Salmos 64:2 - Biblia Enxet

² Hekpós ko'o apmonye'e m'a élmasagcha'a nak apkeltémakxa, cham'a apkelyexamakpoho nak chá'a apkeláneykekxa apkelpaqmeyesma yaqwánxa hetnéssesek; hemallahanches ko'o élxeyenmakxa nak chá'a apkelwáxok hetnéssesek ma'a élmasagcha'a nak apkeltémakxa,

Salmos 64:2 Referans Kwoze

Salmos 143:9

Wesse', hewagkas ko'o teyp, neyseksa apmáheyo hemok sélenmexma, hakte ekye'eykekteyk ko'o exchep sektegyeykencha'a sekyexanmomakxa'.

Salmos 59:2

Hewagkas teyp nepyeseksa énxet'ák élmasagcha'a nak apkeltémakxa, nágyoho ko'o heyaqhek ma'a ekyetno nak chá'a apkelyógkexma',

Jeremías 11:19

Axta katnaháha ko'o ewáxok, máxa axta ektáhak ma'a nepkések kélyentameykekxal'a aptekyómakxa, meyke sekya'áseyak yaqwánxa hetnéssesek. Axta aptáhak chá'a apkelpaqmeta s'e: “Agyaqtennek kaxwók yámet yetlo ekyexna, ampátekkesek sa' se'e apheykegkaxa nak énxet'ák apkelyenna nak makham, yaqwayam sa' méko kaxwók kaxénwakxohok awáxok.”

Salmos 31:20

Aphakxa chá'a exnések megyohok etnéssessamhok exma m'a énxet'ák élmasagcha'a nak apkeltémakxa; kóneg aphakxa chá'a exnések etaqmelchesek yeksek apkelya'ásseyam ma'a apkelenmexma nak.

Salmos 27:5

Wa'ak sa' agkok ekhem ekmaso, hekpósek sa' Wesse' egegkok ma'a kañe' nak tegma appagkanamap apagkok, hexnések sa' hetaqmelchesek ma'a kóneg nak. ¡Hewagkasek sa' teyp hexnéssók ma'a netnók agko' nak meteymog!

Jeremías 18:23

Wesse', apya'ásegkók eyke exchep ekyókxoho aqsok élxeyenma nak apkelwáxok elanagkok, apmáheyo ko'o heyaqhek. ¡Eyaqmagkásekxa m'a aqsok ekmaso apkeláneyak nak, nágkalwánaqma m'a melya'assáxma nak! ¡Elyaqnegkesák ma'a apmonye' nak xép, ellegássesagkoho yetlo aplo!

Salmos 56:6

Elyexanmaha chá'a hélanha sekmahágkaxa enxoho, eleyxek chá'a kataqmelekxak sete, yaqwayam heyaqhek.

Salmos 3:1

Wesse', apxámok apagko' ko'o sélenmexma, apxámok apagko' ma'a sénmexeykha nak ko'o,

Isaías 32:2

Máxa sa' etnehek chá'a xama m'a negyexánegkesseykekxexal'a éxchahayam, segmasmal'a kawak ma'a éxchahayam ekyennaqte agko', máxa sa' etnahagkok ma'a ektémól'a yegmen atamnek ényél'a m'a neyseksa ekyamáyekxa nak xapop, máxa sa' etnahagkok ma'a ektémól'a meteymog ekyawe agko' pessesse agkok émha m'a meykexa nak énxet.

Salmos 2:2

Apyepetchákxeyk pók kelwesse'e apkelwányam tén han apkelámha apmonye'e nak keso náxop, apkelánegkokxeyk aptamhágkaxa apkenmexa m'a Wesse' egegkok, yetlo m'a wesse' apwányam ektáha axta apkelyéseykha Wesse' egegkok.

Génesis 4:6

Keñe axta Wesse' egegkok aptáha apcháneya s'e: “¿Yaqsa ektáha aplawa nak? ¿Yaqsa ektáha eklawa nak nápat?

Jeremías 18:19

¡Wesse', heyeyxho hana! ¡Yeyxho aptáhakxa nak apkelpeywa m'a sélenmexma!