Salmos 48:3 - Biblia Enxet

³ Apheyk Dios ma'a tegma apkelyawe nak Jerusalén; Apkeltennásamákpek Dios apteme negyexanmomakxa meyke ektáhakxa negha.

Salmos 48:3 Referans Kwoze

Salmos 125:1

Megkólwanchek kóltaqhesha m'a apcháyo nak chá'a Wesse' egegkok; aphawók ma'a egkexe Sión, émha nak chá'a meyke néxa'.

Salmos 46:7

¡Apheyk negyeseksa negko'o Wesse' ekha nak apyennaqte! ¡Cha'a apteme sentaqmelchesso negko'o m'a Jacob Dios apagkok nak!

2 Crónicas 12:7

Xama axta apwet'a Wesse' egegkok élnapa apkelwáxok apkeláneykegko melya'assáxma m'a énxet'ák nak, aptáhak axta apcháneya m'a Semaías: “Mamasséssemek sa' eñama élnapma apkelwáxok apkeláneyak melya'assáxma, kaxwók sa' almallahanchesek ekmaso apheykha, magwásenneykxeyk sa' Sisac yaqwayam ayenyenták seklo m'a Jerusalén;

2 Samuel 5:7

Apmeyk axta eyke David xa tegma apyennaqte nak Sión, cham'a apkeltamhomakpexa nak kaxwók David Tegma Apyawe apagkok.

Salmos 50:2

Kelyenmeyk Dios élseyéxma apagkok ma'a ekpayho nak Sión, tegma apwányam aptaqmalma meyke ekhémo.

Salmos 135:21

¡Kataqmalmakha sa' chá'a apxénamap Wesse' egegkok ma'a Sión, cham'a aphama nak Jerusalén! ¡Aleluya!

Cantares 6:4

Tásók agkók xeye' sekpagkanma, máxa m'a tegma apkelyawe nak Tirsá kalkohok egwáxok anlano', máxa m'a tegma apwányam Jerusalén; katyamok egwáxok agweta', máxa m'a sẽlpextétamo apkelxegál'a.

Lamentaciones 2:15

Eltekpogmakha chá'a apmék yesmaksek elwetak ma'a apkelyeykhágwayam nak chá'a; elmóheykha chá'a elyeykesha apqatkok ey'ássók, etnehek chá'a elxének ma'a Jerusalén ektaqmalma nak: “Keyaxa ekxénamaxko nak chá'a ektaqmalma agko' keso náxop, élpeykessáseykekxoho nak chá'a apkelwáxok énxet'ák”.