Salmos 7:6 - Biblia Enxet

⁶ ¡Wesse', yempekxa néten elwok! ¡Elenmexekxa m'a sélenmexma apkello nak! ¡Hepásegwata'! xép appekkenma axta appeywa hentaqmelchessásekxak negheykha

Salmos 7:6 Referans Kwoze

Salmos 44:23

¡Exatakha', Wesse'! ¿Yaqsa ektáha aptena nak? ¡Ná hegkexáwho apagko' aqsa!

Salmos 35:23

Etnemekxa néten, Dios Wesse' ahagkok, hepásegwata', ¡exatakha'! Hexén ko'o meyke sektémakxa.

Salmos 3:7

¡Wesse', yempekxa néten! ¡Dios ahagkok, hewagkas ko'o teyp! Xép sa' eltekpogkasseták nápaqta'a m'a énxet'ák sélenmexma nak ko'o; ¡xép sa' elekkexchesseták apma'ák ma'a énxet'ák élmasagcha'a nak apkeltémakxa!

Isaías 33:10

Aptáhak Wesse' egegkok se'e: “Alának sa' ko'o kaxwók aqsok; axekmósek sa' kaxwók ekyókxoho sekteme sekwányam ahagko' tén han sekteme seyeymáxkoho.

Salmos 138:7

Ekwet'ak agkok chá'a ko'o ekmaso sekha, megyohok chá'a watsapok; apmopwána chá'a emha, keñe hewagkasek chá'a teyp setaqnawaya enxoho m'a sélenmexma.

Salmos 44:26

¡Etnemekxa néten, hempásegwata', hẽlwagkasseta teyp, eñama ekyawe segásekhayo!

Isaías 51:9

Exatakha' Wesse' egegkok exatakha' yetlo apmopwána, emekxa apyennaqte; exatakha' aptéma axta m'a nentámen axta cham'a nanók agko' axta. Apkelyaqtenneykegkek axta exchep ma'a Rahab, cham'a yegmen askok ekyawe nak;

Isaías 37:20

Dios Wesse' egegkok, hẽlmallahanches negko'o neyseksa apmáheyo hẽlnápok ma'a asirios, yaqwayam sa' elya'asagkohok apyókxoho pók aptémakxa nak chá'a énxet'ák apheykha keso náxop, apteme exchep Wesse', wánxa xama Dios.”

Isaías 3:13

Apkelánekxeyk aptáhakxa Wesse' egegkok yaqwayam elyekpelkoho', appenchessek aptáhakxa yaqwayam elyekpelchásseshok ma'a énxet'ák apagkok.

Salmos 103:6

Elyekpelkohok chá'a Wesse' egegkok yetlo ekmámnaqsoho apkelánéseykekxa apheykha m'a kélnaqtawáseykegkoho nak chá'a.

Salmos 78:65

Apxatakha'ak axta eyke Wesse' egegkok, máxa axta aptáhak ma'a xama énxet apteyenmal'a exatakha', aptémól'a kempakhakma yáp exátekhágwók natámen éllágwayam eyaqhe vino,

Salmos 74:3

Etyánegwatámho s'e tegma appalleyam apxámokma apagko' nak; ¡apmassésseykmek ekyókxoho aqsok tegma appagkanamap ma'a nélenmexma nak!

Salmos 73:20

Wesse', apkempákxeyk sa' agko' xép néten, aptáha enxoho m'a aptémól'a xama énxet exatakhak kawanmaksek, yának sa' elmassegwók, tén han elwagqamakpok.

Salmos 59:5

Wesse', Dios ekha nak apyennaqte, Dios apagkok nak Israel, exatakha', ellegássesagkoho xa énxet'ák melya'áseyak nak xép; nágkalapyósho elanok xa élmasagcha'a nak apkeltémakxa, apkelsexnenagko nak chá'a apnámakkok.

Salmos 35:1

Wesse', elenmex énxet'ák sénmexeykha nak chá'a ko'o; ektamák ma'a sektámeyam nak chá'a ko'o.

Salmos 12:5

Aptáhak appeywa Wesse' egegkok se'e: “Kélnaqtawáseykegkók ma'a meyke nak aqsok apagkok, kéllegassáseykegkók ma'a apkelyelqamákpoho nak. Cháxa keñamak peya nak ko'o wampekxak néten, apasmok sa' ekhawo ektémakxa nak chá'a apkelmopmenyého.”

2 Samuel 17:14

Leyawók axta apwáxok Absalón tén han apyókxoho énxet'ák Israel yaqwánxa etnehek ma'a Husai, axta kaxnók ma'a yaqwánxa axta etnehek ma'a Ahitófel. (Nanók axta eyke apmáheyo metekkessesek Wesse' egegkok yaqweykenxa etnehek ma'a Ahitófel, ektaqmela axta eykhe, yaqwayam enxoho yahak aqsok ekmaso m'a Absalón.)

Salmos 143:3

Élyetleykha apmáheyo heyaqhek ma'a sélenmexma, épetchessegkek xapop; apkeltémok axnamok ma'a ekyáqtéssamakxa nak exma, ekhémók ko'o m'a apkeletsapma axta nano'.