Salmos 73:8 - Biblia Enxet

⁸ Emáwhok chá'a elanagkok aqsok ekmaso yetlo apkelya'ásseyam, tén han éleymáxkoho apkelwáxok, tén han yetlo melmegqakto, exének chá'a elyennaqtésha apyempe'ék;

Salmos 73:8 Referans Kwoze

Salmos 17:10

Kalyeyha'ak apkelwáxok ma'a, kaleyxkohok han chá'a apkelpeywa;

Salmos 10:2

Yetlo éleymáxkoho apkelwáxok chá'a apmáheyók enaqtawasagkohok élmasagcha'a nak apkeltémakxa m'a meyke nak aqsok apagkok; kalmekxohok sa' eyke agko' ma'a kelhanma apnegkenéyak apmáheyo elmok ma'a énxet'ák.

Oseas 7:16

Apkelye'eykekxeyk axta eyke m'a aqsok kéleykmássesso, aphawók ma'a yágke ektaqhél'a, megkapayhémól'a negya'asakxa m'a aktek nak. Sókwenaqte sa' kólyetxák kólnápok ma'a apkelámha apmonye'e apagkok nak, eñama éleymáxkoho apkelpaqméteykha, elesmaksek sa' ma'a énxet'ák Egipto.

1 Samuel 13:19

Méko axta han xama énxet apkelane nak sawo m'a ekyókxoho kañe' nak Israel, hakte axta yahayók filisteos elanagkok sawo élwenaqte tén han sawhéwa m'a hebreos.

2 Reyes 18:29

‘Nágkólho elyexanchesha m'a Ezequías; mopwanchek elwagkasek teyp neyseksa sélmá kéxegke.’

Ezequiel 35:13

Paqmetchek axta exche' sewañencha'a, kayhek axta ekpeywa sexéneyncha'a ko'o. Ekleg'ak axta nahan ko'o.