Salmos 48:10 - Biblia Enxet

¹⁰ Oh Dios, kólteméssesek chá'a exchep apcheymákpoho ekyókxoho keso náxop, ekhawo ektémakxa nak ekxénamaxche' apwesey, hakte yetlo apmopwána chá'a exchep etaqmelchessásekxak apheykha m'a énxet'ák.

Salmos 48:10 Referans Kwoze

Malaquías 1:11

Apyókxoho pók aptémakxa énxet'ák chá'a ko'o etnehek seyáyo, ekyókxoho yókxexma chá'a hélwatnések ma'a aqsok ánek ekmátsa nak ekpaqneyam éten agkok, tén han hélmések chá'a aqsok sélmésso naqsa ekpayhawo nak chá'a hélmések.

Salmos 113:3

¡Kólpeykeshok sa' chá'a Wesse' egegkok apwesey eyeynamo m'a teyapmakxa ekhem, ekweykekxoho m'a taxnegwánxa ekhem!

Deuteronomio 28:58

“Sa' agkok kóllanak ekyókxoho ektémakxa nak segánamakxa eknaqtáxésamaxche s'e weykcha'áhak nak, tén han megkólekawo enxoho s'e ektémakxa nak eyeymáxkoho apwesey mageysso nak ageyk ma'a Dios Wesse' kélagkok,

Josué 7:9

Ellegak sa' amya'a ektáhakxa m'a cananeos, tén han ma'a apyókxoho apheykha nak ma'a yókxexma, keñe sa' epaxqeykxak ma'a nélenmexma nak, hegketámegmak sa'; hensawhohok sa' han hẽlnápok. ¿Háxko sa' etnehek xeyep megyohók kólwanyohok ma'a apwesey nak?

Isaías 41:10

Nágyé aqsa, ekheyk ko'o xamók xép; nágkatneykha aqsa apwáxok, ko'o sekteme Dios apagkok. Agkések sa' ko'o exchep apyennaqte, apasmok sa' nahan, amagkok sa' ko'o exchep apmek ma'a émek ekmallahanmo nak chá'a kempakhakma.

Malaquías 1:14

Añássesagkohok sa' ko'o m'a séltennasso nak chá'a hegkések aptósso meyke ekmaso ekyókxa, keñe hegkések ma'a aptósso ekmaso nak ekyókxa. Ko'o sekteme Wesse' apwányam, héláwhok nepyeseksa m'a apyókxoho pók aptémakxa énxet'ák.” Cháxa sektáhakxa nak ko'o sekpeywa xa, sektáha nak Wesse' ekha sekyennaqte.

Salmos 145:17

Péwók ekyókxoho aqsok apkelane nak Wesse' egegkok, kataqmalmakha chá'a apwáxok elanok ma'a aqsok apkelane nak.

Salmos 99:4

Xép apteme Wesse' Apwányam ekha apyennaqte, apmopmenyého nak nentémakxa ekpéwomo; xép apagko' appekkenma meyke ekyeykhamaxche mók nentémakxa. Appékessessamók axta chá'a exchep apkelánéseykekxa apheykha m'a Jacob énxet'ák apagkok, yetlo ektaqmalma aptémakxa.

Salmos 45:7

Yásekhohok chá'a m'a aqsok ektaqmela, etaqnók chá'a m'a aqsok ekmaso nak. Cháxa keñamak apkelyéseyncha'a nak Dios, cham'a Dios apagkok nak, apyánchessamók han apmésso m'a ekpayheykekxa apwáxok, kaxnók ma'a apkelxegexma'a nak.

Salmos 11:7

Wesse' egegkok apteme appéwomo, tén han apchásekhayo m'a aqsok ekpéwomo nak, ¡cháxa keñamak peya sa' elwetak apaqta'ák apagko' ma'a meyke nak apkeltémakxa!

1 Crónicas 16:14

“Cham'a apteme Dios Wesse' egagkok ma'a; ¡sawheykekxók han apteme Wesse' apwányam keso náxop!