Salmos 48:2 - Biblia Enxet

² ¡Tásók agko' nak la'a m'a egkexe netno' nak Sión, cham'a ekpayho nak nexcheyha! ¡Cha'a élpeykessáseykekxa chá'a apwáxok apyókxoho énxet'ák apheykha nak keso náxop! Wesse' apwányam tegma apwányam apagkok ma'a.

Salmos 48:2 Referans Kwoze

Salmos 50:2

Kelyenmeyk Dios élseyéxma apagkok ma'a ekpayho nak Sión, tegma apwányam aptaqmalma meyke ekhémo.

Lamentaciones 2:15

Eltekpogmakha chá'a apmék yesmaksek elwetak ma'a apkelyeykhágwayam nak chá'a; elmóheykha chá'a elyeykesha apqatkok ey'ássók, etnehek chá'a elxének ma'a Jerusalén ektaqmalma nak: “Keyaxa ekxénamaxko nak chá'a ektaqmalma agko' keso náxop, élpeykessáseykekxoho nak chá'a apkelwáxok énxet'ák”.

Isaías 14:13

Aptéma axta chá'a kalchetmok apwáxok se'e: ‘Wántek sa' ko'o ekweykmoho m'a néten; apekkenwók sa' sektaháno ekyawe ektaqmalma m'a néten nak Dios yaw'a apagkok; axek sa' ko'o m'a makhawók agko' nak nexcheyha, cham'a egkexe eyaqneykekxexa nak ma'a aqsok kéláyókxa.

Daniel 11:16

Etnéssesek sa' apmakókxa enxoho chá'a etnéssesek apkelma nak énxet ma'a apkelántaxnegwayam nak apchókxa', meyke xama énxet enxoho apmopwána yenmexekxa', elhamok sa' ma'a Xapop Ektaqmalma, emasséssók sa' ekyókxoho m'a apkelwet'akxa enxoho chá'a.

Ezequiel 20:6

Cháxa ekhem séltennassamakxa axta ko'o alántekkesek ma'a Egipto, anaqlók ma'a apkelókxa sektegyáseykegkaxa axta, xama apkelókxa ényahamakxa nak ma'a weyke nagkeygmenek tén han ma'a yányawhéna' apyegmenek ektémól'a kanyehek ma'a yegmen, ¡apkelókxa ektaqmalma agko', megkaxnawo nak ma'a ekyókxoho apkelókxa!

Malaquías 1:14

Añássesagkohok sa' ko'o m'a séltennasso nak chá'a hegkések aptósso meyke ekmaso ekyókxa, keñe hegkések ma'a aptósso ekmaso nak ekyókxa. Ko'o sekteme Wesse' apwányam, héláwhok nepyeseksa m'a apyókxoho pók aptémakxa énxet'ák.” Cháxa sektáhakxa nak ko'o sekpeywa xa, sektáha nak Wesse' ekha sekyennaqte.

Daniel 8:9

Tekkek axta han mók ketsék apkepetek xama m'a apkepet'ák nak, wegqágkek agko' axta han ekpayhémo m'a nepyeyam, tén han ekteyapmakxa ekhem, tén han ma'a ekwesey nak Xapop Ektaqmalma Agko'.

Isaías 66:10

“Kalpayhekxa kélwáxok xamók Jerusalén, kólátsaha agko' xamók ma'a, kélyókxoho ektáha nak kélásekhayo; kólwahánho ekpayheykekxa awáxok kélyókxoho, kéllekxagweykha nak chá'a kóllano';

Malaquías 3:12

Apyókxoho énxet'ák sa' chá'a exének kéxegke kéltáha kéleñémo, hakte tásek sa' katnehek kéxegke kélókxa. Ko'o sekxeyenma xa, sektáha nak Wesse' ekha sekyennaqte.”

Jeremías 3:19

“Énxet'ák Israel, ekxeyenmeyk axta ko'o kéxegke atnehek étchek ahancha'awo', tén han agkések ma'a xapop, étsapmo nak kélnények kóllano', apchókxa ektaqmalma agko' nak, megkaxnawo nak ma'a mók apkelókxa nak keso náxop. Énagkamchek axta ko'o kéxegke héltéhek kélyáp, tén han mehélyenyewek chá'a xama enxoho.

Salmos 76:2

Apyetnegkek tegma appagkanamap apagkok ma'a Jerusalén; aphegkek ma'a egkexe Sión,

Salmos 87:3

Dios tegma apwányam apagkok, tásók agko' nak la'a chá'a exchep katnehek apxénamap:

Salmos 99:9

Kólpeykesho Dios Wesse' egegkok, ¡kóltekxeyák kéltapnák ma'a amonye' nak egkexe apagkok ekpagkanamaxche'! ¡Appagkanamap ma'a Dios Wesse' egegkok, cham'a Wesse' egegkok nak!

Salmos 135:21

¡Kataqmalmakha sa' chá'a apxénamap Wesse' egegkok ma'a Sión, cham'a aphama nak Jerusalén! ¡Aleluya!

Isaías 2:2

Kólteméssesek sa' egkexe meyke ekhémo apyetnamakxa nak Wesse' egegkok tegma appagkanamap apagkok, cham'a amonye' sa' ektemegwánxa néxa ekhem. Katnehek sa' egkexe netnók agko', kalyeykhagkok sa' ma'a ekyókxoho egkexe nak. Apyókxoho pók aptémakxa énxet'ák sa' elmeyógmak ma'a;

Isaías 60:14

Elya'áwak sa' kéxegke m'a apketchek nak énxet'ák apnaqtawáseykegkoho axta chá'a, eltekxeyagkok sa' aptapnák kélmonye'e, metwasha apagko' sa' elháxahagkok eltekxeyagkok aptapnák xóp kélchaqnágkaxa apyókxoho m'a ektáha axta chá'a apkelwanyeykha, eltéhek sa' nahan Jerusalén ‘Wesse' egegkok Tegma Apwányam apagkok’, ‘Dios Aptaqmalma nak Israel Sión apagkok’.

Daniel 11:45

Yának sa' kólpekkenchessók appakxanma wesse' apwányam halep nak wátsam ekwányam, teyp nak egkexe ekpagkanamaxche Ektaqmalma. Sa' eyke yetsapwók ma'a, méko sa' han kapasmok.