Salmos 48:9 - Biblia Enxet

⁹ Oh Dios, kaxének chá'a negko'o egwáxok ekyawe segásekhayo m'a kañe' nak tegma appagkanamap apagkok.

Salmos 48:9 Referans Kwoze

Salmos 26:3

Mehelwánaqmágweykmok ko'o m'a segásekhayo nak, mayenseykmok han xép;

Salmos 40:10

Mawanmagkok aqsa ko'o, eklegassegkek ma'a ektémakxa nak xép ekpéwomo aptémakxa; ekxeyenmeyk ma'a ektémakxa nak xép mehenyenyaweykha, tén han segwagkasso teyp. Makpóssók xama enxoho ektémakxa segásekhayo, tén han ekmámnaqsoho mehegyenyaweykha, nápaqta'awók ma'a énxet'ák apagkok apxámokma nak.

Cantares 1:4

¡Héntemekxa heykxe kaxwo'! ¡Wesse' apwányam, héntemekxa kañe' apxagkok! Kalpayhekxak sa' egwáxok yetlo exchep; kalxénwakxohok sa' egwáxok ekyeykhágweykmoho ektémakxa vino m'a ektémakxa nak chá'a seyásekhayo. ¡Neyke temék ekmámenyého nak chá'a m'a kelán'ák!

Salmos 104:34

Émenyeyk ko'o kapeykessásekxak apwáxok Wesse' egegkok ma'a ektémakxa nak chá'a élchetámeykha ewáxok, hakte wánxa chá'a ko'o segkésso ekpayheykekxa ewáxok ma'a.

Isaías 26:8

Wesse', negyekpelchémók negko'óxa ektaqmalma nélxega m'a ámay senxekmóssamakxa nak ma'a segánamakxa apagkok. Egmenyeyk chá'a negko'o exchep kaxének egwáxok.

1 Reyes 10:6

tén axta ektáha eyáneya wesse' apwányam se'e: “Naqso' neyke agkok seklegaya nak chá'a ko'o seyókxa, ektémakxa apkelane aqsok, tén han apya'áseykegkoho;

1 Reyes 10:7

may'ássemek kaxwók se'e sekwa'a nak, hakte ekwet'ak kaxwók ahaqta'ák ahagko'. Axta héltennáseykha ko'o ekyókxoho, yeykhágweykmo neykekhe ekxámokma aqsok apagkok tén han apya'áseyak aqsok, megkaxnawok ma'a ektémakxa axta chá'a seklege amya'a.

Salmos 87:5

Sa' katnehek amya'a exénakpok tegma apwányam Sión se'e: “Apyókxoho énxet apkeleñamakxa s'e.” Dios Meyke Ekhémo apagko' appekkenma m'a.

Jeremías 31:40

Hélpagkanchesek sa' ko'o ekyókxoho m'a ekyapwátegweykenxa xapop, kélátawanyamakxa nak chá'a apkeletsapma, kélchexakhamakxa nak han chá'a m'a táhap, tén han ma'a ekyókxoho yókxexma ekheykegko nak ma'a ényahamakxa nak yegmen Cedrón, ekweykekxoho m'a máséyak ekwesey nak Átog Yátnáxeg, ekpayho nak teyapmakxa ekhem, megkólyaqnegkesagkek sa' chá'a kaxwók xama enxoho xa ekyókxoho nak, megkólmasséssemek sa' nahan.”