Salmos 7:1 - Biblia Enxet

^1-2 Dios Wesse' ahagkok, ekya'awekteyk ko'o exchep séltamho hetaqmelchesek; ¡hewagkas ko'o teyp nepyeseksa m'a apyókxoho sétleykha nak chá'a apmáheyo heyaqhek! ¡Hemallahanches, hakte máxa yámakméwa m'a; hetnéssesek katnehek nekha'a étkók, keñe méko hewagkasek teyp!

Salmos 7:1 Referans Kwoze

Salmos 31:15

Xép apmeykha sekyennaqte, ¡hewagkas teyp nepyeseksa sélenmexma señassáseykegkoho nak chá'a!

Habacuc 3:1

Keso apkelmaxnagko axta Habacuc, apteme axta Dios appeywa aplegasso.

Zacarías 14:5

keñe sa' kéxegke kólmahagkok kólenyahagkok xa ekyapwate nak, peya nak keytek neyseksa m'a egkexe, hakte kawakxohok sa' ma'a yókxexma Asal, cham'a mók nekha nak. Kólenyahagkok sa' kéxegke, ektéma axta apkenyaheykegko m'a kélyapmeyk nano' apcháya m'a xóp ekyawheykha, ekteyapma axta aptémakxa axta wesse' apwányam Ozías ma'a Judá. Keñe sa' éxyamok Dios Wesse' ahagkok yetlo apkelxegexma'a m'a apyókxoho apkelásenneykha apkelpagkanamap nak.

Daniel 9:4

Élmaxnakkek axta Dios Wesse' ahagkok, axta ektáhak séltennasa nentémakxa mólya'assáxma s'e: “Wesse' egegkok, Dios apyennaqte tén han meyke ekhémo, apkeláneyo nak chá'a m'a apxeyenma elána', apxekmóssamo nak chá'a apchásekhayo m'a ektáha nak chá'a apchásekhayo, tén han apkeláneykegkoho nak chá'a m'a apkeltémókxa etnahagkok:

Jeremías 31:18

Ekleg'ak ko'o Efraín énxet'ák apagkok aptáha apkelpaqméteyncha'a apkellekxagweyncha'a yetlo élyentaxnamo apkelwáxok se'e: ‘Negko'o axta nenteme neghémo weyke yágkelwána meyke kéltámésso, ẽltámeseykegkek eyke negko'o exchep; yána agyo'ókxak makham negko'o exchep, hakte xép apteme Wesse', Dios egagkok.

Jeremías 20:11

Wesse', sekxegexma eyke ko'o exchep, máxa m'a kempakhakma yáp apyennaqte meykel'a ekhémo; elpelapmok sa' ma'a énxet'ák sénmexeykha nak chá'a ko'o, mehexók sa', megkatyepek sa' apmakókxa etnahagkok, elmegqágwakxak sa', megkatnégwomek sa' néxa apkelxénamap ekmaso apkeltémakxa.

Jeremías 15:15

Wesse', xép apya'áseykegkoho nak ekyókxoho aqsok, ¡kaxénwakxoho apwáxok ko'o, hepásegwata'! ¡Heyaqmagkassásekxa ko'o mók setnéssessamakxa m'a énxet'ák setwáseykegkoho nak chá'a! Nágyoho aqsa ko'o heyaqhek xa énxet'ák nak, eñama m'a ektémakxa nak xép mepekhésamap; xeyep keñamak sélyamatcháseykencha'a chá'a.

Isaías 50:10

Kéxegke kéláyo nak chá'a Wesse' egegkok tén han kélháxenmo nak chá'a appeywa m'a apkeláneykha: kélxegkek agkok ekyáqtésakxaxma, meyke éltátchessesso m'a élseyéxma, kólteme kéláyo m'a Wesse' egegkok kólyepetchegwakxa m'a Dios kélagkok.

Salmos 89:26

Sa' etnehek heyának se'e: ‘Xép apteme táta; xép apteme Dios ahagkok, sewagkasso nak teyp, tén han setaqmelchesso.’

Salmos 43:4

Keñe sa' ammok ma'a ekwatnamáxchexa nak aqsok apagkok xép, Dios, sa' alteméssesek apcheymákpoho m'a, yetlo sekpáwasso arpa, hakte epeykessáseykekxók ahagko' ko'o exchep ewáxok Dios ahagkok.

Salmos 32:10

Xámok sa' katnehek apkellegeykegkoho m'a élmasagcha'a nak apkeltémakxa, kápok sa' eyke Wesse' egegkok apchásekhayo m'a aptáha nak chá'a mey'ásseyam.

Salmos 30:12

Dios Wesse' ahagkok, ¡cháxa keñamak peya nak anneykmássesek negmeneykmasso, tén han agkések chá'a ekxeyenma ewáxok, mowanchek awanma' aqsa!

Salmos 30:2

Dios Wesse' ahagkok, élmaxnakkek axta exchep séltamho hepasmok, tén setaqmelchessekmo han;

Salmos 26:1

Wesse', hexén ko'o meyke sektémakxa, hakte malaneyk ko'o xama aqsok ekmaso neyseksa sekweynchámeykha. Wesse', may'ásseykmok ahagko' ko'o exchep;

Salmos 18:28

Wesse' egegkok, xép sélsássesso chá'a exma; Dios ahagkok, xép sélsássesso exma m'a ekyáqtésakxa exma nak.

Salmos 18:2

Xép apteme setaqmelchesso, sekyexánegweykekxexa', semallahanchesso, Dios ahagkok, semasma apyennaqte, seyáhakkásamáxche', sewagkasso teyp apmopwána, xép apteme sekyexanmomakxa netno' agko'.

Salmos 13:5

May'ásseykmok ko'o m'a ektémakxa nak xép seyásekhayo, payhekxeyk nahan ewáxok, hakte ewagkassek ko'o teyp xép.

Salmos 13:3

Dios Wesse' ahagkok, ¡hélano, heyátegmowák, hewasqakkásekxoho, tén sa' meytnemek ma'a aphagweykemxa nak apkeletsapma!

Salmos 11:1

Ekye'eykekxeyk ko'o sekyexánegweykekxo m'a Wesse' egegkok. Kaqhok katnehek amya'a wánéxchek se'e: “Emhók exyenmok ma'a élámhakxa nak meteymog, ektémól'a náta.

Salmos 3:7

¡Wesse', yempekxa néten! ¡Dios ahagkok, hewagkas ko'o teyp! Xép sa' eltekpogkasseták nápaqta'a m'a énxet'ák sélenmexma nak ko'o; ¡xép sa' elekkexchesseták apma'ák ma'a énxet'ák élmasagcha'a nak apkeltémakxa!

Josué 14:8

Keñe m'a ektáha axta sélxegexma'a apkelyegwakkasa m'a énxet'ák, keñe ko'o, axta ayenseykmok aptémakxa axta seyánagkama m'a Dios Wesse' ahagkok.

Salmos 25:2

Dios ahagkok, may'ásseykmok ko'o exchep: nágyoho ko'o amegqáwhok ahagko', nágyoho hésmaksek sélenmexma.