Salmos 64:4 - Biblia Enxet

⁴ Elyátak chá'a énxet meyke nak apkeltémakxa m'a apkelyexanmomakxa nak, etlakkasek chá'a elyáta', meyke apkelegweykekxa'.

Salmos 64:4 Referans Kwoze

Salmos 55:19

Eñak sa' ko'o sekpeywa m'a Dios, apteme nak wesse' apwányam meyke néxa', keñe sa' etnessásekxak mékoho, hakte melyaqmagkasseykmok apkeltémakxa m'a, megyeyek nahan ma'a Dios.

Salmos 11:2

Kóllano énxet'ák élmasagcha'a nak apkeltémakxa: apkelmátchessegkek yágke apagkok apmáheyo elhaxtaqpog elyátak ma'a énxet'ák meyke nak apkeltémakxa, cham'a apkelyexanmomakxa nak.

Habacuc 3:14

Yágke apagkok xép apmakta'ak apchaqha m'a wesse' apagkok apketamokmo axta yátnáxeg apkelchánte apagkok yetlo éleymáxkoho apkelwáxok aptáha m'a ektémól'a éxchahayam ekyennaqte, peya eykhe emasséssók meyke amya'a m'a apmopyóseka nak, tén han yexpánchesek.

Salmos 64:7

Dios sa' eyke elyátak ma'a yágke apagkok, etlakkasek sa' elyensasagkok;

Nehemías 4:11

Apkeneykek negko'o magwetyehek apkelántaxna enxoho negyeseksa negko'o m'a sẽlenmexma nak yaqwayam hẽlnápok, tén han emágwók ma'a néltamheykha.

2 Samuel 15:14

Tén axta David aptáha apkeláneya m'a apkeláneykha, apheykha axta xamo' ma'a Jerusalén: —¡Ólxeganmok sa' se'e kaxwo' nak, hakte agkok antáhak xa, hẽlmok ma'a Absalón! ¡Nók, kólpekhesa, hẽltahanyekxa katnehek, keñe hennaqtawasagkoho', elnápok han apyókxoho énxet'ák apheykha nak se'e tegma apwányam, elyetxeygkok sókwenaqte!

1 Samuel 19:10

apyenha apmako elyetxák David épetchesek nápakha tegma, apkellexpakhássek axta eyke m'a David, keñe Saúl sawhéwa apagkok ekyaqxakwokmo nápakha tegma. Apxeganakmek axta apkenyaha David xa axta'a nak.

1 Samuel 18:11

Pelakkassek axta han apyenyawa sawhéwa apagkok Saúl peya elyetxák David épetchesek nápakha tegma, ánet apkellexpakhasso axta eyke aptáhak David ma'a Saúl sawhéwa apagkok.

Salmos 55:22

Egkés Wesse' egegkok ma'a aqsok ekyetnakhassamo nak apwáxok, sa' ewasqakkasek xép ma'a; megyohok chá'a eyaqnenek ma'a énxet apkelyeheykekxoho nak.

Salmos 57:5

Dios ahagkok, aphegkek xép ma'a teyp nak néten. ¡Sawheykekxók xép apcheymákpoho nélwanmeygkaxa!