Salmos 80:11 - Biblia Enxet

¹¹ Kelweykmók axta nahan aktegák ma'a wátsam ekwányam nak, tén han éltekteyapma m'a wátsam Éufrates.

Salmos 80:11 Referans Kwoze

Salmos 72:8

¡Kawomhok sa' apkeláneykha m'a halep wátsam ekwányam ekweykekxoho m'a teyp nak wátsam ekwányam, eyeynamo m'a wátsam Éufrates, ekweykmoho m'a ektemegwánxa nak néxa xapop, keso nélwanmeygkaxa'!

1 Crónicas 18:3

Apyaqmassegkek axta han David ma'a Hadad-ézer, wesse' apwányam axta m'a Sobá, ekpayho nak Hamat, apmeyeykekxo axta apmáheyo eykhe etnekxak makham aptaqmelchesso m'a yókxexma, ekyetnama nak nekha wátsam Éufrates.

1 Reyes 4:24

hakte apsawheykekxók axta apkeláneykha Salomón ekyókxoho apchókxa ekpayho nak taxnegwánxa ekhem ma'a Éufrates, eyeynmo m'a Tífsah ekweykekxoho m'a Gaza, tén han nepyeseksa m'a apyókxoho apkelwesse'e apkelwányam nak apchókxa', meyke ektáhakxa apheykha axta han apteméssessók ekyókxoho apheykegkaxa ekhéyak nak nepyáwa'.

1 Reyes 4:21

Salomón axta apkeláneykha ekyókxoho apkelókxa, eyeynmo m'a wátsam Éufrates, ekweykekxoho m'a filisteos apchókxa', tén han ma'a néxa xapop nak Egipto, apyánmagkassama axta chá'a selyaqye eknegkenamaxche', apkeláneykha axta han chá'a aptemék Salomón, neyseksa apha makham.

Éxodo 23:31

Keso sélqahássesso yaqwánxa chá'a katnehek néxa xapop kélagkok se'e, eyeynamo sekxók ma'a Wátsam Ekyexwase nak ekweykmoho m'a wátsam ekwányam apagkok nak ma'a filisteos, tén han eyeynamo m'a yókxexma meykexa nak énxet ekweykmoho m'a wátsam Éufrates. Ekméssek ko'o yaqwayam kólmok énxet'ák apheykha nak xa apkelókxa nak, emenxenek sa' xeyep ma'a apwánxa enxoho.

Génesis 15:18

Cháxa ekhem apkelanakxa axta han ekhémo mók apkelpaqhetchásamákpoho Wesse' egegkok ma'a Abram. Aptáhak axta apcháneya s'e: —Agkések sa' ko'o aptawán'ák neptámen se'e xapop nak, eyeynamo m'a wátsam nak Egipto, ekweykekxoho m'a wátsam ekyawe nak Éufrates,