Salmos 51:3 - Biblia Enxet

³ Ekya'ásegkók ko'o sekteme ekmaso sektémakxa; megkamassegweykmok ekxéneykha ewáxok may'assáxma.

Salmos 51:3 Referans Kwoze

Isaías 59:12

Xámók agko' negko'o nenmexeykha exchep, mólya'assáxma egagkok egagko' nahan ẽlsexnáneyákxa'; yetnegkek negyeseksa m'a aqsok magaqhémo, negya'ásegkók nahan ma'a aqsok ekmaso nenlánéyak.

Proverbios 28:13

Asagkek katnehek apha m'a énxet appósso nak chá'a mey'assáxma; yásekhekxohok eyke chá'a Dios ma'a énxet apkeltennasso nak chá'a aptémakxa, tén han apyenyeykekxa nak chá'a.

Salmos 38:18

¡Axének sa' ko'o may'assáxma, hakte tawáseykha élchetamso ewáxok!

Salmos 32:5

Éltennássek axta eyke ko'o exchep may'assáxma meyke seyáyam xama enxoho, tén han sektémakxa ekmaso; xénchek axta ko'o ewáxok altennaksek may'assáxma, keñe axta exchep, Wesse', meyaqmagkásekxo.

Jeremías 3:25

Ólháxahagkok hana nélmegqakto, yetlo nélyeykhásamáxkoho egagko' nélmegqágweykekxa', hakte nentémakxa sakcha'a axta negko'o negeynamo nenlánéyak mólya'assáxma nenmexeykekxo m'a Dios Wesse' egagkok, tén han mólyeheykekxa, ekwokmoho s'e kaxwo nak, weykekxók axta nahan ma'a ẽlyapmeyk nanók axta.”

Salmos 40:12

Xámok agko' seyáhapwe aqsok ekmaso, mowanchek axének ekwánxa. Eyápeykekxeyk ma'a sektémakxa ekmaso ahagko' nak; ¡massegkek sekwetéxma! Xámok agko' may'assáxma, yeykhágweykmók ma'a ekweykenxal'a ekxámokma éwa', ekyelqamáxcheyk nahan.

Job 33:27

Sa' etnehek se'e: “Éláneyak ko'o may'assáxma, éláneyak han ma'a megkapayhawo nak antéhek, makke emáheyók heñássesagkohok ma'a Dios;

Nehemías 9:2

apkelántekkek axta nepyeseksa m'a megkatnaha nak appeywomo xamo', apkelchampákxeyk axta néten, apkelxénchek axta ektémakxa melya'assáxma, tén han ma'a ektémakxa axta melya'assáxma m'a apyapmeyk nano'.

Salmos 41:5

Aqsok ekmaso aqsa apkeltémok heyáhapwak ma'a sélenmexma nak, etnehek chá'a apkelpeywa s'e: “¿Yaqsa sa' kexa ekhem yetsapok, tén han kamassegwók apxénamap?”

Isaías 43:25

“Ekmasséssek eyke aqsa ko'o m'a aqsok ekmaso nak apkelane eñama sekteme Dios apagkok, megkaxénwakxók sa' chá'a ewáxok ma'a mey'assáxma nak.