Salmos 73:6 - Biblia Enxet

⁶ Cháxa keñamak apkelmeykencha'a nak yáxña'akxoho m'a apkeleymákpoho, ektémól'a negnatanma agkexnek ma'a egyespok, tén han aptéma yáxña'akxoho apkelyennaqteyáseykha apyempe'ék, ektémól'a nentaxno;

Salmos 73:6 Referans Kwoze

Salmos 109:18

Kápok sa' ekmaso apha ektémól'a negaqlamaxche', kalántexek sa' apexchakkok tén han apwáxok, ektémól'a vino essenhan pexmok égmenek;

Daniel 4:30

aptáhak axta s'e: “¡Awanhók agko' nak la'a s'e Babilonia! Ko'o axta sélane yetlo sekmowána, sekhamakxa chá'a sektémakxa wesse' apwányam, yaqwayam enxoho kataxchek seyeymáxkoho.”

Proverbios 1:9

hakte kataqmelcheshok sa' xép élnáxegkáseykha xa: máxa sa' katnéssesek ma'a ektémól'a nennatanma ektaqmalmal'a, tén han ma'a nétchesso empátek élyenmál'a.

Jueces 8:26

Xegkessek axta katyapok diecinueve kilos ekyókxoho m'a kélatchesso kélaphék sawo ekyátekto élmomnáwa nak, meyke ekyepetche m'a nélmeykha nak chá'a nélnáxameykha, tén han ma'a aqsok élmomnáwa, keñe han ma'a apáwa hómáyok apkelántaxneykekxa axta chá'a m'a apkelwesse'e apkelwányam nak Madián, tén han ma'a kélchexenchessamól'a apyespa'ák ma'a yányátnáxeg.

Miqueas 3:5

Megkataqmelweykmok apkelxega m'a énxet'ák ahagkok eñama apkelyexancháseykha chá'a m'a apkellegasso nak sekpeywa apkelmopwancha'a amya'a, apkeltennasso nak chá'a katnehek meyke ektáhakxa apheykha m'a apkelmésso nak chá'a aptéyak, keñe eltennaksek chá'a yempakhak ma'a meléyak nak chá'a aptéyak. Aptáhak apkelxéna Wesse' egegkok, cháxa apkellegasso nak appeywa apkelmopwancha'a amya'a:

Ezequiel 16:11

ekwakhéssek axta sélnáxegkáseyncha'a m'a aqsok étkók éltaqmalma élmomnáwa, élatchessessek axta nahan naxta'a amék ma'a eknegkenma nak chá'a amék élyenma tén séxenchesa nahan ayespok ma'a xama eknatanma;

Jeremías 48:29

Negya'ásegkók negko'o ektémakxa apkeleymákpoho ekyawe m'a énxet'ák Moab: éleymáxkoho apkelwáxok, apkene etnahágkok néten, tén han wánxa kéláyo.

Jeremías 48:11

Apkelweteyak chá'a meyke ektáhakxa apheykha m'a énxet'ák Moab, megkólnaqleykekxak makham megkatnahakxa apkelókxa xama enxoho. Aphémók ma'a vino kélpekkenmal'a aqsa meyke kéltaqheyáseykha, megkólyetmeykekxal'a m'a mók kélyeta nak, cháxa keñamak megkamassama nak chá'a ekmátsa, tén han ekpaqneyam.

Isaías 3:19

tén han ma'a élchenméhe nak, tén han ma'a eknegkenma nak chá'a amék, tén han ma'a éláhakkasso nak chá'a naqta'a apáwa apkelexyawe,

Cantares 4:9

Meyk xeye' ewáxok, eyáxeg, sekpagkanma; xama sélányo eykhe entáhak ekma ewáxok, xama sélányo eykhe ektáhak ma'a eknatanma nak, ekma ewáxok.

Eclesiastés 8:11

Megkólmagkek chá'a ekmanyehe agko' ma'a aqsok ekmaso nak, megkóllegássesagkók nahan chá'a m'a ektáha nak apkelane, cháxa keñamak ekxéneykencha'a nak aqsa apwáxok énxet elának ma'a aqsok ekmaso nak.

Proverbios 4:17

¡Cham'a aptéyak ma'a ekmaso nak nentémakxa', keñe apyenéyak ma'a apkelyennaqtésamakpoho nak chá'a elanagkok aqsok ekmaso!

Proverbios 3:31

Ná eyásekkes aptémakxa m'a énxet apyennaqteyáseykha nak chá'a apyempehek, nágyeykmasha han ma'a aptémakxa nak;

Salmos 109:29

¡Elmegqáwhok apagko' sa' ma'a sélenmexma nak. ¡Kápok sa' apkelmegqakto, aptémól'a kélaqlamaxche'!

Ester 3:1

Yáma wenaqtémók axta nahan natámen xa, keñe apteméssessama apkemha apmonye' nepyeseksa apkeláneykha wesse' apwányam Asuero m'a Amán, Hamedata axta apketche, aptáwen neptámen axta m'a Agag.

Deuteronomio 32:15

“Apmelayak axta m'a Jesurún, apkeltekpageykha axta apmagkok xapop (apmelayók apagko' axta, apkelyenmomchek axta apmele), tén axta apyamasma m'a Dios, ektáha axta apkelane; aptaqnawágweykmek axta m'a apmasma nak chá'a tén han apwagkasso teyp.

Génesis 41:42

Aplekkek axta apketchesso apophék faraón apmeykha axta chá'a apkelqahasso, apketchessessek axta apophék ma'a José. Keñe axta apkeltamho kólántaxneyásekxak apáwa apkelexyawe apkeltaqmalma, tén han kólnatmeyásekxak ma'a apnatanma sawo ekyátekto ekmomnáwa.