Salmos 5:11 - Biblia Enxet

¹¹ Kalpayhekxak sa' eyke apkelwáxok ma'a énxet'ák apkelchetamso nak ektémakxa exchep sentaqmelchesso; elmeneykmaksek sa' chá'a yetlo apkelsawassamo, hakte apkelmasmeyk xép. Kalpayhekxak chá'a apkelwáxok eñama exchep ma'a ektáha nak chá'a apchásekhayo,

Salmos 5:11 Referans Kwoze

Salmos 68:3

Kalpayhekxak eyke chá'a apkelwáxok ma'a ektaqmalma nak apkeltémakxa; kalpayhekxohok agko' chá'a apkelwáxok nápaqto' Dios, ¡elnextegmakha chá'a néten elátsaha!

Salmos 40:16

Keñe sa' kalpayhekxak apkelwáxok apyókxoho m'a ektáha nak chá'a apkelye'eykekxa exchep. Sa' etnehek chá'a elpaqmétek apyókxoho apkelmopmenyého nak chá'a negwagkásamáxche teyp apagkok: “¡Apwányam apagko' Wesse' egegkok!”

Zacarías 9:9

¡Kapayhekxoho agko' apwáxok xép, tegma apwányam Sión! ¡Enneykmés kapayhekxak apwáxok, xép tegma apwányam Jerusalén! Apya'aweykteyk xép, Wesse' apwányam apagkok Wesse' appéwomo, tén han segwagkassamo teyp, háwe eyke eyeymáxkoho apwáxok, yámelyeheykok apchánte, yámelyeheykok étkok.

Salmos 65:13

kasawhekxohok chá'a élleykha kélnaqtósso m'a xóp ekpayhegwayam nak, esawhekxohok chá'a hótáhap kélcheneykekxa m'a élyapwátegweykenxa nak xapop, ¡kalmeneykmaksek chá'a ekyókxoho, kalwehesha chá'a kalátsaha!

Salmos 35:27

Eyke yána kalpayhekxak apkelwáxok tén han elwehesha elátsaha m'a apkeltémo axta ko'o axénaxchek meyke sektémakxa; sa' etnehek chá'a elpaqmétek se'e: “¡Apwányam apagko' Wesse' egegkok, kalkohok chá'a apwáxok kataqmelhok apha m'a apkeláneykha nak!”

Salmos 58:10

Kalpayhekxak sa' apkelwáxok kélyaqmagkassásekxo enxoho kélteméssessamakxa m'a apkelpéwomo nak; ¡elyássesek sa' apmagkok éma apagkok ma'a élmasagcha'a nak apkeltémakxa!

Job 38:7

neyseksa apkelmeneykmasso yaw'a apkelánteyapmól'a axto'o, neyseksa élpayheykekxa apkelwáxok yetlo apkelwónchesso m'a sélásenneykha apheykha nak néten?

Jueces 5:31

“¡Wesse', sa' kóltéhek kólmasséssók apyókxoho apkelenmexma xa, elyenmok sa' ma'a apchásekhayo nak chá'a, ektémól'a ekhem kalsaksek exma kaltátchesek!” Keñe axta ektéma meyke ektáhakxa apheykha énxet'ák natámen xa, ekweykmoho cuarenta apyeyam.