Salmos 57:2 - Biblia Enxet

² Awónmakha sa' ko'o m'a Dios meyke nak ekhémo, cham'a Dios sepasmo nak chá'a ekyókxoho setnamakxa.

Salmos 57:2 Referans Kwoze

Salmos 138:8

¡Elának sa' Wesse' egegkok ekxeyenmakxa axta apwáxok hetnéssesek! Wesse', megkamassegwomek xép segásekhayo; ¡ná eyensem aqsa mepenchesso m'a aqsok apkelane axta!

Isaías 26:12

Wesse', egméssegkek xép ektaqmalma negheykha; naqsók xép apkelane chá'a ekyókxoho m'a aqsok nenlanakxa enxoho chá'a.

Isaías 57:15

Hakte aptáhak appeywa Meyke nak Ekhémo s'e, memassegwayam nak apwesey nak aptaqmalma: “Ekhegkek ko'o m'a netno' nak, ekpagkanamaxchexa nak, ekhegkek eyke nahan nepyeseksa m'a énxet'ák apkelyelqamákpoho nak tén han ma'a apkellegeykegkoho nak ekyentaxno apkelwáxok, yaqwayam enxoho alwasqakkásekxohok chá'a tén han agkeyásekxak chá'a apkelyennaqte.

Salmos 56:2

Yókxoho ekhem ko'o sénmexeykha m'a sélenmexma nak; apxámok apagko' ma'a énxet'ák sektámeykenta nak chá'a ko'o, yetlo éleymáxkoho apkelwáxok.

Salmos 17:8

Hetaqmelches, ektéma nak apkeltaqmelchessama m'a apaqta'ák, hexnés kóneg apxempenák,

Salmos 41:5

Aqsok ekmaso aqsa apkeltémok heyáhapwak ma'a sélenmexma nak, etnehek chá'a apkelpeywa s'e: “¿Yaqsa sa' kexa ekhem yetsapok, tén han kamassegwók apxénamap?”

Salmos 143:9

Wesse', hewagkas ko'o teyp, neyseksa apmáheyo hemok sélenmexma, hakte ekye'eykekteyk ko'o exchep sektegyeykencha'a sekyexanmomakxa'.

Isaías 26:20

Kólxeg, énxet'ák ahagkok, kólántex kañe' kélxanák kólápekxa sa' atña'ák kélagkok. Kólyexánem sekxók yaqwatakxoho, ekwokmoho ekyeyk'a m'a Wesse' egegkok aplo.