Salmos 48:11 - Biblia Enxet

¹¹ ¡Kalpayhekxa kélwáxok kélheykha nak egkexe Sión! ¡Kólnextegmakha néten kalpayhekxak kélwáxok kélheykha nak tegma apkelyawe Judá, eñama ekpéwomo apkelánekxésso kélheykha m'a Dios!

Salmos 48:11 Referans Kwoze

Salmos 97:8

Oh Wesse', kelpayhekxeyk agko' apkelwáxok ma'a apheykha nak Sión, tén han ma'a tegma apkelyawe nak Judá, eñama m'a apkeltémókxa nak chá'a etnahagkok;

Zacarías 9:9

¡Kapayhekxoho agko' apwáxok xép, tegma apwányam Sión! ¡Enneykmés kapayhekxak apwáxok, xép tegma apwányam Jerusalén! Apya'aweykteyk xép, Wesse' apwányam apagkok Wesse' appéwomo, tén han segwagkassamo teyp, háwe eyke eyeymáxkoho apwáxok, yámelyeheykok apchánte, yámelyeheykok étkok.

Isaías 37:22

Keso aptáhakxa exchek appeywa Wesse' egegkok apxéna m'a wesse' apwányam Asiria: “Senaquerib, máxa kelán'a étkok entáhak ésmésa exchep ma'a Sión. Yeykáseyha akqátek neptámen ekwanyawo aptaqháwo m'a Jerusalén.

Cantares 5:16

yetnegkek nahan aqsok ekmátsa agko' ma'a apátog nak. ¡Énxet ekleklamo egwáxok anlanok ma'a! Cháxa aptémakxa ko'o sekpagkanma xa, cháxa aptemék ko'o seyásekhayo nak xa, kelán'ák Jerusalén.

Cantares 3:5

Kelán'ák Jerusalén, néltamhók negko'o mehẽltawássesha neghéyak, yetlo kélxeyenma xenaq étkok tén han popyet apketkók. ¡Hẽlho aqsa aghagkok ekwokmoho nennaqxétekhágko!

Cantares 2:7

Kelán'ák Jerusalén, néltamhók negko'o mehẽltawássesha neghéyak, yetlo kélxeyenma xenaq étkok tén han popyet apketkók. ¡Hẽlho aqsa aghagkok ekwokmoho nennaqxétekhágko!

Cantares 1:5

Kelán'ák Jerusalén, sélpésyam eykhe ko'o, etásek eyke; Sélpésyam, hawók émpehek ma'a apkelpakxenéyak nak énxet'ák ma'a yókxexma Quedar. Etáse', máxa m'a Salomón apáwa napwe'ék apagkok kélmakheyáseykegkól'a m'a kañe' apxagkok.

Salmos 58:10

Kalpayhekxak sa' apkelwáxok kélyaqmagkassásekxo enxoho kélteméssessamakxa m'a apkelpéwomo nak; ¡elyássesek sa' apmagkok éma apagkok ma'a élmasagcha'a nak apkeltémakxa!

Jueces 5:31

“¡Wesse', sa' kóltéhek kólmasséssók apyókxoho apkelenmexma xa, elyenmok sa' ma'a apchásekhayo nak chá'a, ektémól'a ekhem kalsaksek exma kaltátchesek!” Keñe axta ektéma meyke ektáhakxa apheykha énxet'ák natámen xa, ekweykmoho cuarenta apyeyam.

Malaquías 1:11

Apyókxoho pók aptémakxa énxet'ák chá'a ko'o etnehek seyáyo, ekyókxoho yókxexma chá'a hélwatnések ma'a aqsok ánek ekmátsa nak ekpaqneyam éten agkok, tén han hélmések chá'a aqsok sélmésso naqsa ekpayhawo nak chá'a hélmések.