Salmos 71:3 - Biblia Enxet

³ Etne exchep semasma apyennaqte, ¡etne exchep tegma apyennaqte sekyexanmomakxa, tén han sewagkasso teyp! ¡Xép apteme semasma apyennaqte, tén han tegma apyennaqte ahagkok!

Salmos 71:3 Referans Kwoze

Salmos 18:2

Xép apteme setaqmelchesso, sekyexánegweykekxexa', semallahanchesso, Dios ahagkok, semasma apyennaqte, seyáhakkásamáxche', sewagkasso teyp apmopwána, xép apteme sekyexanmomakxa netno' agko'.

Proverbios 18:10

Wesse' egegkok apwesey ekteme segmasma ekyennaqte, apkelmeyeykekxexa nak chá'a elyexánegwakxak ma'a énxet'ák apkelpéwomo nak.

Salmos 91:9

Aptemegkek xép apyexánegweykekxexa m'a Wesse' egegkok. Apmasma m'a Dios Meyke nak Ekhémo,

Deuteronomio 33:27

Cha'a aptaqmelchesso exchep ma'a Dios memassegwayam nak, cha'a ekpasmo m'a apmopwána megkamassegwayam nak; emenxenchesek chá'a apmonye' exchep ma'a apkelenmexma nak keñe exchep yának chá'a emasséssók.

Salmos 44:4

¡Wesse' Apwányam ahagkok! ¡Dios ahagkok! Xép axta apkelmallahanchesso énxet'ák apagkok;

Salmos 42:8

Ekhem chá'a ko'o heyásekhohok Wesse' egegkok, keñe chá'a axta'a malwátessemek sekmeneykmasso, tén han sélmaxnagko m'a Dios apteme nak sénnaqtésso.

Isaías 33:16

méko sa' katnehek apha xa, kaxek sa' apyexanmomakxa m'a meteymog élyennaqte nak, kaxek sa' chá'a m'a apto, megkameykkehek sa' nahan chá'a m'a yegmen apyá.

Salmos 68:28

Dios ahagkok, henxekmós apmopwána; ¡hentemessásekxa makham ma'a senteméssessamakxa axta negko'o sempasmoma!

Salmos 144:2

cha'a apteme sekxegexma meheyenyaweykha m'a, sekyexánegweykekxexa', sénátweykekxexa netnók agko', sewagkasso teyp; cha'a apteme seyáhakkásamáxche', semasma m'a; cha'a sélmésso chá'a ko'o énxet'ák yaqwayam atnehek séláneykha.

Salmos 90:1

Wesse', xép apteme chá'a negyexánegweykekxexa.

Salmos 18:3

Wesse' egegkok, payhawók xép kólpeykesho'; ekwóneyha agkok chá'a, hewagkasek chá'a teyp nepyeseksa sélenmexma.

Salmos 89:27

Atnéssesek sa' nahan ko'o apteme hatte átnaha apketkok, apteme néten agko' nepyeseksa m'a kelwesse'e apkelwányam nak keso náxop.