Salmos 7:10 - Biblia Enxet

¹⁰ Cha'a semasma ko'o m'a Dios apha nak néten, apwagkassamo nak chá'a teyp ma'a énxet apkelyeheykekxoho nak chá'a.

Salmos 7:10 Referans Kwoze

Proverbios 28:18

Ewagkasakpok sa' teyp ma'a énxet meyke aptémakxa', aqsok ekmaso sa' eyke káhapwak ma'a énxet ekmaso nak aptémakxa'.

Salmos 125:4

Wesse', etaqmelches xép apteméssesakxa m'a énxet'ák meyke nak apkeltémakxa, megkalyexamaxkoho nak chá'a apkelwáxok;

Salmos 84:11

Hakte Dios Wesse' egegkok sẽlsássesso chá'a exma, tén han sẽlmasma; elásekhohok chá'a Wesse' egegkok ma'a apkeláneykegkoho nak chá'a aqsok ektaqmela, kataqmalmakha chá'a apwáxok epasmok, elmések chá'a aqsok éltaqmela.

Proverbios 11:20

Etaqnawhok Wesse' egegkok ma'a énxet ekmaso nak chá'a élchetámeykha apwáxok, kalkohok eyke apwáxok elanok ma'a énxet ektaqmalma nak chá'a apkeltémakxa'.

Génesis 15:1

Appaqhetchessek axta Wesse' egegkok Abram natámen xa, apwanmagko axta eyke, aptáhak axta apcháneya s'e: —Abram, nágyé aqsa, ko'o sekteme sekmasma exchep, awanhek sa' katnehek ekyaqmageykekxa aqsok yaqwayam exkak xép.

Proverbios 2:21

Hakte cham'a énxet'ák élpéwomo nak apkeltémakxa', tén han ma'a meyke nak ekmaso apkeltémakxa'; elweynchamha sa' makham keso náxop;

Salmos 112:2

Kóltaqmelchessesek sa' chá'a apheykha m'a aptawán'ák neptámen nak énxet meyke aptémakxa, apmelyeyha'ak sa' han etnahagkok keso náxop.

Salmos 89:18

¡Negáhakkásamaxche negko'o m'a Wesse' egegkok! ¡Wesse' apwányam egagkok ma'a Appagkanamap nak Israel!

Salmos 3:3

Wesse', xép eyke apteme seyáhakkásamáxche', xép segkésso m'a seyeymáxkoho nak, xép segkésso m'a sekwasqápeykekxoho nak.

Job 8:6

Aptemék sa' agkok xép eyáxñeyo aptémakxa tén han ekpéwomo, tén sa' elanha chá'a, keñe sa' egkeyásekxak makham ma'a apxagkok, ekpayhawo nak exkekxak eñama ekpéwomo aptémakxa.

1 Crónicas 28:9

Keñe sa' xép, hatte Salomón, ey'asagkoho sa' Dios apagkok nak apyáp, elána' sa' chá'a ekweykmoho kañók agko' apwáxok ma'a apkeltémókxa nak etnehek, tén han yetlo ekmáheyo apwáxok, hakte elanok chá'a Wesse' egegkok ma'a ektémakxa nak egwáxok, ékpelkohok han ma'a ektáhakxa enxoho chá'a ekmámenyého egwáxok, tén han élchetamso egwáxok. Apketamchek sa' agkok chá'a exchep ma'a, megkatnehek sa' chá'a méteyeykekxa'; apyenyókek sa' agkok xép ma'a, eyenyók sa' megkatnégwayam néxa m'a.

Jeremías 11:20

Wesse' ekha nak apyennaqte, xép akke apteme segyekpelchémo appéwomo; apya'ásegkók xép ekweykmoho kañók agko' elchetámeykha apwáxok énxet. Yána ko'o alanha yaqwánxa etnéssesek apkellegassáseykegkoho xa énxet'ák nak, hakte ekméssek ko'o exchep ma'a setnamakxa nak.

Jeremías 17:10

Ko'o sélányo chá'a apwáxok énxet, sektáha nak Wesse', tén han sekya'áseykegkoho chá'a m'a kañók agko' nak élchetámeykegkaxa apwáxok; tén han sekméssamól'a chá'a xama m'a ekpayhawo nak chá'a atnéssesek sellegassáseykegkoho, cham'a ektémakxa nak chá'a aqsok apkeláneyak.”