Salmos 81:13 - Biblia Enxet

¹³ ¡Ehaxnawók axta agkok ko'o m'a énxet'ák ahagkok! ¡Aptáha enxoho chá'a séltémókxa axta chá'a etnehek ma'a Israel,

Salmos 81:13 Referans Kwoze

Isaías 48:18

¡Kaxtemék axta apkelyeheykekxoho m'a séltémókxa nak chá'a etnehek! Kayágkok axta ektaqmalma apha kaxhok axta m'a ektémól'a kayágkok yegmen ma'a wátsam, kaxhok axta ektaqmeleykekxa apha m'a ekweykenxal'a élyaqyahayam élyawe m'a wátsam ekwányam,

Deuteronomio 5:29

¡Katnoho annal'a chá'a élchetamso apkelwáxok xa ektáha nak, heyáwhok chá'a ko'o, elanagkok nahan chá'a yókxoho ekhem ma'a segánamakxa ahagkok nak, yaqwayam enxoho kataqmelek chá'a apheykha, ekweykekxoho m'a apketchek!

Deuteronomio 32:29

Kaxtemék axta ekha apkelya'áseyak xa, elyekpelkohok axta; elya'asagkohok axta aqsok élhaxna m'a apmonye'e.

Proverbios 1:31

¡Kápekxak sa' xa ektémakxa nak chá'a aqsok ekmaso kélláneyák! ¡Kalleklágwók sa' ektémakxa nak ekmaso kéltémakxa'!

Jeremías 7:24

Axta eyke hélyeheykekxoho', axta nahan heháxenmók, apkelyennaqtéssegkek axta aqsa apkelwáxok apkelyetleykekxo m'a ektémakxa axta chá'a élchetámeykha apkelwáxok ekmaso. Axta hey'ékekták ko'o, eyheykekxeyk axta aqsa apkap'ák.