Salmos 8:3 - Biblia Enxet

³ Élanawók agkok chá'a m'a néten, ektáha axta exchep apkelane, tén han pelten tén han ma'a yaw'a apnegkenma axta m'a,

Salmos 8:3 Referans Kwoze

Génesis 1:1

Apkelanak axta sekxók amonye' Dios néten tén han náxop.

Salmos 33:6

Appeywa axta keñamak Wesse' egegkok apkeláneya m'a néten, apwátekhapma axta keñamak élánteyapma m'a ekyókxoho aqsok élápogwáteyák nak néten.

Salmos 111:2

Élyawa agko' ma'a aqsok apkelane nak Wesse' egegkok, eltamhok chá'a elya'ásegwók ma'a apkelmopmenyého nak chá'a.

Salmos 104:19

Apkeláneyak axta exchep pelten yaqwayam elyetsetagkok chá'a ekhem; ya'ásegkók han chá'a ekwánxa katxek ma'a ekhem.

Salmos 89:11

Apagkok xép ma'a néten, tén han náxop; xép axta apkelane nélwanmégkaxa, tén han ma'a ekyókxoho aqsok ekhéyak nak awáxok.

Éxodo 8:19

Keñe m'a énxet'ák ekha apmopwancha'a nak, aptáhak axta apcháneya faraón se'e: —¡Dios apmopwána keñamak se'e! Apyennaqtéssek axta eyke aqsa apwáxok ma'a faraón, maxta elyahákxak, ekhawo m'a aptémakxa axta apkeltennasso Wesse' egegkok ekmaheyókxa katnehek.

Job 22:12

Apheyk Dios ma'a netnók agko' nak néten; apheykegkek kóneg apmagkok ma'a yaw'a aphéyak nak netnók agko'.

Deuteronomio 4:19

Kélenmexawók agkok nahan ma'a néten kólwetak ma'a ekhem, pelten, yaw'a, tén han ma'a ekyókxoho aqsok élsassóxma nak néten, nágkólho káhapwak ekyekkónma kólpeykeshok xa, hakte apkeláneyak axta Dios Wesse' kélagkok élsassóxma nak néten yaqwayam kalsássesek exma apyókxoho énxet keso náxop.

Éxodo 31:18

Xama axta apsawha appaqhetchesso Wesse' egegkok Moisés ma'a néten egkexe nak Sinaí, apkelméssek axta ánet meteymog élpayhe apnaqtáxésso apagko' axta segánamakxa m'a Dios.

Salmos 148:3

¡Ekhem, tén han pelten, kólpeykesho Wesse' egegkok! ¡Kólpeykesho kéxegke yaw'a kélápogwate nak chá'a!

Salmos 19:1

Néten senxekmósso negko'o Dios apcheymákpoho, yaphope ekyápaqmate séltennasso m'a aqsok apkelane nak.

Job 25:5

Melsaksek nahan exma pelten nápaqtók ma'a Dios, metnehek nahan apkeláxñeyo m'a yaw'a,

Job 25:3

Apxámok apagko' ma'a apkelásenneykha, keltátchessegkek élseyéxma apagkok ekyókxoho aqsok.

Job 36:24

Apyókxoho énxet elxénmakha ektaqmela m'a aqsok apkelane; kaxén xépxa apwáxok eyéméxko elteméssesek éltaqmalma.