Salmos 7:9 - Biblia Enxet

⁹ Dios appéwomo, apkelányo nak chá'a ektémakxa élchetámeykha egwáxok, tén han ekxéneykha egwáxok kañók agko', ¡emasséssem apkeltémakxa ekmaso m'a élmasagcha'a nak apkeltémakxa, eyke ewasqakkas neyseksa apha m'a énxet meyke nak aptémakxa!

Salmos 7:9 Referans Kwoze

Jeremías 11:20

Wesse' ekha nak apyennaqte, xép akke apteme segyekpelchémo appéwomo; apya'ásegkók xép ekweykmoho kañók agko' elchetámeykha apwáxok énxet. Yána ko'o alanha yaqwánxa etnéssesek apkellegassáseykegkoho xa énxet'ák nak, hakte ekméssek ko'o exchep ma'a setnamakxa nak.

Jeremías 17:10

Ko'o sélányo chá'a apwáxok énxet, sektáha nak Wesse', tén han sekya'áseykegkoho chá'a m'a kañók agko' nak élchetámeykegkaxa apwáxok; tén han sekméssamól'a chá'a xama m'a ekpayhawo nak chá'a atnéssesek sellegassáseykegkoho, cham'a ektémakxa nak chá'a aqsok apkeláneyak.”

Jeremías 20:12

Wesse' ekha nak Apyennaqte, apkelányo nak chá'a yetlo ekpéwomo agko', apwetayo nak chá'a kañók agko' apwáxok énxet, yoho ko'o alanha ektáhakxa apkellegassáseykegkoho xa énxet'ák nak, hakte ekméssegkek ko'o exchep ma'a setnamakxa nak.

1 Crónicas 28:9

Keñe sa' xép, hatte Salomón, ey'asagkoho sa' Dios apagkok nak apyáp, elána' sa' chá'a ekweykmoho kañók agko' apwáxok ma'a apkeltémókxa nak etnehek, tén han yetlo ekmáheyo apwáxok, hakte elanok chá'a Wesse' egegkok ma'a ektémakxa nak egwáxok, ékpelkohok han ma'a ektáhakxa enxoho chá'a ekmámenyého egwáxok, tén han élchetamso egwáxok. Apketamchek sa' agkok chá'a exchep ma'a, megkatnehek sa' chá'a méteyeykekxa'; apyenyókek sa' agkok xép ma'a, eyenyók sa' megkatnégwayam néxa m'a.

1 Samuel 16:7

Keñe axta aptáha apcháneya Wesse' egegkok se'e: “Ná elano ektémakxa apyempehek, essenhan ektémakxa apwenaqte, hakte mómenyék ko'o xa. Megkatneyk ko'o sélányo ektémakxa nak apkelányo énxet; hakte apyókxa aqsa chá'a elanok pók énxet, keñe ko'o apwáxok aqsa chá'a alano'.”

Salmos 139:1

Wesse', apkelányok xép sektémakxa, ey'ásegkok nahan;

Salmos 44:21

ey'asagkohok axta exchep, hakte apya'ásegkok xép ektémakxa nak ekpaqméteykha kañók agko' apwáxok énxet.

Salmos 37:23

Wesse' egegkok eyke apkeláneseyak chá'a ektémakxa apxega énxet, emyók chá'a m'a ekleklamókxa nak apwáxok;

Salmos 26:2

elano ko'o sektémakxa, ¡hékpelkoho! ¡elano ektémakxa nak élchetámeykha ewáxok, tén han ma'a kañók agko' nak ewáxok!

Salmos 11:5

Elanok chá'a Wesse' egegkok ma'a apkelpéwomo nak, tén han ma'a élmasagcha'a nak apkeltémakxa, etaqnawhok apagko' chá'a m'a apkelmopmenyého nak elyennaqtésha apyempe'ék.

Salmos 10:15

¡Elekkexches apaktegák ma'a élmasagcha'a nak apkeltémakxa! ¡Ellegássesagkoho eñama apkeltémakxa ekmaso, ekwokmoho eksawheyxkoho agko' ma'a apkeltémakxa ekmaso!

Salmos 17:3

Apya'ásegkok xép élchetámeykha ewáxok; axta'a chá'a hey'ótak hélanha; apkelányók xép sektémakxa ektémól'a kóllanok ektémakxa ektaqmalma kólwatnek ma'a sawo, meteyk xama enxoho ekmaso sektémakxa. Maxeyenmak ma'a aqsok megkapayhawo nak axének

Salmos 58:6

Dios ahagkok, ¡elekkexches apma'ák! Wesse', ¡elekkexches élyawakxa am'ák xa yámakméwa nak!

Salmos 10:18

Etaqmelchessásekxa ekheykha m'a élyéheykha nak, tén han ma'a kélnaqtawáseykegkoho nak: ¡kamaskok sa' aptekkesso élmeneymáxche m'a énxet apkeñama nak apkelánamap xapop!

Daniel 11:45

Yának sa' kólpekkenchessók appakxanma wesse' apwányam halep nak wátsam ekwányam, teyp nak egkexe ekpagkanamaxche Ektaqmalma. Sa' eyke yetsapwók ma'a, méko sa' han kapasmok.

Salmos 40:2

elekwákxeyk axta m'a máxek nétsapmakxa nak, etekkessek axta sekweywegko eykhe m'a yáma yelpa' nak. Énegkessákxeyk axta néten meteymog; etaqmelchessessekmek axta sekxega.

1 Samuel 2:9

Cha'a apkeláneykha chá'a apkelmahágkaxa enxoho m'a énxet'ák apagkok melyenyaweykha nak, elmassegwók eyke aqsa chá'a ekyáqtésakxa exma m'a élmasagcha'a nak apkeltémakxa, hakte méko kawagkasek teyp ma'a ektémakxa nak ekyennaqte.

Génesis 20:5

Abraham apagko' axta han ko'o séltennasso ektáha apyáxeg ma'a kelán'a, xénchek han ektáha yapma m'a, keñe ko'o sélana yetlo meyke ektamheykha ewáxok, malanak xama aqsok ekmaso enxoho.”

1 Reyes 8:32

yeyxho sa' xeyep ma'a aphakxa nak néten, elána sa' nahan; etnésses sa' ekpayhawo nak etnéssesek ma'a apkeláneykha. Eñássesagkoho sa' ma'a ektáha nak apsexnánémap, yána sa' kaphewakxak ma'a kéllegassáseykegkoho, eñama aptémakxa ekmaso, etnésses sa' han ekpayhawo nak kólteméssesek ma'a meyke nak aptémakxa.

Salmos 9:9

Eltaqmelcheshok chá'a Wesse' egegkok ma'a kélnaqtawáseykegkoho nak chá'a, eltaqmelcheshok chá'a ekwa'a enxoho ekyentaxno apheykha.

Salmos 18:21

hakte ekyetlamchek axta ko'o m'a Wesse' egegkok nak ámay apagkok; ¡mayenseykmok xama enxoho m'a Dios ahagkok!

Salmos 35:23

Etnemekxa néten, Dios Wesse' ahagkok, hepásegwata', ¡exatakha'! Hexén ko'o meyke sektémakxa.

Salmos 43:1

Oh Dios, hexén ko'o meyke sektémakxa; ¡hepásegwata' heyátegmakkasagkok se'e énxet'ák melya'áseyak nak xép! ¡Hewagkas teyp nepyeseksa énxet'ák apkelmopwancha'a amya'a, tén han élmasagcha'a nak apkeltémakxa,

Salmos 96:10

Kólteme sa' kólának pók aptémakxa énxet'ák se'e: “¡Wesse' egegkok apteme Wesse' apwányam!” Apyennaqtéssamók axta appekkenma nélwanmeygkaxa, yaqwayam enxoho megkayawheykha; aphéssamók han mók apkeltaqmelchesso m'a énxet'ák.

Salmos 96:13

nápaqtók Wesse' egegkok apxegakmo nak! ¡Naqso', apxegakmek yaqwayam etnehek wesse' apwányam keso náxop, elanha sa' énxet'ák keso nélwanmeygkaxa, yetlo ekpéwomo aptémakxa, tén han ekmámnaqsoho'.

Salmos 98:9

nápaqtók Wesse' egegkok, apxegakmo nak yaqwayam etnehek wesse' apwányam keso náxop. Elanha sa' apyókxoho énxet'ák keso nélwanmeygkaxa', yetlo ekpéwomo aptémakxa, meyke ekyeykhamaxche mók.