Salmos 81:5 - Biblia Enxet

⁵ apchánamakxa axta antéhek, apmésso axta m'a José, apkempakhaya axta Dios ma'a Egipto. Ekleg'ak ko'o xama kélpeywa may'ásegko nak:

Salmos 81:5 Referans Kwoze

Salmos 114:1

Xama axta apkelánteyapma énxet'ák Israel Egipto, apkelánteyapma axta Jacob aptawán'ák neptámen ma'a megkatnahakxa nak apkelókxa,

Jeremías 5:15

Aptáhak Wesse' egegkok se'e: “Israel, anaqlókásegmak sa' ko'o exchep énxet'ák, apkeleñama nak makhawók agko', cham'a énxet'ák apkelyennaqte nak tén han nanók agko' énxet'ák nak. Mopwanchek xép apkelpeywa m'a, mey'asagkek han ma'a aptáhakxa enxoho apkelpeywa.

Deuteronomio 28:49

Ektágkásegmak sa' kéxegke Wesse' egegkok ma'a énxet'ák apkeleñama nak apchókxa makhawók agko' keso náxop, cham'a énxet'ák megkólmowána nak kéxegke m'a apkelpeywa. Máxa sa' etnahagkok ma'a ektémól'a náta meyke ahekhek ekyennaqtél'a kampa';

Salmos 77:15

Apmopwána axta keñamak apkelmeykekxo m'a énxet'ák apagkok, cham'a Jacob apketchek nak, tén han ma'a José.

Isaías 28:11

Sa' agkok elyahakxohok xa, elpaqhetchesek sa' Dios ma'a nempeywa magya'áseyak nak ektémakxa, nempeywa manlegaya nak.

Éxodo 12:27

Sa' kóltéhek kólátegmowagkokxak kéxegke s'e: ‘Keso aqsok kéltósso ekmatñà ekhem mólwagqayam Pascua, eñama m'a Wesse' egegkok. Hakte cham'a apkelnapa axta egipcios, apkelyeykhágkek axta aqsa chá'a apxanák ma'a israelitas apheykha axta m'a kañe' Egipto, keñe axta apkelweykmo negko'o teyp ma'a neghawóxama.’” Tén axta apkelháxahánto m'a israelitas apkelpeykásawo.

Éxodo 12:12

Cháxa axta'a nak, aweynchamha sa' ko'o m'a ekyókxoho nak kañe' Egipto, alnápok sa' chá'a xama tegma étchek átnaha apketkók ma'a egipcia, tén han ma'a émha amonye' ekwete nak étkók ma'a apnaqtósso. Alyekpexchetagkok sa' nahan ko'o m'a ekyókxoho aqsok kéláyókxa nak chá'a m'a kañe' Egipto. Ko'o sekxeyenma xa, sektáha nak Wesse'.

Éxodo 11:4

Aptáhak axta Moisés apcháneya faraón se'e: —Exchek aptáhak apcháphássesso appeywa Wesse' egegkok se'e: ‘Axta'a eyseksók sa' ko'o aweynchamha m'a ekyókxoho nak kañe' Egipto,

Amós 6:6

kólmaha chá'a egheykok élyawe kólyenagkok ma'a vino, kólexpaqhaxchek chá'a m'a sokmátsa élmátsa agko' nak élpaqneyam élmomnáwa, ¡megkalyetnakhassamók kélwáxok ekmasagko m'a kélókxa!

Ezequiel 20:20

kóltemésses nahan chá'a ekpagkanamaxche m'a ekhem ahagkok sábado, yaqwayam sa' katnehek xama aqsok magkenatchesso kélnepyeseksa kéxegke tén han ko'o xa; keñe sa' kólya'ásegwók, sektáha ko'o Dios Wesse' kélagkok.

Salmos 78:6

yaqwayam enxoho elya'asagkohok ma'a peya nak elántépekxak makham egmonye', cham'a apketchek mepalleykmo nak makham, yaqwayam enxoho han elxekmósek apketchek ma'a;

Deuteronomio 4:45

tén han apkeltémókxa antéhek, tén han segánamakxa tén han nélánémaxchexa antéhek apkeltennáseykegko axta sekxók apkelánteyapma axta m'a Egipto,

Éxodo 12:29

Axta'a eyseksók axta apkelnapa Wesse' egegkok kélketchek átnaha apketkók xama tegma chá'a m'a kañe' Egipto. Axta nahan cheynawok sekxók ma'a faraón apketche átnaha apketkok aphama axta chá'a m'a taháno ekyawe ektaqmalma, ekweykekxoho m'a apketchek átnaha apketkók nak ma'a énxet'ák apheykha axta kañe' negmomaxchexa, tén axta nahan ma'a émha amonye' ekwete étkók nak ma'a aqsok kélnaqtósso.