Salmos 6:6 - Biblia Enxet

⁶ Eyélaqtéssek ko'o m'a sélekxagweykha. Yókxoho axta'a sélekxagweykha, yássessegkek ahaqta'ák égmen'ák ma'a sekteyáyam nak.

Salmos 6:6 Referans Kwoze

Salmos 69:3

Wagqakmek eyespok ekpayheykha ahátog; chássek eyespok; ¡kelyampa'ak ahaqta'ák séltémo ótak exegmak Dios!

Salmos 42:3

Yókxoho ekhem ko'o sélekxagweykha tén han yókxoho axta'a, yókxoho ekhem kélteme sélmaxneyeykha s'e: “¿Háxko aphakxa Dios apagkok?”

Salmos 38:9

Wesse', apya'ásegkok xép ekyókxoho aqsok sekmámenyého, ¡megkaxyánegkessók ektémakxa seyápentegeykha!

Lamentaciones 2:11

Kelyélaqtéssek ahaqta'ák sekwóno, eklegágkok ekyentaxno agko' ewáxok; yelqáxcheyk ewáxok sekwet'a kélmasséssekmo tegma apwányam apagkok nak énxet'ák ahagkok, tén han sekwet'a apkeletsapa meyk ámay ma'a sakcha'a ekweykekxoho m'a melyamasma nak neme.

Lamentaciones 1:16

Cháxa sélekxágkassama nak chá'a ko'o xa aqsok nak. Kelpexyawáseykenteyk ahaqtek égmenek, hakte méko xama enxoho yaqwayam hetaqmelchessásekxak ewáxok, méko xama enxoho yaqwayam hewasqakkásekxoho. Heykha étchek ma'a nepyeseksa nak tegma appalleyam, hakte maghawok negko'o m'a nélenmexma, apmelyeyha'e.

Lamentaciones 1:2

Yókxoho axta'a élekxagweykha; kelsekkenmék aqtek égmenek ma'a amáxempenák. Méko xama enxoho yaqwayam epeykessásekxak awáxok ma'a apyókxoho éláneykxa nak chá'a. Apkenmexeykekxeyk ma'a apyókxoho námakkok; élenmexma aptamheykekxa'.

Job 16:20

apmopwána nak exének nápaqtók Dios ma'a ektémakxa élchetámeykha ewáxok, yaqwayam enxoho étak ektémakxa sélekxagweykha m'a;

Job 7:3

Yókxoho pelten eyaqhémo sekweynchámeykha, yókxoho axta'a eklegeykegkoho ewáxok.

Jeremías 14:17

Etne sa' nahan elának énxet'ák se'e: “Kalpexyewenták sa' ahaqta'ák égmen'ák yókxoho ekhem tén han yókxoho axta'a, meyke néxa, eñama ekmaso agko' ektamhágkaxa m'a énxet'ák ahagkok, eñama élyawe agko' ma'a apkelyense.

Salmos 88:9

Máxa meyke ahaqta'ák ektemék eñama sélekxagweykha. Wesse', yókxoho ekhem ko'o exchep sekwóneykha, xép chá'a élya'ássessók néten emék.

Salmos 39:12

“Wesse', yeyxho sélmaxnagko, ¡etaqmelchesho apháxenmo sélekxagweykha! ¡ná ewanma aqsa elanok ahaqta'ák égmen'ák nak! Ko'o sekteme sekwe yaqwatakxoho nápaqto' xép, ektémól'a m'a náta ekwél'a yaqwatakxoho, ektéma axta m'a ẽlyapmeyk nano'.

Job 10:1

¡Éleklágwokmek sekweynchámeykha! Altennaksek sa' ektémakxa aqsok megkaleklo ewáxok, mamágwakxeyk sa' axénmakha eklo ewáxok.

Salmos 30:10

Wesse', heyeyxho ko'o, kapyósho hélano'; Wesse', ¡hepásem!

Salmos 88:11

¿Kaxénaxkohoya chá'a ektémakxa mehegyenyaweykha m'a takhaxpop nak, tén han ektémakxa segásekhayo m'a apkelmaheykegkaxa nak apkeletsapma?

Salmos 115:17

Mopwanchek elpeykeshok Wesse' egegkok ma'a apkelmahéyak nak élwóneykegkaxa exma, cham'a apkeletsapma nak;

Isaías 38:18

Mopwanchek xép elpeykeshok ma'a aphagwayam nak kañe' takhaxpop, mopwanchek elteméssesek apcheymákpoho m'a apkeletsapma nak, mopwanchek elhaxnagkok ektémakxa nak xép mehegyenyaweykha m'a aphagwayam nak kañe' máxek.