Salmos 5:5 - Biblia Enxet

⁵ megyohok han exmakha aphakxa m'a éleymáxkoho nak apkelwáxok. Eltaqnaweygkohok chá'a m'a énxet'ák élmasagcha'a nak apkeltémakxa,

Salmos 5:5 Referans Kwoze

Salmos 11:5

Elanok chá'a Wesse' egegkok ma'a apkelpéwomo nak, tén han ma'a élmasagcha'a nak apkeltémakxa, etaqnawhok apagko' chá'a m'a apkelmopmenyého nak elyennaqtésha apyempe'ék.

Oseas 9:15

Aptáhak Wesse' egegkok se'e: “Apkeláneykegkek axta ekyókxoho aqsok ekmaso m'a Guilgal, cha'a seyeynamókxa axta ko'o séltaqnawéyak ma'a. Alántekkesek sa' ko'o exagkok, eñama ekmaso m'a aqsok apkeláneyak; malásekheyk sa' chá'a kaxwo', hakte kalyeyha'ak apkelwáxok ma'a apyókxoho apkelámha apmonye'e apagkok nak.

Salmos 1:5

Cháxa keñamak peya nak káhapwaták Dios sẽlyekpelchássessamo m'a énxet'ák élmasagcha'a nak apkeltémakxa, mexmakha sa' nahan ma'a yaqwánxa nak exmakha énxet'ák apkelpéwomo.

Levítico 20:23

Nágkólteme apkeltémakxa nak chá'a m'a énxet'ák peya nak ko'o alántekkesek kélmonye'e kéxegke; apkeláneykegkek chá'a xa ekyókxoho aqsok nak, cháxa keñamak séleklágweykmo nak ko'o.

Proverbios 1:7

Néltamhók agkok antéhek negya'áseykegkoho aqsok, kéméxcheyk sekxók antéhek negáyo Wesse' egegkok; elwanyaha eyke chá'a énxet élyeyháxma xa ektémakxa nak negya'áseykegkoho aqsok, tén han ma'a ektémakxa nak chá'a sẽlpékessáseyak.

Habacuc 1:13

Mopwanchek xép yohok aqsa katyapok aqsok ekmaso, hakte cháxña'awók aptémakxa, mopwanchek elanok yetlo ekleklamo apwáxok ma'a aqsok élmasagcha'a, ¿yaqsa ektéma exchep apwanmeyeykencha'a nak aqsa apkeláneykencha'a m'a énxet'ák apkelánéyak nak chá'a aqsok ekmaso agko'? ¿yaqsa ektéma apwanmeyeykencha'a nak apkeláneykencha'a m'a énxet'ák élmasagcha'a nak apkeltémakxa apmassésseykmo m'a énxet'ák megkaxnawo nak apkeltémakxa?

Proverbios 8:5

Kéxegke wokma'ák, meyke nak kélya'áseyak aqsok tén han ma'a élyeyháxma nak, ¡kóltámesaxche kélteme ekha ekxeyenma kélwáxok tén han kélya'áseykegkoho aqsok!

Zacarías 11:8

Élántekkessek axta nahan apqántánxo keláneykha nepkések xama pelten, séleklágwayam axta ko'o apkeltémakxa tén han setaqnagko axta ko'o.

Eclesiastés 5:4

Apxénchek agkok elanaksek aqsok Dios, elanés ekmanyehe, hakte etaqnawhok chá'a Dios ma'a énxet ekyeyháxma nak. Elána m'a aqsok apxeyenma nak elána',

Proverbios 1:22

“Wokma'ák megkólya'áseyak nak aqsok, megkólésso nak kóllektegmaha, tén han élyeyháxma nak. ¡Kólwátésák hana kéltémakxa kélteme meyke kélya'áseyak aqsok! ¡Kólwátésák ekmátsa nak kélya'ásseyam, nágkóltaqnow ma'a negya'áseyak nak!

Salmos 75:4

Ektáhak ko'o séláneya m'a apkelásennamap nak chá'a: “Nágkólxénmakha kéltémakxa” keñe sektáha séláneya m'a élmasagcha'a nak apkeltémakxa: “nágkóleyxkoho;

Salmos 130:3

Wesse', apkelyetsátegkek agkok xép nentémakxa mólya'assáxma, ¡méko awanchek kagketaxche'!

Salmos 94:8

¡Énxet'ák élyeyháxma, kólya'asagkoho sa'! ¿Háxko ekwánxa kólya'ásegwók?

Salmos 92:6

¡Wánxa aqsa melya'asagkehek ma'a élyeyháxma nak!

Salmos 14:1

Yának chá'a méko Dios ma'a énxet'ák élyeyháxma nak: apyókxoho chá'a enaqtawasakpok, apkeláneykegkek ma'a nentémakxa ekmaso agko' nak, ¡méko xama enxoho apkelane ektaqmalma aptémakxa!

Salmos 73:3

Hakte nathayak ewáxok sélányo ektémakxa ektaqmalma apheykha m'a apkeleykmákpoho nak, tén han ma'a élmasagcha'a nak apkeltémakxa.

Salmos 10:3

Kaltaqmalmakha chá'a apkelpeywa elxénmakha élmámenyého apkelwáxok ma'a élmasagcha'a nak apkeltémakxa; elwanyaha eyke chá'a Wesse' egegkok ma'a apkelmopmenyého nak exámasagkok aqsok apagkok, exénmakha chá'a ekmaso.

Proverbios 15:9

Etaqnawhok Wesse' egegkok apkeltémakxa nak ma'a énxet'ák élmasagcha'a nak apkeltémakxa', yásekhohok eyke m'a énxet apkelane nak ekpéwomo aptémakxa'.