aqsok kéláyókxa; apkelwóneyha apheykha nak keso náxop, cham'a teyapmakxa ekhem nak, tén han ma'a taxnegwánxa ekhem.

Salmos 58:2

Megkóltemék chá'a kéxegke xa ektáha nak, yetlo ekmaso élchetamso kélwáxok chá'a kóllának aqsok ekmaso; kéltekkessegkek chá'a nenyennaqteyáseykha egyempehek ma'a apchókxa.