Salmos 6:1 - Biblia Enxet

¹ Wesse', náhetaqnow aqsa ko'o aplawa enxoho, ná heñássesagkoho aqsa ko'o setaqnawaya enxoho.

Salmos 6:1 Referans Kwoze

Salmos 38:1

Wesse', ná hepaqhetches aqsa ko'o ekyennaqte eñama setaqnagko, ná heñássesagkoho aqsa ko'o aplawa enxoho.

Jeremías 46:28

Ektáhak ko'o sekpeywa s'e, sektáha nak Wesse': Jacob énxet'ák apagkok, apteme nak séláneykha, nágkóle, hakte ekheyk ko'o xamók kéxegke. Amasséssók sa' ko'o ekyókxoho apkelókxa, cham'a sélya'assamakxa axta chá'a ko'o kéxegke séxpánchessama. Keñe sa' kéxegke mamassésseme'; allegássesagkohok sa' aqsa ekpayhawo nak atnéssesek séllegassáseykegkoho: megkatnehek sa' mallegassáseykegkoho kéxegke.”

Salmos 118:18

Eñássáseykegkók ekyentaxno agko' Wesse' egegkok, makke yahayók watsapok.

Jeremías 10:24

Hẽllegássesagkoho sa' negko'o, yetlo ekpéwomo senteméssesakxa, háwe sa' yetlo aplo, hakte hegmasséssók katnehek.

Isaías 57:16

Malxénchásekxók sa' chá'a ko'o kaxwók apkeltémakxa m'a énxet'ák ahagkok maltaqnaweygkek sa' nahan chá'a yókxoho ekhem; hakte elyelqakpok katnehek nahaqtók ko'o m'a énxet'ák ektáha axta sélane.

1 Crónicas 15:21

keñe m'a Matatías, Elifelehu, Mecneías, Obed-edom, Jeiel tén han Azazías, axta ektáha kélyéseykha apkelpáwasso chá'a m'a arpas náxap'awo nak apkelpáwá, ektémól'a chá'a elpáwaksek ma'a siminitas, yaqwayam exegkesek ma'a kélmeneykmasso nak.

Isaías 54:9

“Ektáhak ko'o kaxwók sekxéna exche' peya mataqnókehe' tén han maxének kaxwók añássesagkoho', sektémakxa axta seyanagkama m'a Noé séltémo axta megkápekxók chá'a kaxwók yegmen ekyawe keso náxop, cham'a natámen axta eyapma yegmen ekyawe.

Salmos 4:1

Dios, apteme nak chá'a ko'o semasma, ¡heyátegmowák sa' ko'o sekwóneyncha'a enxoho! Xeyep axta setaqmelchessáseykekxa ewáxok, cham'a ekwa'a axta eklegeykegkoho ewáxok, ¡Yepyósho ko'o hélano', yeyxho sélmaxnagko!

Salmos 12:1

Wesse', hẽlwagkas negko'o teyp, hakte méko aptáhak ma'a énxet'ák apteme nak melya'ásseyam meyenyaweykha nak xép; méko han aptáhak ma'a ekpéwomo nak apkeltémakxa.

Salmos 2:5

keñe apkeltaqnaweygko apkelyegwakkasa, aplókók apagko' aptáha apkeláneya s'e:

1 Crónicas 15:20

Zacarías, Aziel, Semiramot, Jehiel, Uní, Eliab, Maaseías tén han Benaías, cháxa ektáha axta apkelpáwasso chá'a m'a yát'axpog ektáhakxa nak netna'awók apkelpáwá, ektémól'a chá'a elpáwaksek ma'a elamitas,