Salmos 49:3 - Biblia Enxet

³ Apaqmétek sa' ko'o yetlo sekya'áseyak, kapéwhok sa' han ektáhakxa élchetamso ewáxok;

Salmos 49:3 Referans Kwoze

Salmos 19:14

Oh Wesse', apteme nak sekyexanmo, tén han sewagkasso teyp, ema sa' yetlo ektaqmeleykha apwáxok sekpeywa tén han élchetámeykha ewáxok.

Proverbios 22:17

Etaqmelchesho apháxenmo ekyókxoho aqsok apkelxeyenma nak ma'a apkelya'áseykegkoho nak aqsok; epekken apwáxok ma'a ektáhakxa enxoho sélxekmósso.

Salmos 45:1

Lanawók ko'o ewáxok amya'a ekmátsa; hawók ahaxkok ma'a táxésso apmeykencha'awól'a m'a apmopwána nak etaxaksek. ¡Alyetsetchesek sa' ko'o amya'a ekmátsa ahagkok nápaqtók wesse' apwányam!

Salmos 37:30

Yetlo apkelya'áseyak chá'a elpaqmétek ma'a énxet'ák éltaqmalma nak apkeltémakxa; yetlo ekmámnaqso' han chá'a etnehek apkelpeywa m'a.

Salmos 119:130

Hẽlsássesek chá'a exma sẽltennáseyncha'a enxoho chá'a m'a appeywa, kaltamaksek chá'a m'a énxet'ák meyke nak apkelya'áseyak.

Job 33:33

sa' agkok kapayhawo', ewanma sa' aqsa yeyxhok sekpeywa, alxekmósek sa' ko'o exchep nentémakxa negya'áseyak aqsok.

Job 33:3

apaqmétek sa' ko'o meyke sekyexamaxkoho, apékeshok sa' sekxeyenma ektáhakxa élchetamso ewáxok.

Deuteronomio 32:2

“Máxa ekmámeye sa' katnehek kapallenták ma'a nélxekmowásamáxche ahagkok, máxa yálye sa' katnehek ma'a sekpeywa, ektémól'a chawówa kapálwaták ma'a pa'at, ektémól'a kapálwaták yegmen ma'a pa'at ekpayhe.

Salmos 104:34

Émenyeyk ko'o kapeykessásekxak apwáxok Wesse' egegkok ma'a ektémakxa nak chá'a élchetámeykha ewáxok, hakte wánxa chá'a ko'o segkésso ekpayheykekxa ewáxok ma'a.

Salmos 4:3

Kólya'asagkoho sa' kéxegke, wánxa aqsa apmenyeyk Wesse' egegkok ma'a énxet apteme nak chá'a meyenyaweykha; kólya'asagkoho sa' kéxegke, heyeyxhok chá'a ko'o Wesse' egegkok ma'a sekwóneyncha'a enxoho chá'a.