Salmos 8:4 - Biblia Enxet

⁴ katnehek chá'a élchetamso ewáxok se'e: ¿Yaqsa m'a énxet? ¿Yaqsa m'a nentáha nak énxet? ¿Yaqsa ektéma ekxéneykencha'a nak chá'a apwáxok ma'a, tén han ekyetnakhassamo nak chá'a apwáxok?

Salmos 8:4 Referans Kwoze

Salmos 144:3

Wesse', ¿yaqsa m'a énxet ekxeyenma nak chá'a apwáxok xép? ¿Yaqsa m'a nentáha nak énxet ekyetnakhassamo nak chá'a apwáxok?

Job 7:17

¿Yaqsa m'a nentáha nak énxet, apmopmenyého nak chá'a? ¿Yaqsa ektéma ekyetnakhassamo nak chá'a apwáxok?

Salmos 146:3

Nágkólawho chá'a énxet ekyawe nak kéláyo, cham'a énxet apkeletsapmo nak chá'a, megkamopwána nak hegwagkasek teyp,

2 Crónicas 6:18

“Wánxa agkok, ¿naqsóya apmopwána exek Dios náxop nepyeseksa énxet'ák? Mopwanchek exhok ekwánxa nak ekyawe néten, ¡ekyágwánxa agkok mexók se'e tegma appagkanamap sélánésso nak xép!

Salmos 80:17

eyke epásem ma'a énxet ektáha axta apkelyéseykha, apkeltektekkesso axta exchep énxet, ektáha axta apyennaqtésso,

Job 25:6

¡ekyágwánxa agkok ma'a énxet aphémo nak askok!

Isaías 51:12

“Ko'o ahagko' sélwasqakkáseykekxoho chá'a kéxegke. ¿Yaqsa kéláya chá'a kéxegke? ¿Énxet ya? ¿Keya kélayeyk chá'a kéxegke m'a énxet'ák apkeletsapmo nak chá'a, aphémo nak pa'at?

Salmos 106:4

Wesse', kaxén sa' ko'o apwáxok apteméssesa sa' ektaqmela m'a énxet'ák apagkok; náhelwánaqma aqsa ko'o apya'aweykto sa' elwagkasek teyp,

Génesis 21:1

Aptaqmelchessek axta apteméssesakxa Wesse' egegkok ma'a Sara, ekhawo apxeyenmakxa axta etnéssesek.

Isaías 40:17

Mékoho apancha'awók nápaqtók Dios ma'a apyókxoho pók aptémakxa nak chá'a énxet'ák; apkelyelqákpók elano'.

Ezequiel 8:15

Tén axta aptáha seyáneya s'e: “¿Apwet'aya xa? Étak sa' makham mók aqsok ekyeykhágweykmoho nak ekmaso agko' se'e apwet'a nak.”

Salmos 4:2

Kéxegke kélanagko nak chá'a kóltáhak énxet ekha kéláyo, ¿háxko sa' ekwánxa ekhem kammok kélenmexeykha m'a ektémakxa nak ko'o meyke sektémakxa? ¿háxko sa' ekwánxa ekhem kammok kélmámenyého m'a aqsok ekteme nak mékoho, tén han kélchetamso m'a aqsok megkamámnaqsoho nak?

Éxodo 4:31

Tén axta m'a énxet'ák nak maxta elya'ássekmok. Xama axta apkelya'ásegwokmo apkeláneykencha'a Wesse' egegkok tén han apweteya ektémakxa apkellegeykegkoho. Apkelháxahánteyk axta apkeltekxeyágko aptapnák xapop apkelpeykásawo.

Génesis 1:1

Apkelanak axta sekxók amonye' Dios néten tén han náxop.

Génesis 1:14

Keñe axta natámen aptáha makham Dios se'e: “Kalántép élápogwate m'a néten, yaqwayam kalsaksexma keso náxop, yaqwayam keytnakhaksek ekhem tén han axta'a, yaqwayam sa' han chá'a kólya'asagkohok ekhem, tén han apyeyam nak, tén han ekpekkenamaxchexa nak chá'a ekhem megkólwagqayam.” Temék axta han xa.

Génesis 19:35

Chágkokxeyk axta makham anmen yámet égmenek yáp xa axta'a nak, tén axta ekpathetágko m'a sexyo nak, axta han eñégkok Lot ekyetnawo xamo' ma'a, axta han eñégkok ekxatakha'a.

Salmos 19:2

Kaltennasha chá'a mók ma'a ekhem; kaxénekxohok chá'a axta'a kaltennasha m'a mók axta'a.

Salmos 96:5

Mékoho m'a aqsok apcháyókxa nak chá'a pók énxet'ák, Wesse' egegkok axta eyke apkelane néten.

Salmos 136:5

Apkelane nak néten, yetlo apya'áseykegkoho, hakte megkamassegwomek chá'a segásekhayo.

Salmos 136:9

pelten tén han yaw'a, yaqwayam elsaksek chá'a exma axta'a, hakte megkamassegwomek chá'a segásekhayo.