Salmos 80:6 - Biblia Enxet

⁶ Apkeltémók chá'a exchep hegya'ássók ma'a apheykha nak neyáwa negókxa', ẽlasméssegkek chá'a m'a sẽlenmexma nak.

Salmos 80:6 Referans Kwoze

Salmos 79:4

Ẽlya'ásseykmek chá'a negko'o m'a apheykha nak neyáwa negókxa; ẽlasméssegkek ma'a segwakhaya nak, ẽlxéneykha nahan chá'a ekmaso.

Ezequiel 36:4

Meteymog élekhahéyak Israel, kóleyxho Wesse' egegkok appeywa apcháphássesso m'a meteymog élekhahéyak, tén han ma'a egkexe yámnáxap'awo nak, tén han ma'a wátsam nak tén han ma'a élyapwátegweykenxa nak chá'a xapop; tén han ma'a tegma aphopák appalleyam axta meyke nak énxet ma'a kañe', tén han ma'a tegma apkelyawe meyke nak xama aqsok ma'a kañe Israel, apkelmenyexchessama axta aqsok apagkok ma'a énxet'ák apheykha nak nepyáwa, tén han aptéma axta apkelasmeyáseykha chá'a.

Jeremías 48:27

Énxet'ák Moab, ¿Ya axta kéxegke kólesméssók chá'a m'a énxet'ák Israel? ¿Ya axta kólxéneykha chá'a yetlo kélwanyeykha? ¿Ya axta kólteméssessók ma'a aptémól'a apkelmenyexma?

Jeremías 15:10

¡Méme, ko'o laye, ektáha axta setegkesso wánxa aqsa yaqwayam hélyamatchesha tén han alátegmoweyxchek chá'a apyókxoho énxet'ák! Mamassáseykha chá'a ko'o selyaqye ahagkok xama énxet, mehelmassáseykha nahan chá'a ko'óxa, apyókxoho énxet'ák aqsa chá'a apkeltémók hetnégwomhok exma ekmaso.

Isaías 37:23

¿Yaqsa axta énxet apkenmexeyncha'a cha'a tén han apwanyeyncha'a chá'a? ¿Yaqsa axta énxet apkelpáxegkáseyncha'a chá'a tén han megyésa chá'a apkelano yetlo eyeymáxkoho apwáxok? ¡Apkenmexáha axta exchep ma'a Dios Appagkanamap nak Israel!

Isaías 36:8

Elpaqhetchesakpoho wesse' ahagkok, wesse' apwányam nak Asiria: almések sa' ko'o exchep dos mil yátnáxeg, apwet'a enxoho m'a yaqwayam elchántek.

Jueces 16:25

Kelpayhekxók agko' axta apkelwáxok, keñe apkeltamho kólyentemekxak Sansón yaqwayam yesmaksek etwasagkoho'. Kéltekkessek axta m'a kañe' negmomaxchexa nak, apkellektegmáha axta chá'a aptawásegkoho, apkenegkessekmek axta neyseksa élámha tegma.

Salmos 42:4

Xénwákxók agkok chá'a ko'o ewáxok xa aqsok nak, mamágwakxeyk chá'a kalekxagwaha ewáxok. Kaxénwakxohok chá'a ewáxok sélyetlama chá'a énxet'ák, seknaqleykekxo axta chá'a Dios tegma appagkanamap apagkok, yetlo nélwehéseykha élpayheykekxa egwáxok, tén han negmésso ekxeyenma egwáxok Dios. ¡Awanhek axta chá'a katnehek élpayheykekxa egwáxok!