Salmos 81:9 - Biblia Enxet

⁹ Nágkóltegye aqsa mók aqsok kéláyókxa, éleñama nak mók nekha; nágkólpeykesho aqsa m'a aqsok kéláyókxa megkólya'ásegko nak.

Salmos 81:9 Referans Kwoze

Isaías 43:12

Aptáhak Wesse' egegkok se'e: “Ko'o séltennáseykha tén han seklegasso: ko'o sélwagkasso teyp; háwe m'a mók aqsok kéláyókxa eñama nak mók nekha, kéxegke kélteme kélweteykegkoho.

Deuteronomio 32:12

“Wesse' egegkok axta aqsa apnaqleykha m'a, méko axta pók; ¡méko axta mók aqsok kéláyókxa eñama mók nekha yaqwayam kapasmok!

Deuteronomio 6:14

Nágkólyetlakxa m'a aqsok kéláyókxa apkelpeykessamo nak chá'a énxet'ák apheykha nak kélnepyáwa,

Malaquías 2:11

Apyamasmeyk apyetleykha Dios ma'a énxet'ák Judá, apkeláneykegkek aqsok ekmaso agko' ma'a Jerusalén, tén han ma'a Israel. Aptawáseykha énxet'ák Judá m'a ektémakxa nak appagkanamap ma'a tegma appagkanamap apchásekhayo nak ma'a Wesse' egegkok, apkelmeykegkek nahan énxet'ák Judá aptamheykegko apnaqteyegka'a m'a kelán'ák élpeykessamo nak aqsok kéláyókxa éleñama mók nekha.

Salmos 44:20

Ẽlwagqámeykegkek axta agkok negko'o exchep, Oh Dios, nélpeykasawo enxoho m'a aqsok kéláyókxa eñama nak mók nekha,

Éxodo 15:26

Aptáhak axta apkeláneya s'e: “Kélhaxnawók agkok chá'a kéxegke meyke kéltawásseyo kóleyxhok ma'a sektáhakxa enxoho chá'a séláneya, ko'o sektáha nak Wesse' Dios kélagkok, tén han kéllana enxoho chá'a m'a ekpeykeseykekxoho nak chá'a ko'o ewáxok, kélyahákxoho enxoho nahan chá'a m'a séltémókxa nak chá'a kóltéhek, tén han kéllana enxoho chá'a m'a segánamakxa ahagkok nak, magwáphaksek sa' ko'o xama enxoho m'a aqsok ekmaso nenlegeykegkoho, seyáphasa axta ko'o nepyeseksa m'a egipcios, hakte ko'o sekteme Wesse', ektáha nak chá'a apkelmeyáseykekxa kélyennaqte kéxegke.”

1 Reyes 22:19

Aptáhak axta Micaías: —Yeyxho sa' aptáhakxa appeywa Wesse' egegkok: Ekwet'ak xeyk Wesse' egegkok apha m'a néten aptaháno eyeymáxkoho, keñe han apchaqnáncha'a apyókxoho apkelásenneykha m'a nápakha, ekpayho nak apkelya'assamakxa', tén han ma'a ekpayho nak nepsagqalwa.

Salmos 50:7

“Kóleyxho, Israel, kélteme nak énxet'ák ahagkok; altennásekxohok sa' ko'o kéxegke ekmasagko kéltémakxa. ¡Ko'o sekteme Dios! ¡Ko'o Dios kélagkok!

Isaías 28:23

Kóltaqmelchesho kélháxenmo, kóleyxho sektáhakxa nak séláneya, kóleyxho meyke kéltawásseyo sekpeywa:

Oseas 4:1

Israelitas, kóleyxho aptáhakxa nak appeywa Wesse' egegkok. Appekkenchek yaqwayam elxénchásekxohok apkeltémakxa énxet'ák apheykha nak se'e apchókxa nak, hakte méko kaxwók mekxeymákpoho nepyeseksa énxet'ák se'e, tén han melyepetcheykha apnámakkok; massegkek apkelya'áseyak ma'a Dios.